Dagblaðið Vísir - DV - 10.11.1986, Qupperneq 4

qnn> a rx" yy 7 T,A
r«'>- r crqaT/'n
MÁNUDAGUR 10. NÓVEMBER 1986.
Stjómmál
Stjómmálaályktun 19. flokksþings Framsóknarflokksins:
Anægja með afirakstur
nkisstjómarstarfsins
Hér bera þeir saman bækur sínar Páll Pétursson, Steingrímur Hermannsson, Guðmundur Bjarnason og Halldór
Ásgrimsson og er greinilega verið að ræða eitthvert alvariegt mál. DV-mynd Bj.Bj.
Steingrímur Hermannsson, for-
maður Framsóknarflokksins, og
Haildór Ásgrímsson varaformaður
flokksins, óska hvor öðrum tii
hamingju með endurkjörið. En
þeir hlutu yfir 90% atkvæða i
embættin.
DV-mynd Bj.Bj.
Foiystan
endur-
kjörin
Samkvæmt nýjum ákvæðum í
lögum Framsóknarflokksins var
stjóm flokksins nú í fyrsta skipti
kosin á flokksþingi, en hún hefur
áður verið kosin af miðstjóm
flokksins.
Steingrímur Hermannsson for-
sætisráðherra var endurkjörinn
formaður flokksins með 96% af
greiddum atkvæðum. Varaformað-
ur flokksins, Halldór Ásgrímsson
sjávarútvegsráðherra, var einnig
endurkjörinn og Guðmundur
Bjamason verður áíram ritari og
Finnur Ingólfeson gjaldkeri. Þeir
fjórir fengu yfír 90% greiddra at-
kvæða.
Þingheimur lýsti yfir ánægju
sinni með endurkjör stjómarinnar
með dynjandi lófataki. Á þessu
nítjánda flokksþingi Framsóknar-
flokksins voru mættir 577 aðalfuil-
trúar auk fjölmargra varafúlltrúa
víðs vegar að af landinu.
-SJ
Samþykkt stjómmálaályktunar
var síðasta verk 19. flokksþings
Framsóknarflokksins sem stóð yfir á
Hótel Sögu nú um helgina og lauk
um kvöldmatarleytið í gærkvöldi.
Miklar umræður urðu um ályktun-
ina en samkvæmt dagskrá þingsins
var gert ráð fyrir að því lyki klukk-
an fjögur í gær. Yfirskrift ályktunar-
innar er „Ný öld í augsýn" sem
einnig var kjörorð flokksþingsins.
Fyrsti kafli hennar fiallar um ár-
angur ríkisstjómar Steingríms
Hermannssonar og nefhist sá kafli
einfaldlega „Festa" og er þar vísað
til kjörorða Framsóknarflokksins
fyrir síðustu kosningar.
Þar segir að flokkurinn hafi haft
forystu um lögbundnar efnahagsað-
gerðir sem leitt hafi til hjöðnunar
verðbólgu. „Sá árangur va:- innsigl-
aður á síðastliðnum vetri með
víðtækum kjarasáttmála sem ríkis-
stjómin hafði skapað forsendur fyrir
með aðgerðum sínum.“ Einnig segir
í þessum kafla að í lok ársins verði
kaupmáttur ráðstöfunartekna að
meðaltali meiri hér en nokkru sinni
fyrr, verðbólga verði minni en hún
hefur verið í 15 ár, spamaður verði
meiri en hann hefur verið í 14 ár.
Auk þess segir að atvinnuleysi sé
ekkert hér á landi og að erlendar
skuldir og greiðslubyrði fari lækk-
andi sem hundraðshluti af þjóðar-
framleiðslu. Síðan segir: „Þessi
umskipti hafa leitt til efnhagslegs
stöðugleika og gert íslensku þjóðinni
kleift að ganga á ný inn á braut
framfara, efnhagslegs frjálsræðis og
velferðar."
í næsta kafla ályktunarinar sem
nefhist „Sókn“ er fagnað ýmsum
aðgerðum stjómvalda eins og stofn-
un Þróunarfélags íslands, einnig em
nefndar skipulagsbreytingar i sjáv-
arútvegi og landbúnaði sem séu
gmnnur að meiri framleiðni og hag-
kvæmni þessara atvinnugreina.
„Alþjóð er þó ljóst að í þessum mál-
um hefur Framsóknarflokkurinn
unnið nauðsynlegt tímamótaverk."
segir í umijöllun um aðgerðir í sjáv-
arútvegi og landbúnaði.
