Dagblaðið Vísir - DV - 23.05.1987, Blaðsíða 31

LAUGARDAGUR 23. MAÍ 1987.
31
Heimsins stærsta herðatré
og tveggja metra blýantur
Stefán Geir Karlsson er ekki nema
rétt meðalmaður á hæð og ekkert
sérstaklega þrekinn. En hann hef-
ur samt hannað, og látið smíða,
stærra herðatré en áður hefur sést.
Fyrir vikið kemst hann líklega í
heimsmetabók Guinness.
Stefán heldur sína fyrstu lista-
verkasýningu í Viðeyjarnausti úti
í Viðey, dagana 6.-28. júní. Á sýn-
ingunni, sem Stefán nefnir „Út úr
skápnum", verða bæði málverk og
skúlptúrar sem unnir eru úr málmi
og tré. Þetta mun vera í fyrsta sinn
sem listamaður heldur sýningu úti
í Viðey.
Við spurðum Stefán hvort Viðey
væri ekki of afskekktur staður fyr-
ir listaverkasýningar.
„Viðey er ekki afskekktari staður
en svo að þangað komu um tuttugu
þúsund manns á síðastliðnu sumri.
Nú er verið að stórbæta alla að-
stöðu úti í eyjunni. Þar verður
starfrækt greiðasala og í sumar
verða fastar ferðir þangað á hverj-
um virkum degi og oft á dag yfir
helgar. Það er þess vegna engin
ástæða til svartsýni."
Stefán býr í Revkjavík ásamt
konu sinni og tveimur dætrum.
Hann hefur sveinspróf og meistara-
próf í plötusmíði og ketilsmíði og
hann lauk prófi í skipatæknifræði
árið 1973. Stefán kenndi í nokkur
ár við Iðnskólann og Tækniskól-
ann í Reykjavík. Hann var um
fimm ára skeið teiknistofustjóri hjá
Stálvík en starfar nú hjá tækni-
deild Siglingamálastofnun ríkisins.
Næst spurðum við Stefán hvort
nám í plötusmíði og ketilsmíði
kæmu listamanninum að einhverj-
um notum.
„Já. alveg tvímælalaust. í þessu
námi hef ég lært flatarmáls- og
rúmteikningar. að ógleymdum al-
mennum iðnteikningum. sem hafa
reynst mér ómissandi í þessum
verkefnum mínum."
„Annars hófst þessi árátta nún á
því að ég gaf kunningja mínum.
Guðbergi Auðunssvni mvndlistar-
manni, afmælisgjöf. Gjöfin var
sleikipinni sem var i stærra lagi.
Ég varð mér úti um netakúlu og
kústskaft. festi skaftið við kúluna
og málaði hana. Síðan pakkaði ég
kúlunni inn í sellófan eins og lög
gera ráð fvrir. Áður en ég vissi af
var svo sleikipinninn kominn á
samsýningu á Kjarvalsstöðum."
,.í upphafi var þetta tómstunda-
iðja sem hafði þann tilgang að lífga
svolítið upp á heimilið. Núorðið get
ég hins vegar ekki neitað því að
ég hef áhuga á því að verða viður-
kenndur fullgildur listamaður. Það
er fyrst og fremst þessi atburðarás
sem ég er að vísa til með heiti sýn-
ingarinnar: „Út úr skápnum". ég
ætla að sýna hluti sem hafa hingað
til hafnað inni í skáp."
Að lokum spurðum við Stefán
hvort hann vildi skilgreina verk sín
eins og listamönnum er tamt.
„Ég hef engan sérstakan áhuga
á því. Öll sjálfstæð listaverk verða
að standa fyrir sínu án einhverra
listfræðilegra leiðbeininga. Ég
gæti hins vegar vel sa;tt mig við
að vera kallaður „gamaldags popp-
ari", enda er ég afskaplega hrifinn
af popplistamanninum Claes Old-
enburg."
„Þú ert þá ekki að boða neitt
sérstakt með verkum þínum?"
„Ætli ég sé ekki fyrst og fremst
að reyna að skemmta fólki. Ég hef
tekið eftir því að börn hafa afskap-
lega gaman af þessum verkum
mínum. Þarf þá frekari vitna við?"
Stefán fær ekki svar við spurn-
ingu sinni svo hann bætir við
athugasemd: „Sjáðu til. allir hlutir
og verk eiga sína sögu og hafa sitt
að segja. ef við nennum að hlusta
eftir því. Þetta herðatré mitt er t.d.
nákvæm eftirlíking af mjög vönd-
uðu herðatré sem Jón nokkur
Jónsson frá Bergi á Búðum í Fá-
skrúðsfirði smíðaði á sínum tíma
og gaf föður mínum. Mitt herðatré.
sem er smíðað úr járni og tré. er
tileinkað föður mínum en hann er
trésmiður og ég járnsmiður. Auk
þess má svo geta þess að herðatré
gegna yfirleitt veigamiklu en vand-
þakklátu hlutverki og inna sitt
hlutverk af hendi í þögn og þolin-
mæði lokuð inni í skáp."
Að þeim orðmn sögðum kveður
Stefán Geir Karlsson sem eftir
nokkra daga heldur út í Viðey með
blýanta. herðatré og sleikipinna af
stærstu gerð.
Stefán Geir með herðatréð góða við hina stóru eftirmynd þess. Tréverk
stóra herðatrésins var unnið af Gunnari Geirmundssyni en hann hefur
smiðað fleiri góða gripi eins og t.d. heimsmeistaraskákborðið sem þeir
hösluðu sér völl á, Fischer og Spasski.
-KGK
Stefán Geir mundar blýantinn.