Dagblaðið Vísir - DV - 23.05.1987, Blaðsíða 40
40
LAUGARDAGUR 23. MAÍ 1987.
Ýmislegt
Tónleikar í íslensku óperunni
Um miðjan næsta mánuð mun Kristinn
Sigmundsson bregða fyrir sig betri fætin-
um, brýna raust sína og taka þátt í
söngkeppni ungra óperusöngvara. „Singer
of the WorkT'. Keppni sú er haldin á
tveggja ára fresti á vegum BBC útvarps-
stöðvarinnar í Cardiff í Wales. Af þessu
tilefni mun Kristinn. ásamt Jónasi Ingi-
mundarsvni. halda tónleika í íslensku
óperunni nk. sunnudag. 24. maí kl. 20.30.
Á efnisskránni verða sönglög og aríur eft-
ir Richard Strauss. Wolf. Ives. Hageman.
Griffes. Mozart. Wagner. Verdi. Giordani.
Gounod og Bizet. Þar á meðal eru verk
íem Kristinn er að undirbúa fyrir keppn-
ina. Allur ágóði af tónieikunum rennur til
Islensku óperunnar.
Söguferð til Þingvalla
Sögufélag Kjalarnesþings gengst fyrir
söguferð til Þingvalla laugardaginn 23.
maí nk. Lagt verður af stað frá Hlógarði
í rútu kl. 13 og áætlað að koma til baka
um kl. 17. Leiðsögumaður verður Pétur
J. Jóhannsson frá Skógarkoti í Þingvalla-
sveit. Auk þess sem hann rekur sögu
Þingvalla mun hann fræða fólk um jarð-
sögu og náttúrufar staðarins. Gengnar
verða ótroðnar slóðir Fólk er beðið um
að taka með sér nesti.
Júgóslavneskur
... sellósnillingur
hjá Tónlistarfélaginu
Síðustu tónleikar Tónlistarfélagsins í
Reykjavík verða haldnir í íslensku óper-
unni, Gamla bíói, laugardaginn 23. maí
kl. 14.30. Þar mun ungi sellósnillingurinn
Valter Despalj spila á 300 ára gamalt
hljóðfæri. smíðað i Cremona af Gianbatt-
ista Rogeri, tónlist eftir Beethoven,
Schumann, Lukas Foss og Brahms. Píanó-
leikarinn, sem einnig er júgóslavneskur,
heitir Arbo Valdma. Valter Despalj hefur
unnið til margra verðlauna og hefur leikið
einleik með flestum frægustu hljómsveit-
um heims og haldið tónleika um allan
heim. Alls staðar þar sem hann hefur kom-
ið fram hefur hann vakið gífurlega athygli
og hlotið lof fyrir óaðfinnanlega tækni og
sjaldgæfar tónlistargáfur. Á sunnudag
munu listamennirnir fara til Isafjarðar og
halda tónleika þar í sal grunnskólans fyr-
Jr Tónlistarfélag Isafjarðar og hefjast þeir
-i^ónleikar kl. 17. Nokkrir aukamiðar verða
til sölu við innganginn í íslensku óper-
unni á laugardagstónleikana.
Kvenfélag Kópavogs
Spiluð verður félagsvist nk. mánudag. 25.
maí. og hefst kl. 20.30. í Félagsheimilinu.
Allir velkomnir.
Aðalfundur íþróttafélags
fatlaðra í Reykjavík
og nágrenni
verður haldinn laugardaginn 30. maí kl.
14 í Hátúni 12,1. hæð (félagsheimili Sjálfs-
bjargar). Dagskrá: venjuleg aðalfundar-
störf og önnur mál.
Astra í nýtt húsnæði
Á 10 ára afmælinu flutti fyrirtækið
ASTRA í nýtt húsnæði að Austurströnd
8, Seltjarnarnesi. Fyrirtækið séhæfir sig í
iðnaðarhurðum, fjarstýrðum bílskúrs-
hurðaopnurum, hliðum fyrir bílastæði.
iðnaðarplasthengjum og iðnaðarryksug-
um, ásamt fleiru.
Handboltaskóli
Handboltaskóli Per Skárup’s og Fram 1987
verður 25.-29. maí nk. í íþróttahúsi Álfta-
mýrarskóla. Skólinn verður tvískiptur.
fyrir og eftir hádegi. KI. 9 12 verða dreng-
ir fæddir 1971 74 og kl. 13 16 stúlkur
fæddar 1972-1975. Á námskeiðinu verður
farið yfir öll helstu atriði í handknattleik.
s.s. sókn, vörn. markvarðaþjálfun. skotaf-
brigði. boltatækni og margt fieira. Til-
kynna má þátttöku alla virka daga í síma
35033 og 34792 milli kl. 16.30 og 18. Einnig
í síma 74430 (Heimir) og 656637 (Brynjar).
