Dagblaðið Vísir - DV - 06.05.1989, Blaðsíða 9

LAUGARDAGUR 6. MAÍ 1989.
9
dv Fréttir
Sumarbúðir í
Staðarsveit
Valdiinar Hreiðaisson, DV, Stykkishólmi;
Nú í vor verða starfræktar sumar-
búðir að Lýsuhóli í Staðarsveit. Það
er Héraðssamband Snæfellssnes- og
Hnappadalssýslu sem stendur að
rekstri búðanna og hefur sambandið
rekið sumarbúðir á þessum stað
mörg undanfarin ár.
í samtali við Þóru Kristínu Magn-
úsdóttur, ritara sambandsins, kom
fram að margt verður sér til gamans
gert í sumarbúðunum. Heimsóttur
verður m.a. svéitabær en mörg börn
úr þéttbýh hafa ekki átt þess kost.
Enn fremur verður farið í veiðiferð,
bátsferð og fjöruferð. íþróttir verða
stundaðar af kappi, skroppið á hest-
bak og farið í leiki. Á kvöldin verða
kvöldvökur. Sundlaug er á staðnum.
Boðið verður upp á fjögur nám-
skeið fyrir börn á aldrinum 6-12 ára.
30 börn geta dvalið í búðunum í senn.
Þóra Kristín sagði að þegar hefðu
borist margar pantanir og teldi hún
líklegt að búðimar yrðu fullsetnar í
ár eins og jafnan fyrr.
Jörð sviðin
eftir gæsina
Sigrún Björgvinsdóttir, DV, Egilsstööum;
Gæsin er farin að flykkjast inn í
land og er nú í stórum flokkum þar
sem auð jörð er. Á Egilsstaðanesinu
er hún svo þúsundum skiptir á tún-
um bænda. Gæs fer miklu verr með
jörð en sauðfé þar sem hún slítur upp
gróðurinn. Jörð er sem sviðin þar
sem hún heldur sig mikið.
Hannes Jónsson:
Það sem sann-
ara reyndist
Dr. Hannes Jónsson sendiherra
hefur bent ritstjórninni á að villandi
frásögn sé um sig í grein Gunnars
Smára Egilssonar um póhtíska skip-
un sendiherra, en grein þessi birtist
í DV 12. apríl sl. ásamt myndsjá af
.pólitíkusum sem skipaðir hafa verið
beint í sendiherraembætti án fyrri
embættisstarfa í utanríkisþjón-
ustunni aht frá árinu 1941 og fram
th dagsins í dag.
Hannes bendir á að hann hafi verið
skipaður fuhtrúi í utanríkisþjón-
ustunni 1. mars 1954 eða fyrir 35
árum. Hann hafl svo unnið sig upp
í utanríkisþjónustunni með eðhleg-
um hætti og starfað sem sendiráðs-
ritari, deildarstjóri, sendiráðunaut-
ur, viðskiptaráðunautur, varafasta-
fulltrúi hjá SÞ og blaðafulltrúi ríkis-
stjórnarinnar í tímabundnu láni úr
þjónustunni hjá ríkisstjóminni, að-
allega til kynningar á rökum íslend-
inga í landhelgismálinu fyrir erlend-
um fjölmiðlum. í bréfi utanríkisráð-
herra til Hannesar um þetta tíma-
bundna frí er tekið fram að starfið
muni teljast til embættisreynslu
hans í utanríkisþjónustunni. Þegar
Hannes var skipaður sendiherra árið
1974 hafði hann því starfað 20 ár sem
embættismaður utanríkisþjón-
ustunnar og ríkisins. Hann telur því
rangt að leggja skipun sína í sendi-
herraembætti að jöfnu við skipun
stjórnmálamanna sem aldrei hafa
nærri störfum í utanríkisþjón-
ustunni komið.
Hannes gat þess einnig að í árs-
byijun 1969, þegar viðreisnarstjórnin
fór með völd, hafi verið í ráði að skipa
hann sendiherra en ekki orðið af því
þá vegna alvarlegra veikinda hans
sem hindruðu þá framkvæmd að
sinni.
Loks gat Hannes þess að það sé
rangt að Ólafur Jóhannesson hafl
skipað hann sendiherra. það hafi
Kristján Eldjárn forseti gert ásamt
, Einari Ágústssyni utanríkisráð-
herra. Margþætt 20 ára embættis-
reynsla hafi ráðið þeirri skipan en
ekki pólitík enda sé hann ekki og
hafi ekki verið félagsbundinn í pólit-
ískum flokki um áraraðir.
HAPPDRÆTTIDVAIARHEIMILIS ALDRADRA SJÓIMNNA
IAIþjóðlega matvælasýningin lcefood ’89 er hafin. Sýningin
stendur yfir til 12. maí n.k. Hér er á ferðinni átta daga
fjölskylduveisla þar sem bryddaö verður m.a. upp á skemmtilegu
kynningarefni, bragðbætt með Ijúffengum mat og drykk frá
fjölmörgum innlendum og erlendum fyrirtækjum.
Á sýningunni kennir ýmsra grasa. Meðal annars sér Klúbbur
matreiðslumeistara um sýnikennslu í sérstöku sviðseldhúsi alla
sýningardagana frá kl. 18.30 til 21.30 (1/2 klst. í senn). Þar verða
daglega uppákomur og m.a. koma þarfram tveir heimsþekktir
matreiðslumeistarar, þeir Roiand Czekelius og Bent Stiansen.
Einnig bregða ýmis þekkt andlit úr íslensku þjóðfélagi á sig betri
svuntuna og kenna landanum t.d. að sjóða velling á nýstárlegan máta.
Á hverjum degi verður dreginn út veglegur vinningur sem er kvöldverður
fyrir tvo á góðu hóteli eða veitingastað fyrir upphæð allt að kr. 6.000,-.
í lok sýningar verður dregið úr öllum seldum aðgöngumiðum og er í
verðlaun stórkostleg sælkeraferð til Parísar fyrir tvo.
í tengslum við sýninguna verða eftirfarandi hótel og veitingastaðir með sérstaka
sjávarréttahátíð sem nefnist "lceland seafood festival". Þau eru: Hótel Hott,
Hótel Saga, Café Ópera, Livingstone Mávur, Gaukur á Stöng, Arnarhóll og
Vetrarbrautin.
Þess skal getið að Flugleiðir bjóða sérstakan afslátt á innanlandsflugi
fyrir sýningargesti utan af landi (aðgöngumiði innifalinn). Nánari
upplýsingar fást hjá ferðaskrifstofunum, söluskrifstofum og umboðs-
mönnum Flugleiða um land allt.
Sýningin er opin almenningi sem hér segir:
Föstudaginn 5. maí frá kl. 18.00 - 22.00.
Laugardaginn 6. maí og sunnudaginn 7. maí frá kl. 14.00 - 22.00.
Frá og með mánudeginum 8. maí til föstudagsins 12. maí verður
sýningin opin almenningi frá kl. 18.00 - 22.00.
„Et, drekk ok vergladr!“
ALÞJÓÐLEG
MATVÆLASÝNING
í Laugardalshöll 5. — 12. maí.