Dagblaðið Vísir - DV - 06.05.1989, Blaðsíða 10

10
LAUGARDAGUR 6. MAÍ 1989.
Breiðsíðan
Mikil samkeppni í
bæklunarskósmíði
(
- segir Kolbeinn Gíslason, sá fyrsti er lýkur meistarapróíi í greininni
„Ég tók meistarapróf í bæklunar-
skósmíði í Danmörku í mars sl. og
er fyrsti íslendingurinn sem lýk því
námi,“ sagði Kolbeinn Gíslason,
orthopaediskur skósmíðameistari, í
samtali við DV. Kolbeinn starfar með
fóður sínum, Gísla Ferdínandssyni,
sem hefur starfrækt fyrirtækið í
þrjátíu og þrjú ár.
„Við byrjuöum með bæklunarskó-
smíði árið 1981,“ sagði Kolbeinn.
Hann sagði að tveir aðrir íslendingar
hefðu farið í sams konar nám en
þeir hefðu einungis lokið sveinsprófi
í greininni. „Námið felst í því að fyrst
þarf að taka sveinspróf í skósmíði,
handsmíðuðum skóm, síðan þarf
maður að starfa í þrjú ár hjá meist-
ara og þá er hægt að fara í meistara-
próf í bæklunarskósmíði. Sú grein
er ekki kennd hér á landi og ég valdi
að fara í námiö í Danmörku,“ sagði
Kolbeinn ennfremur. „í meistara-
náminu þarf maður að læra allt um
vöðva og upppbyggingu beina frá
mjöðm og niður, hreyfingar og al-
gengustu bæklunarsjúkdóma.
Ég hef unnið við bæklunarskó-
smíði í tíu ár. Ég tók sveinsprófið hjá
Ferdinand Róbert Eiríkssyni í Hafn-
arfirði. Áriö 1981 hóf ég störf hjá
Gísla Ferdínandssyni. Við höfum
haft þýska meistara starfandi hjá
okkur í rúm þrjú ár. Það var tals-
verður áróður gegn mér fyrir að
starfa í greininni ómenntaður og
þess vegna dreif ég mig í að klára.
Þrátt fyrir að þeir bæklunarskósmiö-
ir, sem hér eru starfandi, hafi hafið
áróður gegn mér, hafa þeir lítil efni
á því þar sem þeir sjálfir eru einung-
is með sveinspróf, mér vitanlega,"
sagði Kolbeinn.
Meistarastykki Kolbeins, annars
vegar iþróttaskór fyrir lióagigtar-
sjúkling og hins vegar skór fyrir
konu sem er með annan fótinn sex
sm styttri en hinn vegna sjúkdóms
i mjöðm.
Hann fékk hæstu umsögn í meist-
araprófinu. Kolbeinn sagði að námið
færi fram á helgarnámskeiðum og
hann flaug á milli fyrir hvern kúrs.
Samtals fór hann tíu ferðir á milli frá
því síðasta sumar. „Þetta eru mis-
munandir kúrsar og maður tekur
áfangapróf úr hverjum þeirra. Síðan
þurfti maður að sitja sveittur alla
vikuna og læra heima.“
- En 'er svona mikil samkeppni í
þessari grein?
„Já, því stoðtækjasmiöir eru
komnir inn á okkar svið þó þeir séu
ekki menntaðir í greininni. Trygg-
ingastofnunin hefur verið að spara
og dregið saman vinnu hjá okkur
öllum.“
- Hvað er það helst sem fólk þarf á
aö halda þegar það leitar til þín?
„Það er misjafnt. Við erum mest í
sérsmíðuðum skóm, fyrir þá sem
geta ekki gengið nema vera í þess
konar skóm. Einnig smíðum við inn-
legg fyrir börn og fullorðna. Það er
geysilega mikið sem við smíðum af
innleggi fyrir börn. Við vorum með
meðferðarskó fyrir böm en þeir eru
ekki lengur fáanlegir. Trygginga-
stofnunin hefur skorið niður
greiðslu á meðferðarskóm og hætti
að borga barnainnlegg fyrir all-
nokkru. Nú fá engir sérsmíðaða skó
nema þeir séu mjög bæklaðir."
Þegar Kolbeinn tók meistaraprófið
smíöaði hann tvö pör af skóm. Aðrir
voru fyrir liðagigtarsjúkling en hinir
fyrir sjúkling sem þjáðist af sjúkdómi
í mjöðmum. Annar hafði verið í
hjólastól i tvö ár en þegar hann fékk
skóna gat hann loks komist á fætur,
þannig að skórnir geta skipt miklu
máli. Algengt er að fólk, sem þarf á
misháum skóm að halda, láti hækka
annan skóinn í stað þess að láta sér-
smíöa á sig.
Kolbeinn sagði að meistaraprófið
heföi verið mjög erfitt. „Skóhnn er
ekki langur en prófið er þannig að
það fer enginn í gegnum það nema
sá er getur unnið við fagið. Ein mis-
tök fella nemandann umsvifalaust,"
sagði Kolbeinn Gíslason.
-ELA

Kolbeinn Gislason, fyrsti íslenski meistarinn í bæklunarskósmíði, mátar hér
innlegg á viðskiptavin. DV-mynd GVA
Þú ert 2000 krónum ríkari!
Nemendur framhaidsskólanna hafa skemmt sér undanfarið í miðbænum, þrátt fyrir að skólastarfiö sé svolítið öfugsnuið þessa dagana, svo ekki sé meira sagt. Þessi ungmenni voru
fyrir utan Menntaskólann í Reykjavík er Ijósmyndari DV rakst á þau. Ekkert skal sagt um búninga menntskælinganna en ekki verður annað sagt en að hugmyndaflugið sé i lagi hjá
æsku landsins. Við verðlaunum eitt þessara ungmenna að þessu sinni með tvö þúsund krónum. Sá er hér hefur hring um höfuð sér má vitja peninganna á ristjórn DV, Þverholti 11. -EI A