Gjald. kr. 2000,- fyrir þátttakanda. greiðist
við upphaf kennslu.
Háskólafyrirlestur
Peter Kemp. lektor í heimspeki við Kaup-
mannahafnarháskóla. fjytur opinberan
fyrirlestur í boði heimsþekideildar Há-
skóla íslands sunnudaginn 24. maí 1987
kl. 15 í stofu 101 í Lögbergi. Fyrirlesturinn
fjallar um kenningar franska heimspek-
ingsins Pauls Ricoeurs um frásagnir og
tíma sem hann setur fram í ritverki sem
nýlega er komið út í þremur bindum. bæði
á frönsku og ensku. Peter Kemp er þekkt-
ur danskur fræðimaður og heimspekingur
og hefur hann áður flutt fyrirlestra hér á
landi. Fyrirlesturinn verður fluttur á
ensku og er öllum heimill aðgangur.
Litli skátadagurinn
Sunnudaginn 24. maí nk. mun Bandalag
íslenskra skátc gangast fyrir miklum há-
tíðarhöldum í Öskjuhlíð. Dagurinn ber
vfirskriftina „litli skátadagurinn" og er
ætlaður skátum á aldrinum 7-10 ára.
Margt verður sér til gamans gert og má
þar meðal annars nefna þrautabraut,
metasvæði, íþróttakeppni, varðeld. útield-
un, söng glens og gleði. Dagskráin hefst
kl. 11 og er áætlað að henni ljúki kl. 17.
Kl. 15.30 hefst varðeldur með söng og
skemmtiatriðum og eru borgarbúar hvatt-
ir til að koma þá upp í Öskjuhlíð og taka
þátt í dagskránni.
Gullni Haninn í röð
heimsþekktra matarstaða
Veitingahúsið Gullni Haninn hefur fyrir
skömmu verið samþykkt sem fullgildur
félagi í samtökunum „Chaine des Rotisse-
urs". Samtök þessi eru ein virtustu sinnar
tegundar í heiminum og þvkir aðild að
þeim mikill heiður fvrir þá sem hana
hljóta. Aðild er aðeins veitt þeim veitinga-
stöðum sem uppfvlla strangar kröfur um
matargerð. framreiðslu og þjónustu en
samtökin gera ítarlega úttekt á viðkom-
andi veitingastað áður en útnefning á sér
stað. Gullni Haninn mun nú skarta hinu
heimsþekkta skjaldarmerki á dvrum sín-
um og öllum matseðlum enda hafa þeir
matarlistamenn Birgir Jónsson og Brynjar
' Eymundsson náð hér langþráðum áfanga.
Gullni Haninn er að Laugavegi 178.
Börn í bílum þurfa vörn
Umferðarráð hefur látið búa til veggspjald
um örrygisbúnað fvrir börn í bílum. Vegg-
spjaldið er m.a. sent á dagvistunarheimili,
heilsugæslu- og lögreglustöðvar. Spjald-
inu er ætlað að vekja athygli almennings
á því að nú er völ á góðum öryggisbúnaði
fvrir alla aldurshópa. Á sl. fimm árum
hafa að meðaltali 47 börn slasast árlega
sem farþegar í bílum. Ekkert þeirra var í
bílstól eða bílbelti. Árið 1986 slösuðust 45
börn yngri en 7 ára í umferðinni, og 2 lét-
ust. Mörg þeirra slösuðust sem farþegar í
bílum. Það hefði verið hægt að koma í veg
fyrir mörg þessara slysa, og draga úr öðr-
um, ef börnin hefðu verið nægjanlega vel
varin. Börn í bílum eiga rétt á þeirri vernd
sem notkun öryggisbúnaðar veitir þeim.
Vegabréfsáritun til
Frakklands
Utanríkisráðuneytið vill að marggefnu til-
efni minna á að Islendingar þurfa að hafa
vegabréfsáritun til Frakklands við komu
þangað. Áritun fæst yfirleitt ekki á landa-'
mærastöðvum eða á frönskum flugvöllum.
Sækja ber um áritun til franska sendiráðs-
ins, Túngötu 22, 101 Reykjavík, sími (91)
17621. Opnunartími 9-12 og 13.30-17.30,
mánudaga til föstudaga. Afgreiðslutími
fyrir áritanir er tveir til þrír virkir dagar.
