Dagblaðið Vísir - DV - 07.11.1987, Side 7

LAUGARDAGUR 7. NÓVEMBER 1987.
7
Fréttir

. ■; :y.. ■
■■■ V.::- ; • :

Anægður með aðsoknina
- segir Gísli AHreðsson þjóðleikhússtjóri
- Hvaða reglur eru notaðar við val
á verkum sem eru færð upp á svið
i Þjóðleikhúsinu?
Það eru engar beinar reglur til
um það. Þjóðleikhúsið hefur viss-
um skyldum að gegna við verk-
efnaval. Því ber skylda til að velja
bæði innlend og erlend leikhús-
verk, eldri og nýrri verk, dramatísk
verk, balletta, söngleiki, óperur,
barnaleikrit, klassísk leikhúsverk
og svo mætti áfram telja. Fyrir utan
þetta spila margir þættir inn í og
val á einu verkefni getur þýtt það
að hætta verður við eitthvert ann-
að verk. Það koma ótal margir
þættir til álita. Hér er starfandi
sérstök leikritavalsnefnd sem gerir
tillögur um hvaða leikrit verða
valin til sýninga og einnig hef ég
ráðunauta mér við hlið til að velja
óperur og balletta. Ég legg síðan
tillögurnar fyrir þjóðleikhúsráð til
staðfestingar en það hefur ekki
komið fyrir síðan ég tók við starfi
leikhússtjóra að ráðið hafi hafnað
einhverju verki.
- Hvernig hefur aðsókn að Þjóð-
leikhúsinu verið í vetur?
Það hafa verið slegin öll met í
sölu áskriftarkorta og salan jókst
um 25% í ár miðað við í fyrra. Þá
hafði hún aukist frá árinu áður um
20%. Alls seldust í haust 2.439 að-
gangskort en meðaltal undanfar-
inna ára er nálægt 1.600 kort á ári.
Þessi aukning í sölu aðgangskorta
skiptir Þjóðleikhúsið gífurlega
miklu máli og það er ekki annað
hægt að segja en að fólk hafi sýnt
verkefnavali þessa vetrar mikinn
áhuga og veriö spennt fyrir því sem
við höfum verið að gera.
Það sem af er vetri hafa um 12.000
manns sótt sýningar í Þjóðleik-
húsinu og er það sama aðsókn og
var á sama tíma í fyrra. Þannig að
það hafa engar breytingar orðið á
milli ára aö því leyti.
- Nú hafa sýningar gengið misjafn-
lega og sýningum á Rómúlusi mikla
hefur verið hætt. Voru það mistök
að taka þetta verk til sýningar?
Rómúlus mikli var frumsýndur
19. september síðastliðinn en þetta
verk var í raun tilbúið til sýninga
i fyrra þó sýningar hæfust ekki
fyrr en í haust. Það voru alls 11
sýningar á Rómúlusi, þar af voru
aðgangskortin í gildi á fyrstu 9 sýn-
ingunum en sýningum lauk 24.
október. AIls sóttu 3.533 sýningar á
Rómúlusi, þar af voru 2.439 leik-
húsgestir með aðgangskort þannig
að 1.094 miðar voru seldir í beinni
sölu. Rómúlus mikli er svokallað
nýklassískt verk og þetta var með-
aldýr uppfærsla, þar tóku 15 leikar-
ar þátt og aðsóknin var í lægri
kantinum. Þetta verk sáu að meðal-
tali rúmlega 320 manns. Það má
alltaf búast við þvi að einhverjar
sýningar nái ekki hylli áhorfenda
og nái sér þar með ekki á strik. Til
dæmis voru mjög skiptar skoðanir
um það hvernig þessi sýning var
en það voru margir sem hældu
henni og fóru um hana lofsamleg-
um orðum.
- Nú ganga þær sögur að aðsókn
að Brúðarmyndinni sé ekki góð og
að það hafi verið hægt að fá miða
keypta á frumsýninguna. Er það
rétt?
Þetta er vitleysa, alrangt. Þetta
stykki hefur gengið mjög vel og það
var gersamlega uppselt á frumsýn-
inguna. Hins vegar hefur verið
hægt að fá keypta miða á efri svöl-
um á síðari sýningar en það er
vegna þess að fólk kaupir yfirleitt
ekki miða á leikverk upp á það að
þurfa að sitja á efri svölum. Á slík
verk seljast yfirleitt aðeins miðar í
sal og á neðri svölum.
Þjóðleikhúsið tekur alls 661 mann
í sæti og í sal og á neðri svölum eru
tæplega 530 sæti. Á þær fimm sýn-
ingar, sem fram hafa farið á
Brúðarmyndinni, hafa komið 2.239
gestir eða tæplega 450 manns á
hveija sýningu en það er vel viðun-
andi. Þetta hafa allt verið mjög
góðar sýningar og aðsóknin hefur
ekki farið undir 420 manns en venj-
an er að á fyrstu sýningarnar komi