Baráttumál í komandi kosn-
ingum
Sérstakur kafli í stjómmálaálykt-
un flokksþingsins fjallar um bar-
áttumálin í komandi kosningum, þar
er m.a. vikið að byggðamálum og
fjallað run opinbera þjónustu við
dreifbýlið. Þar segir „Byggðastofnun
verði efld, stjómsýslustöðvum komið
upp í kjördæmum landsbyggðanna
og þangað færð sú opinber þjónusta
sem dreifbýlinu er nauðsynleg.
Verkefni, ábyrgð á þeim og tekjur
til þess að framkvæma þau verði
færðar til landsbyggðarinnar. Til að
gera það kleift verði komið á fót
öflugum lýðræðislegum stjómsýslu-
einingum. Á þinginu var ekki tekin
endanleg afetaða til þess hvort koma
ætti á 3ja stjómsýslustiginu, en
Alexander Stefánsson félagsmála-
ráðherra er andvígur þeirri hug-
mynd. Þorri þingmanna mun þó
hafa verið fylgjandi því að 3ja stjóm-
sýslustigið yrði tekið upp.
Fleiri baráttumál flokksins í kom-
andi kosningum em talin upp eins
og að nýta eigi góða stöðu þjóðar-
búsins til að treysta rekstrargrun-
dvöll atvinnuveganna og þar eru
frystihús sem eiga í erfiðleikum eftir
„óðaverðbólgu" sérstaklega nefnd.
Framsóknarmenn telja að endur-
skoða þurfi skattalögin og að þau
verði einfölduð. Loks má nefha af-
stöðu flokksins til þátttöku erlendra
aðila í atvinnurekstri á íslandi, en
hann er talinn geta verið nauðsyn-
legur og æskilegur ef um er að ræða
atvinnurekstur sem byggir á tækni-
nýjungum eða nýjum mörkuðum.
Síðar kemur fram að flokkurinn tel-
ur að endurskoða þurfi löggjöf um
þátttöku erlendra aðila hér á landi,
þannig að íslenskir hagsmunir verði
sem best tryggðir.
Staða varnarmáladeildar
verði endurskoðuð
I kaflanum um utanríkis- og örygg-
ismál kemur fram að flokksþingið
telji eðlilegt að staða og starfssvið
vamarmálanefndar og vamarmála-
deildar verði endurskoðað. Þetta er
ekki útskýrt nánar í ályktuninni.
í kaflanum er einnig tekið fram
að flokkurinn vilji ekki að starfeemi
eða hemaðarframkvæmdir á vegum
vamarliðsins eða NATO verði aukn-
ar, þar er tekið fram að einnig sé
átt við ratsjárstöðvar, birgðageymsl-
ur og flugvelli. Framkvæmd vamar-
samningsins við Bandaríkin er
gagnrýnd og segir í ályktuninni
„Hvað varðar framkvæmd vamar-
samningsins við Bandaríkin telur
flokkurinn á það skorta að haldið
hafi verið á málum af nægilegri festu
og í samræmi við öryggishagsmuni
Islendinga."
Ný öld í augsýn
Síðasti kafli ályktunarinnar ber
sama heitið og ályktunin sjálf eða
„Ný öld í augsýn", þar segir m.a.
„Höfuðverkefni íslenskra stjórnmála
á næstu árum verður að búa þjóðina
undir tuttugustu og fyrstu öldina.
Til þess þarf framsýni og víðsýni."
í dag mælir Dagfari
Endalokin í augsýn
Flokksþingi Framsóknarflokks-
ins lauk í gær og eftir fréttum að
dæma urðu þar engin stórátök. Þó
er ljóst að sveitavinir létu allmikið
til sín taka og réðu kjöri í miðstjóm
með þeim afleiðingum að hlutur
þéttbýlisins á Reykjanesskaganum
minnkaði um helming frá því sem
áður var. Svo langt var gengið að
Sigrún Magnúsdóttir, borgarfulltrúi
Framsóknarflokksins í Reykjavík,
náði ekki einu sinni kjöri í mið-
stjóm, hvað þá aðrir spámenn eins
og til dæmis Erlendur Einarsson.