Tímaritið MAD á íslensku
Forsaga - útgáfa, Kópavogi, sendir nú frá
sér fyrsta eintakið af tímaritinu MAD.
Valið efni frá tuttugu ára tímabili úr
bandarísku grín-ádeilublöðunum MAD er
uppistaðan í þessu blaði, auk íslensks
kafla um leiðtogafundinn í Höfða. Einung-
is 5-10% af efni bandarísku blaðanna
þótti henta fyrir íslenska markaðinn svo
ljóst er að í framtíðinni mun hlutur inn-
lends efnis fara vaxandi í blaðinu en fimm
tölublöð hafa nú verið skipulögð. Ritstjórn
blaðsins er í höndum Páls P. Daníelssonar
og Björns Karlssonar er jafnframt hefur
umsjón með íslenskri þýðingu, en hann
bjó um árabil í Bandaríkjunum. Bragi
Einarsson teiknaði íslenska kaflann og
Þórarinn E. Þórarinsson sá um útskot.
Blaðið er ofsettprentað á góðan pappír í
sama broti og bandarísku blöðin, heldur
þykkara þó eða 56 síður. hjá prentsmiðj-
unni Steinmark í Hafnarfirði. MAD
blaðinu verður dreift í allar bókabúðir á
landinu auk allra helstu blaðasölustaða
og kostar kr. 219 með söluskatti.
Æskan
4. tbl. Æskunnar er komið út. Aðalviðtalið
er við Þorgils Óttar Mathiesen hand-
knattleikskappa en á veggmynd eru þau
Halla Margrét Árnadóttirog ValgeirGuð-
jónsson. I starfskynningu er sagt frá
hjúkrunarfræðinámi. „Að sjá og finna í
stað þess að heyra" er heiti annarrar
greinarinnar í flokki um íotluð börn.
Heyrnleysingjaskólinn er heimsóttur og
skólastjóri hans. Einnig er rætt við tvö
heyrnarlaus börn með aðstoð túlka. Birtar
eru tvær sögur aukaverðlaunahafa í sam-
keppni Æskunnar og rásar 2. Fjallað er
um dans og rætt við þrjú ungmenni sem
góðum árangri hafa náð. I þessu blaði lýk-
ur framhaldssögunni Spúka eftir Kristínu
Steinsdóttur en systir Kristínar. Iðunn,
segir frá Lóu litlu sem nú setur sig í spor
öskubusku. Elías Kr. Þorsteinsson, 10 ára,
greinir frá áhugamálum sínum. Þá eru
hinir föstu þættir á sínum stað. Utgefandi
Æskunnar er Stórstúka íslands, IOGT.
Ritstjórar eru Eðvarð Ingólfsson og Karl
Helgason.
íslandmót grunnskólasveita
iskák1987
Stjórn skáksambands íslands hefur ákveð-
ið að íslandsmót prunnskólasveita í skák
1987 fari fram í félagsheimili Taflfélags
Reykjavíkur, Grensásvegi 44 46, Reykja-
vík, dagana 28. 30. maí nk. Umferðar-
taflan verður þannig: Fimmtudagur 28.
maí kl. 19: 1.. 2. og 3. umferð. Föstudagur
29. maí kl. 19: 4.. 5. og 6. umferð. Laugar-
dagur 30. maí kl. 14: 7., 8. og 9. umferð.
Þátttökutilkynningar skal senda til Skák-
sambands íslands í pósthólf 1674, 121
Reykjavík, fyrir 26. maí nk. Nánari upplýs-
ingar er hægt að fá á skrifstofu Skáksam-
bands íslands alla virka daga kl. 13-16 og
hjá umsjónarmanni keppninnar, Ólafi H.
Ólafssyni, s. 11971.
Listaverk í Flugstöð
Leifs Eiríkssonar
Arnarflug hefur fært Flugstöð Leifs Ei-
ríkssonar að gjöf afsteypu af Erninum eftir
Guðmund Einarsson frá Miðdal. Bygging-
arnefnd flugstöðvarinnar hefur þegið
gjöfina og ráðgerir að koma henni fyrir
þar í júlí nú í sumar. Örninn er tæplega
metra há stytta af íslenska haferninum og
er álitið að aðeins séu til þrjár afsteypur
af þessu verki.
Fjölskyldudagur Sigl-
firðingafélagsins
í Reykjavík og nágrenni
verður haldinn í Kirkjuhvoli, Garðabæ,
sunnudaginn 24. maí kl. 15. Athygli er
vakin á messu I Garðakirkju kl. 14. Prest-
ur sr. Arnfríður Guðmundsdóttir frá Hóli.
