Dagblaðið Vísir - DV - 10.11.1986, Side 39

MÁNUDAGUR 10. NÓVEMBER 1986.
39
Merming
Dómkórinn.
Tónlistardagar Dómkirkjunnar:
Kórtónleikar
Tónlistardagar Dómkirkjunnar.
Tónleikar Dómkórsins 5. nóvember.
Stjórnandi: Marteinn H. Friðriksson.
Einleikari á orgel: Ann Toril Lindstad.
Efnisskrá: A. Gumpelzhaimer: Min sál,
þinn söngur hljómi: J. Staden: Ó guö þin
náö; Knut Nystedt De Profundis; Romuald
Twardowski: Laudate Dominum; Dietrich
Buxtehude: Prelúdia og fúga i F-dúr; Hugo
Distter: In der Welt habt ihr Angst; Johann
Sebastian Bach: Lobet den Herm, alle
Heiden; Arild Sandvold: Adagio fyrir org-
el; Anton Bruckner: Ave Maria. Christus
factus est og Locus iste.
í Reykjavík má segja að þrír
krikjukórar sýni þá viðleitni, og
jafnlramt hafi þá getu til, að flytja
aðra og viðameiri músík en hinn
heföbundna kirkjusöng messunnar.
Einn þeirra er Dómkórinn og hefur
hann um nokkurra ára skeið gengist
fyrir tónlistardögum, smákirkjutón-
listarhátíð, rétt upp úr vetumóttum.
Nú eru tveir gestir á Tónlistardög-
um, en frá upphafi hefur Dómkórinn
haft það fyrir venju að bjóða erlend-
um, eða innlendum merkis tónlistar-
mönnum þátttöku. Jafnan hefúr
hann líka pantað ný tónverk í tilefni
þeirra. Gestimir em að þessu sinni
Knut Nystedt, hið þekkta norska
tónskáld og kórstjóri, og Rolf
Schönstedt, organleikari frá Hamm
í Þýskalandi.
Fyrstu tónleikar á Tónlistardögum
vom tónleikar Dómkórsins sjálfs.
Hasst á efhisskrá þeirra bar De Pro-
fúndis eftir Knut Nystedt, Kantöt-
una Lobet den Herm eftir Johann
Sebastian.Bach og Laudate Domin-
um eftir pólska tónskáldið Romuald
Twardowski.
Tónlist
Eyjólfur Melsted
Holl endurnýjun
De Profundis hefúr kórinn áður
sungið, en nú hefur í hans raðir
bæst mikið af ungu söngfólki, sem
ekki hefur haft kynni af þeim verk-
um sem áður hafa verið á efnisskrá
hans. Þó söng kórinn þetta af meira
öryggi en í fyrsta sinn. Bæði er að
þeir sem áður höfðu sungið voru
vissir í sinni sök og svo virðist sem
liðsaukinn hafi valist mjög vel.
Einkum kemur þetta fram í mun
meira jafnræði raddanna en áður
var. Það verður aftur til þess að
kómum er hægt að beita mun
ákveðnar en áður - slaka ögn á var-
fæminni og gefa óhikað í þegar það
á við og þess er þörf. Það finnst mér
dómkantórinn ekki alltaf vera nógu
trúaður á, enda kannski ekki rétt
að sleppa taumunum lausum of
snöggt. En kórinn sýndi það í þrem-
ur smáperlum Bruckners að honum
er vel til þess treystandi. Það fékk
hins vegar ekki að koma nægilega
fram, einmitt þegar á þurfti að halda
í De Profundis og eins í Talkórs-
verki Twardowskis. En það er líka
töluvert að flytja tvö svo erfið verk
hvert á eftir öðm.
Síður en svo eftirbátur hinna
fyrri
Með kómum í Kantötu Bachs,
Lobet den Herrn, lék Pétur Þor-
valdsson basso continuo röddina af
stakri smekkvísi, fyllti uppí og studdi
vel. Einnig lék Ann Toril Lindstad
Prelúdíu og fúgu Buxtehudes og
Adagio eftir Arild Sandvold á oregl.
I prelúdíunni fannst mér gæta svolít-
ils fums hjá henni og registreringin
ögn gróf, en í fúgunni fann maður
ekki til þess. Adagio Sandvolds man
ég ekki hvort ég hef heyrt hjá henni
áður, eða einhverjum öðrum organ-
ista. Það er geysilega falleg músík
og hér mjög fallega spiluð.
Það lítur sem sé út fýrir að Tónlist-
ardagar Dómkirkjunnar þetta árið
ætli síður en svo að verða eftirbátur
þeirra fyrri.
EM
SMÁ-AUGLÝSING í DV GETUR LEYST VANDANN.
Smáauglýsingadeild
— sími 27022.