Dagblaðið Vísir - DV - 23.05.1987, Blaðsíða 20
20
. LAUGARDAGUR 23. MAÍ 1987.
Vísnaþáttur
Vínið, ástin og tárin
Vín og ástir eru þau yrkisefni sem
oftast koma fyrir í ljóðabókum og
kviðlingum. Jafnvel í bók bókanna
er hvort tveggja lofsungið. Von er
það, unaðsgjafi þeim sem með kunna
að fara, örlagavaldar til góðs og ills,
uppspretta hamingju og harma.
Nú byrjum við á gömlu kvæði sem
sumir vilja jafnvel eigna séra Stefáni
Ölafssyni í Vallanesi. Hann var höf-
uðskáld sinnar tíðar, 1619 eða svo til
1688. En aðrir prestar geta hafa kom-
ið við sögu þessa Ijóðs. Gott hefur
þeim þótt að minnast þess að höfund-
ar kristninnar fordæmdu ekki
víndrykkju. En líklega hefur það
verið öðruvísi meðhöndlað í Gyðing-
alandi en á Norðurlöndum. Þess
sjást glögg dæmi í opinberum heim-
ildum að ofdrykkja og óleyfilegt
kvennafar hefur orðið mörgum prest-
um dýrt. Þess ber að minnast að í
gömlum kvæðum var ekki eins gætt
nákvæmni í stuðlasetningu og við
viljum hafa fyrir reglu í þessum pistl-
Drykkjukvæði
Lánið drottins lítum mæta,
lét hann ölið hjörtun kæta,
vínið gjörði viskan sæta
að virða skyldi sorgir bæta.
Vel í Kana vatni sneri,
vill að allir glatt sér geri,
óhóf forðist, en þó veri
ölteitir og skemmtun beri.
'Vel sá þetta viskan dýra,
vínið gerði rekka hýra,
vildi því svo vald hans stýra,
vegsömum hans nafnið skíra.
Gaf náttúrur guð því margar,
gleður menn og lúa fargar,
veikum mönnum við það bjargar,
vel í soltna lífi tjargar.
Vínið trega tungu týnir,
tapar sorg tii dirfsku brýnir.
Vínið drottins vald oss sýnir:
- Verum kátir,-bræður mínir.
Kenna vill það köppum snjöllum
Kristur, þann vér Drottin köllum,
vera guð í himna höllum,
hafa vald yfir skepnum öllum.
Rekkar þiggi reglu mína,
rétt vil eg þeim kenna og sýna.
Látum aldrei lof hans dvína,
leikur hann svo við sauði sína.
Æra guði æ sé framin,
og vegsemd af öllum samin.
Fólkið ungt og fullaldra menn
fagna rómi lofgjörð. Amen.
Mark stúlkunnar
Vinnukona séra Stefáns bað pilt á
bænum að marka fyrir sig lamb.
Gamansamur guðsmaðurinn gerði
úr erindi hennar þrjár vísur. Og
bætti þar við frá sjálfum sér mein-
Vísnaþáttur
lausum orðum, en ekki laust við að
vera grófum.
Þorngrund mælti, þar er hún sat,
þekk við lundinn geira:
Hamarskoru og gloppugat
gerðu í hægra eyra.
Hamarinn mér í greipar gekk,
það gæfumarkið fína.
Eitt ég gat að erfðum fékk
og allar systur mínar.
Mér er ekki að missa tamt,
þótt margra kindur deyi.
Svo er mitt gatið gæfusamt,
því grandar refurinn eigi.
Stökur og Ijóðabrot
Nú koma vísur nær okkar tímum
og þó í allmiklum íjarska. Sumt eru
lausavísur, sumt úr lengri kvæðum.
Sigurður Breiðfjörð:
Engir menn því orkað fá
og aldrei heldur munu kunna,
að halda kvenna hjörtum frá
honum, sem þær vilja unna.
Tryggðin há er höfuðdyggð,
helst ef margar þrautir reynir,
hún er á því bjargi byggð,
sem buga ekki stormar neinir.
Þegar ég tók í hrundar hönd
með hægu glingri,
fannst mér þegar eg var yngri,
eldur loga á hverjum fingri.
Gísli Brynjúlfsson:
Víst er að skærra vínið er
en vötnin tær,
en fagurskærri finnast mér,
þó brúnaljós, er brosir mær.
Við skulum drekka vínið tært
á vinafund.
En meyjaraugað muna skært
þó alla vora ævistund.
1979 gaf Sigrún Fanndal frá Sauð-
árkróki út ljóðabókina Við arininn.
Þaðan hef ég leyft mér að taka eftir-
farandi stökur.
Gleðja ljóðin muna minn
meðan blóð í æðum rennur.
Léttur óður enn er þinn,
andans glóð á vörum brennur.
Glösin tæmd að loknum leik.
Líðan slæm er manna.
Svona er að vaða í villu og reyk
á valdi freistinganna.
Orku úr læðing leysa má
lukku til og sorgar.
En axarsköft þeim æðstu hjá
almenningur borgar.
Ólöf Sigurðardóttir
Láttu brenna logann minn,
lof mér enn að skoða’ann,
horfa í ennis eldinn þinn,
inn í kvenna voðann.
Dýpsta sæla og sorgin þunga
svífa hljóðlaust yfir storð.
Þeirra mál ei talar tunga,
tárin eru beggja orð.
Jón úr Vör,
Fannborg 7,
Kópavogi.
Heímílístækí
sem bíða ekki!
ísskiipur
tivottavcl
purrkari
etdavcl
frystikisti
Nú er ekki eftir neinu að bíða, þú verslar í Rafbúð
Sambandsins fyrir 100 þúsund og getur þá keypt
öll heimilistækin í einu, valið sjálfur hvert tæki af
ótal gerðum í pakkann, bætt sjónvarpi, videotæki
eða hrærivél við og skipt greiðslum jafnt niður á
24 mánuði. Engin útborgun og fyrsta greiðsla eftir
einn mánuð. Enginn íslenskur raftækjasali hefur
boðið slík kjör - hvorki fyrr né síðar. Hafðu sam-
band við Rafbúð Sambandsins strax - það er ekki
eftir neinu að bíða.
TAKMARKAÐ
MAGN
... I MftSS
a þessum kjorumjj ^SAMBANDSINS
ÁRMÚLA3 siml 687910