Norsk sýning í Nýlistasafninu
og MÍR salnum
I gær var opnuð í Nýlistasafninu og MlR
salnum norsk sýning. Þetta er liður í
skiptisýningaáætlun milli Islands, Sví-
þjóðar og Noregs. Hugmyndin er að hvert
þessara landa fái að kynnast því sem ung-
ir listamenn eru að gera í hinum tveimur
löndunum. Þessi sýningakeðja hefur hlot-
ið nafnið „Kex“. Leitast var við að velja
saman listamenn sem vinna á hinn ólíkleg-
asta máta til þess að fá sem mesta breidd.
Þannig eru sýnd málverk, skúlptúrar,
myndbönd, grafík, hljóðverk, gerningur,
bækur o.s.frv. Norsku þátttakendurnir eru
Ingrid Book, Svanhild Heggedal, Reidar
Kraugerud, Hege Lonne, Gerd Tinglum,
Marianne Bratteli, Hilmar Fredriksen og
Laila Haugan. Þau dveljast hér á landi
meðan á sýníngunni stendur. I tengslum
við sýninguna hefur verið gefin út sýning-
arskrá og lítil hljómplata. Sýningin er
opin virka daga kl. 16-20 og um helgar
kl. 14-20 og stendur hún til 7. júní.
Sveitakeppni grunnskóla
í skák fyrir stúlkur
verður haldin í fyrsta sinn sunnudaginn
24. maí. Teflt verður í húsakynnum Taflfé-
lags Reykjavíkur, Grensásvegi 44, og hefst
mótið kl. 14. Er þetta liður í að eíla áhuga
stúlkna á skáklistinni. Verðlaun verða
veitt 3 efstu sveitunum.
Einsöngstónleikar í Njarðvík-
urkirkju
Kristín Sædal Sigtryggsdóttir heldur ein-
söngstónleika í Njarðvíkurkirkju í dag,
laugardag 23. maí, kl. 16. Píanóleikari er
Catherine Williams. Á efnisskránni eru
bæði innlend og erlend lög eftir Brahms,
E. Granados, Jean Sibelius, Giuseppe
Sarti, Benedetto Marcello, Stefano Do-
naudy, Jórunni Viðar, Þórarin Jónsson,
Pál Isólfsson, Roger Quilter, og Frank
Bridge. Kristín og Catherine Willianis
hafa unnið mikið saman á undanförnum
mánuðum og héldu m.a. tónleika í Is-
lensku óperunni í nóvember sl.
Burtfararprófstónleikar
Tónlistarskólans í Rvík
Tónlistarskólinn í Reykjavík heldur
tvenna burtfararprófsleika í dag, laugar-
dag 23., og sunnudaginn 24. maí nk. í sal
skólans að Skipholti 33.1 dag kl. 17 verða
tónleikar Laufeyjar Kristinsdóttur píanó-
leikara, hún flytur verk eftir J.S. Bach,
Beethoven, Rachmaninoff, Brahms og
Ravel. Sunnudaginn 24. maí kl. 18 verða
tónleikar Einars Steinþórs Jónssonar
trompetleikara. Einar flytur verk eftir
Torelli, Hindemith, Arutunian og Clarke.
Guðrún Guðmundsdóttir leikur með á
píanó. Aðgangur er ókeypis og öllum
heimill.
Haukur Morthens
í Skíðaskálanum
Hliómsveit Hauks Morthens leikur í
Skíðaskálanum í Hveradölum sunnudag-
inn 24. maí og næstu sunnudaga.
Burtfararprófstónleikar
Söngskólans í Rvík
Söngskólinn í Reykjavík útskrifar í vor 5
nemendur. 3 úr söngkennaradeild og tvo
einsöngvara. Burtfarartónleikar þessara
nemenda verða sem hér segir: Sunnudag-
inn 24. maí nk. kl. 16 í tónleikasal
Söngskólans að Hverfisgötu, söngkennar-
arnir Theodóra Þorsteinsdóttir, Friðrik
S. Kristinsson og Dúfa Einarsdóttir, ásamt
píanóleikurunum Láru Rafnsdóttur, Cat-
herine Williams og Kolbrúnu Sæmunds-
dóttur. Mánudaginn 25. maí kl. 20.30 í
Norræna húsinu, Ásdís Kristmundsdóttir
sópran og Guðrún A. Kristinsdóttir, píanó.