320 manns með aðgangskort og á
bilinu 100 til 160 manns sem kaupa
aðgöngumiða beint. Við teljum það
mjög gott þegar salurinn er nær
fullur og neðri svalir eru hálfsetn-
ar.
- Þegar ákveðið er að hætta sýn-
ingum, hvenær eru þær ákvarðanir
teknar og við hvað er miðað?
Þegar við seljum miða á sýning-
arnar seljum við miða fram í
tímann, eða eins og nú. þá seljum
við miða fram í byrjun desember,
en þá lýkur sýningum í bili. Þegar
DV-yfirheyrsla
Texti:
Ólafur Jóhannsson
Myndir:
Gunnar V. Andrésson
við ákváðum að hætta með Rómú-
lus sáum við að of lítið að okkar
mati haíði selst á 10. og 11. sýningu
en það eru fyrstu sýningarnar þar
sem allir aðgöngumiðarnir eru
seldir beinni sölu. Aðgangskort
gilda aðeins fyrstu níu sýningarn-
ar. 10. sýninguna sóttu tæplega 200
manns og á ll._og síðustu sýning-
una komu um 400 gestir. Það er
hins vegar allt í lagi að sýna verk
fyrir 200 áhorfendum, okkur fer
ekki að svíða verulega fyrr en að-
sóknin er komin niður fyrir 100
manns á sýningu. Við verðum að
draga mörkin einhvers staðar og
höfum það til viðmiðunar að við
náum inn fyrir kvöldkostnaðinum,
það er reksturskostnaði sýningar-
innar.
Við erum alls ekki að hætta með
Brúðarmyndina, við höfum ákveð-
ið 13 eða 14 sýningar fram til jóla
og ég vona að verkið verði sýnt
áfram eftir jól. Það verður líka að
hafa það í huga að höfundur Brúð-
armyndarinnar, Guðmundur
Steinsson, er það innlenda leikrita-
skáld sem dregið hefur fiesta
áhorfendur inn á leiksýningar og
má þar nefna verkin Sólarferð og
Stundarfrið sem hlutu bæði metað-
sókn. Verk Guðmundar hafa
stundum verið umdeild en jafnan
vakið mikla athygli.
- Hefur leikritið Bílaverkstæði
Badda, sem sýnt er á Litla sviðinu,
náð til áhorfenda?
Það eru tíu sýningar búnar af
Bílaverkstæðinu og það hefur verið
uppselt á þær allar. Þá er uppselt
á þær 30 sýningar sem áformaðar
eru fram að jólahléi. Verkið er flutt
á litla sviðinu og vegna þess að þar
er í raun sett upp sérstakt bílaverk-
stæði þá tekur salurinn færri
áhorfendur en venjulega eða að-
eins 77 í stað 120. Ég get nefnt þaö
að þegar viö sáum hvílíkur áhugi
var fyrir Bílaverkstæði Badda þá
tókst okkur að finna tíma fyrir
tvær sýningar til viðbótar þeim
sem ákveðnar höfðu verið. Það
seldust upp allir miðar á þessar
sýningar á fyrstu 20 mínútunum
sem miðarnir voru í sölu. Þá hefur
mjög mikið verið pantað á þessa
sýningu eftir áramótin.
- Hafa fleiri leikverk verið í gangi
hjá vkkur i vetur?
Við sýndum ballettverkið Ég
dansa fyrir þig 28 sinnum alls fyrir
fullu húsi en urðum að hætta sýn-
ingum í haust vegna þess að
erlendu dansararnir þurftu að
snúa sér að öðrum verkefnum. Þeir
eru fastráðnir við óperuna í Köln
í Þýskalandi og þurftu að hverfa til
starfa sinna þar.
Þá tókum við upp sýningar á leik-
ritinu Yermu, sem við sýndum í
fyrra. og við reiknum með að sýna
það fram til jólahlés. Þetta er
spánskt klassískt verk og merkilegt
að flestra dómi.
Jólaleikrit Þjóðleikhússins að
þessu sinni verður söngleikurinn
Vesalingarnir en þessi söngleikur
er byggöur á frægri skáldsögu
Viktors Hugo. Þetta verk hefur far-
ið sigurfór um hinn vestræna heim
og verið sýnt í öllum enskumæl-
andi löndum við metaðsókn. Þetta
er hins vegar í fyrsta sinn sem
Vesalingarnir eru sýndir utan en-
skumælandi lands. I aðalhlutverk-
um í þessum söngleik verða helstu
söngvarar okkar á þessu sviði, Eg-
ill Olafsson, Edda Heiðrún Bach-
mann og fleiri.
Þegar á heildina er litið er ég
ánægður með aðsóknina aö Þjóð-
leikhúsinu og leikhúsaðsókn ís-
lendinga er sú langmesta í
heiminum ef miðað er við höföa-
tölu. Hér er ótrúlega jákvæð þróun
í leikhúslífi og það virðist vera
sama þó að framboð á sýningum
stóraukist, aðsóknin eykst jafnt og
þétt.
-ój