Þóttust margir kenna anda Stefáns
Valgeirssonar svífa yfir vötnum þá
miðstjómarkjörið fór fram og þar
var kosið eftir nákvæmri uppstill-
ingu sem dreift var skriflega á
fundinum þótt svo eigi að heita að
allir hafi verið í kjöri. Kjörorð þings-
ins hjá Framsókn er „Ný öld í
augsýn". Nú er það í sjálfu sér ekki
nein ný tíðindi, því ýmsir sem standa
utan Framsóknarflokksins hafa
einnig uppgötvað að árið tvö þúsund
er ekki langt undan og greinilega í
augsýn. Hins vegar verður ekki í
fljótu bragði séð hvað það kemur
Framsóknarflokknum við því margir
telja ólíklegt að hann verði enn tór-
andi þegar ný öld gengur í garð.
En á Framsóknarþinginu em
menn auðvitað fullir bjartsýni eins
og vera ber á flokksþingum. Og þing-
fulltrúar komu saman i Háskólabíói
og sungu og skemmtu sér. Daginn
eftir þessa skemmtan tók hins vegar
alvaran við og einkum birtist hún í
ræðu Finns Ingólfssonar, gjaldkera
flokksins. Þegar hann gerði grein
fyrir fjármálum flokksins var þar
fátt um fína drætti. I stuttu máli var
niðurstaða gjaldkerans sú að flokk-
urinn skuldaði 25 milljónir en ætti
ekki lengur neinar eignir. Það sem
einkum hefúr orðið til að koma
flokknum á kaldan klaka fjárhags-
lega er kostnaður við að reyna að
koma skoðunum flokksins á fram-
færi. Nú skuldar Framsóknarflokk-
urinn um 70 milljónir króna vegna
blaðaútgáfu og eftir að hafa selt
Framsóknarhreiðrið við Rauðarár-
stíg standa enn eftir 25 milljónir í
skuld. Dýrt er Drottins orðið, var
einu sinni sagt en þó vafamál að það
sé jafndýrt og Steingríms orðið.
Það er greinilegt að þjóðin hefur
ekki viljað greiða það verð fyrir
upplýsingar um stefiiu Framsóknar-
flokksins sem það kostar að fram-
leiða áróðurinn. Er vandséð hvemig
flokknum tekst að losa sig úr fjár-
hagskreppunni áður en nýja öldin
skellur á. Hins vegar lét gjaldkeri
flokksins þess getið að nú væru
kraftaverkamenn að störfum á Tí-
manum og hefði raunar komið fram
lítils háttar hagnaður af blaðaút-
gáfúnni fyrstu níu mánuði ársins.
Gott fyrir Framsókn ef rétt er en það
er eins og Dagfara rámi í að í fyrra
lífi tiltekins kraftaverkamanns á Tí-
manum hafi það borið við að
ógreiddir reikningar hafi ekki skilað
sér inn í bókhaldið á meðan allar
tekjur voni þar samviskusamlega
tíundaðar. Var þá fjárhagsafkoma
oftar en ekki góð - á pappírunum.
Annars heyrist Dagfara á kunningj-
um úr Framsókn að það sé einn
megingalli Tímans hvað hann sé fer-
lega leiðinlegt blað. Er helst á þeim
að skilja að þeir taki út meiri háttar
þjáningar í tilraunum sínum til að
komast í gegnum efni blaðsins dag
frá degi. Um þetta getur Dagfari
ekki dæmt þar sem hann er ekki í
flokknum og er því laus undan þeirri
þungbæru skyldu flokksþræla að
þurfa að lesa Tímann upp á hvem
dag. Ekki er nú ástandið björgulegt
þegar einn flokkur getur hvorki
haldið úti blaði, sem einhver fæst til
að lesa sjálfviljugur, né heldur að
útgáfan geri annað en að safria
skuldum. En Valur hlaut góða kosn-
ingu í miðstjóm og því ekki útilokað
að SÍS frændi láti eitthvað af hendi
rakna til blaðsins, ekki síst nú þegar
tókst að losna við Erlend kaffi-
baunakóng úr forystu flokksins.
Framsóknarflokkurinn hefúr nú ve-
rið í sókn í 70 ár ef marka má leiðara
Tímans sem Dagfari slysaðist til að
hlusta á upplesinn í útvarp. Þessi
sóknarlota hefur skilað þeim árangri
að flokkurinn er svo til rúinn öllu
trausti kjósenda og þótt Hriflu-Jónas
segði á sínum tíma að þar ættu
þröngsýnir og smásálarlegir sveita-
vinir ekki heima þá sýnir sagan að
þess konar menn hafe borið uppi
flokksstarfið til þessa. Dagfari.