Dagblaðið Vísir - DV - 07.07.1987, Page 37

ÞRIÐJUDAGUR 7. JULÍ 1987.
Sviðsljós
Sigurður Þorsteinsson, forstöðumaður Vinnuskóla Kópavogs, stendur hér hjá nokkrum af þeim fötiuðu unglingum sem vinna í Vinnuskólanum. Ágóði
hátiðarinnar rann í ferðasjóð fatlaðra unglinga i Kópavogi sem halda til Danmerkur í sumarbúðir um miðjan júli.
Fjör í þágu fatlaðra
í byrjun júlí á hverju ári halda
krakkarnir í Vinnuskóla Kópa-
vogs veglega grill- og skemmti-
hátíð í Hlíðargarði í Kópavogi.
Ollum ágóða af hátíðunum er
varið til góðgerðarmála og í ár
eru það fatlaðir unglingar í
Kópavogi sem njóta góðs af, en
þeir ætla í sumarbúðir í Dan-
mörku um miðjan júlí. Á
hátíðinni, sem haldin var í 6.
skiptið sl. fimmtudag, var margt
til gamans gert, s.s. stultukapp-
hlaup, boltakast, minigolf,
gúmbátaróður á tjörninni o.fl,
o.fl. Krakkarnir í vinnuskólan-
um sáu sjálfir um allan undir-
búning. Þeir smíðuðu bekki,
borð og leiktæki, settu upp söl-
utjöld og stóðu fyrir ýmiss
konar uppákomum. Mikill
fjöldi sótti hátíðina og skartaði
garðurinn sínu fegursta í tilefni
dagsins.
Hér er hún komin, röndótta mærin, sem Laddi söng svo blíðlega um. Hún var ein þeirra sem sáu um að mála
viðstadda i öllum regnbogans litum.
Þessir upprennandi golfarar máttu varla vera að því að lita upp. Minigolf-
ið, sem þeir standa þarna við, er eins og allt annað sem á boðstólum
var, verk krakkanna sjálfra.
Allir gátu fengið ókeypis skreytingu og nýttu krakkarnir sér það óspart. Það
var lika skrautlegt um að litast á svæðinu, krakkar af öllum stærðum og
gerðum i margs konar litum og búningum.
Ölyginn
sagði...
Paul Newman
hefur gaman af að leika sé- í
kappakstri. Um daginn munað;
litlu að hann færi i sína síðustu
ferð á Nissan 300ZX turbo bíln-
um sínum. Hann missti stjórn á
bílnum og vafði honum utan í
vegg. Betur fór en á horfðist og
Paul slapp heill á húfi. Þetta er
ekki í fyrsta skipti sem hann
kemst I hann krappan í kapp-
akstri, alls 5 sinnum hefur hann
nálgast hlið himnaríkis. Paul
ætlar þó ekki að hætta þessum
glæfraskap í bráð. „Ég er mun
betri en ég var í fyrra og ég vil
þvi ekki hætta núna. Þegar mér
byrjar að fara aftur i íþróttinni
hætti ég," segir Paul og er kok-
hraustur.
Don Johnson
Já, hvort sem þið trúið því eða
ekki þá er þetta hjartaknúsarinn
frægi, Don Johnson úr Miami
Vice. Þessi mynd var tekin árið
1975 þegar Don, þá 26 ára
gamall, var að syngja á franskri
kvikmyndahátið. Annars er það
helst að frétta af Don að hann
er byrjaður aftur með gömlu
kærustunni og barnsmóður
sinni, Melanie Griffith. Þau eru
orðin yfir sig ástfangin að nýju
og Don innsiglaði sambandið
nýlega með því að gefa henni
veglegan demantshring.
Michael J. Fox
hefur allan varann á og er þegar
búinn að semja erfðaskrá sína.
Michael á 4 systkini og ef eitt-
hvað kemur fyrir hann þá
stendur það svart á hvítu hvað
hvert þeirra á að fá. Michael er
aðeins 25 ára og ef hann heldur
áfram á sömu velgengnisbraut
verður hann líklega að end-
urnýja erfðaskrána á 6 mán.
fresti!