Þriðjudaginn 26. maí kl. 20.30 í Norræna
húsinu, Ingibjörg Marteinsdóttir sópran
og Jórunn Viðar, píanó. Fimmtudaginn
28. maí (uppstigningardag) kl. 15 skólaslit
og kl. 16 lokatónleikar skólans í íslensku
óperunni í Reykjavík.
Ferðalög
Ferðafélagsferðir um
hvítasunnu, 5.-8. júní
1. Skagafjörður - Drangey. Gist í svefn-
pokaplássi á Sauðárkróki. Einstakt
tækifæri til að skoða Drangey með kunn-
ugum fararstjórum. Siglingin tekur um
eina klst. frá Sauðárkróki út í Drangey
sem er ein helsta perla íslenskrar náttúru.
2. Skagafjörðui' - Trölli i Tröllabotnum.
Gönguferð með viðlegubúnað í nýlegt
sæluhús Ferðafélags Skagfirðinga, Trölla.
3. Öræfajökull - Skaftafell. Gengið á
Öræfajökul (2119 m), svokölluð Virkisleið.
Gist í svefnpokaplássi á Hofi.
4. Hrútfjallstindar (1875 m). Leiðin sem
gengin verður á tindana nefnist „Hafra-
fellsleið". Gist í svefnpokaplássi á Hofi.
Upplýsingar um útbúnað í ferðir 3 og 4
fást á skrifstofu F.l.
5. Snæfellsnes - Snæfellsjökull. Gengið
á Snæfellsjökul og einnig farnar skoðun-
arferðir á láglendi. Gist í svefnpokaplássi
í Görðum í Staðarsveit.
6. Þórsmörk - gönguferðir um Mörkina.
7. Þórsmörk Fimmvörðuháls. Gist í
SkagQörðsskála/Langadal. Brottför í allar
ferðirnar kl. 20 föstudaginn 5. júní. Pantið
tímanlega í hvítasunnuferðimar. Upplýs-
ingar og farmiðasala á skrifst. F.í. ÁTH.
um hvítasunnuna er ekki leyft að tjalda í
Þórsmörk, vegna þess hve gróðurinn er
skammt á veg kominn. Athygli er vakin á
greiðslukortaþjónustu hjá F.í.
Hvítasunnuferðir Útivistar
5.-8. júní
1. Þórsmörk - Goðaland. Gist í Útivistar-
skálunum, Básum.
2. Skaftafell - öræfi. Gönguferðir um
þjóðgarðinn og skoðunarferðir um Öræfa-
sveitina. Gist í húsi.
3. Skaftafell - Öræfajökull. Gengið á
Hvannadalshnúk. Gist í húsi.
4. Snæfellsnes - Snæfellsjökull. Gist að
Lýsuhóli. Sundlaug.
5. Hvítasunnuferð út i buskann.
Munið dagsferðir á uppstigningardag 28.
maí. 1. kl. 9 Skarðsheiði - Heiðarhorn. 2.
kl. 9 Ströndin í Melasveit. 3. kl. 13 Botns-
dalur - Glymur. Sjáumst. Útivist.
Bridge
Sumarbridge 1987
Sumarbridge 1987 fór vel af stað. Sl.
þriðjudag mættu 37 pör til leiks og var
spilað í þremur riðlum. Úrslit urðu
þessi (efstu pör):
A) Ámi Loftsson -
Sveinn Eiríksson 198
Birgir Öm Steingrímsson -
Þórður Bjömsson 188
Jón Stefánsson -
Sveinn Sigurgeirsson 184
Bragi Bjömsson
Þórður Sigfusson 182
B) Albert Þorsteinsson -
Sigurður Emilsson 179
Óskar Karlsson -
Þröstur Sveinsson 178
Halldór Ámason -
Jón Viðar Jónmundsson 178
Amína Guðlaugsdóttir -
Bragi Erlendsson 172
C Hjálmtýr Baldursson -
Steingrímur G. Pétursson 133
Guðni Kolbeinsson -
Guðmundur Theodórsson 127
Ágúst Sigurðsson -
Njáll Sigurðsson 125
Brynhildur Matthíasdóttir -
Fríða Sigurjónsdóttir 113
Spilað verður alla þriðjudaga og
fimmtudaga í sumar (einnig á uppstign-
ingardag) að Sigtúni 9, húsi Bridgesam-
bands Islands. Spilamennska hefst kl.
19.30 í síðasta lagi, en byrjað verður
að spila í hverjum riðli um leið og hann
fyllist. Öllum er heimil þátttaka meðan
húsrúm leyfir og minnt er á að hvert
kvöld er sjálfstæð keppni. Umsjónar-
menn em Ólafúr og Hermann Lárus-
synir.