Dagblaðið Vísir - DV - 06.05.1989, Blaðsíða 25

LAUGARDAGUR 6. MAÍ 1989.
Þessi mynd var tekin í fyrradag á æfingu á sviðinu í höllinni Palais de Beaulieu í Lausanne. Þannig munu þau koma okkur fyrir sjónir í kvöld.
Reuters-mynd
láta okkur litla skipta atkvæða-
greiðsluna því manni sýnist að
smekkur íslendinga fari ekki mikið
saman við smekk annarra þjóða
hvað varðar tónlist. Við gerum okk-
ur far um að hafa sem minnstar
áhyggjur af þessu öllu saman. Það
er fullt af fólki sem hefur áhyggjur
af þessu og það er nóg,“ sagði Val-
geir.
íslenska sveitin, sem reyndar hefur
ekkert eitt nafn, hefur fengið heldur
litla umijöllun í blöðum hér heima.
Áhugi á keppninni virðist í algjöru
lágmarki og menn eru í fyrsta skipti
ekki sigurvissir fyrir íslands hönd.
Þó er fullvíst að flestir munu fylgjast
með útsendingunni í kvöld.
Valgeir hefur ekki miklar áhyggjur
af þessu áhugaleysi landans. „Ef við
hefðum viljað meira þá hefðum við
lagt okkur eftir því,“ sagði hann.
„Það er ekki spurning að það vantaði
vissa stemmningu heima. En ég er
þeirrar skoðunar.að þegar maður er
kominn á staðinn, þar sem keppa 22
þjóðir, að stórir hlutir verða ekki
gerðir með blaðaviðtölum. Það er
búið að láta svo mikið með þessa
keppni á undanfórnum árum heima
að það er allt í lagi að fara hina leið-
ina einu sinni.“
Góður matur
Fyrir ári, er keppnin fór fram í
Dyflinni, kvartaði Sverrir Stormsker
mikið yfir matnum. Sagöi að írar
væru smekklausasta þjóð í heimi í.
matargerð. Valgeir hefur ekki sömu
sögu að segja frá Sviss. „Maturinn
er mjög góður. Hér eru frönsk áhrif
ríkjandi og þeir gera góðan mat. Við
þurfum síður en svo að kvarta. Við
erum með leiðsögumann, hérlenda,
konu sem heitir Erna, og bílstjóra
að nafni Piers, þau hafa reynst okkur
gríðarlega vel og það hafa engin
vandamál komið upp til að fást við.
Hér eru alltaf boð og við höfum
ekki einu sinni komist í þau öll. Eftir-
minnilegust er sigling á Genfarvatni.
Það var siglt á þremur glæsilegum
skipum og mikil veisla um borð. Eins
var mjög gaman að keyra hér um
fjallahéruðin. Sviss er geysilega fall-
Daníel Ágúst Haraldsson og Valgeir Guðjónsson eftir sigurinn hér heima.
Þeir klæðast íslenskum fötum í kvöld, hönnuðum af Tex-Stíl.
DV-mynd GVA
egt land og allt mjög myndarlegt. Við
höfum fengið mikið af ostum og sum-
ir hafa fengið sig fullsadda af þeim.
Hér eru miklir ostagerðarmenn."
Valgeir sagðist ekki hafa horft á
sjónvarp þessa viku en bjóst við að
talsvert hefði verið fjallað um kepp-
endur. Þá sagðist hann ekki hafa
fylgst með öðrum keppendum á sviði
en þeim sem eru næst þeim í röð-
inni. „Við horfðum á gríska konu,
Þjóðverja og Júgóslava, annað höf-
um við ekki séð.“
Valgeir sagði að Daníel væri ekki
kvíðinn kvöldinu því í rauninni væri
þetta ekkert frábrugðið því að syngja
í Miðgarði í Skagafirði þegar allt
kæmi til alls.
Haldið ró ykkar
„Ég hið bara íslendinga að halda
ró sinni yfir þessari keppni," sagði
Valgeir er hann var spurður hvort
hann vildi senda einhver skilaboð.
„Maður veit ekkert hvar maður lend-
ir í röðinni í þessari keppni enda ,er
hún óútreiknanleg. Best er að hafa
engar áhyggjur af þessu, keppnin
skiptir engu máli,“ sagði Valgeir
Guðjónsson í símtali frá Lausanne.
Til gamans má geta þess 'að veð-
bankar f Dyflinni á írlandi spáðu
Sverri Stormsker 21. sætinu daginn
fyrir keppnina í fyrra. Valgeir getur
þvi allt eins lent í því sextánda og
þar með haldið okkar sæti fjórða
árið í röð.
Stigagjöfin í Eurovision hefur alltaf
komið okkur íslendingum talsvert á
óvart og í fyrra var beinlínis rætt um
sölu á stigum. Þá buðu Tyrkir okkur
tíu stig gegn því sama. Ekki hefur
verið rætt um sölu á stigum þetta
árið. íslendingar hafa aldrei verið
neitt sérstaklega stigaháir. Sviss-
neska lagið í fyrra sigraði á 137 stig-
um á móti 136 sem Bretar fengu.
Aðeins eitt stig skildi á milli þeirra.
Sverrir Stormsker sat uppi með 20
stig. Til samanburðar má geta þess
að Valgeir Guðjónsson fékk 28 stig
fyrir Hægt og hljótt í Brussel og
Magnús Eiríksson fékk 19 stig fyrir
Gleðibankann. Öll eiga þessi lög það
sameiginlegt að eiga sextánda sætiö
og nú er bara að sjá hvað gerist í
kvöld.
Vinnings-
lagið gleymt
Varla eru margir sem muna eftir
sigurlaginu í fyrra enda hefur það
ekki heyrst hér á landi síðan í keppn-
inni sjálfri. Það var Celia Dion sem
sigraði fyrir Sviss en sjálf er stúlkan
kanadísk. Veðbankar spáðu henni
sigri alla vikuna fyrir keppnina og
sú spáð stóðst á endanum. Reglur
Eurovision segja einungis að laga-
höfundur skuli vera frá því landi sem
tekur þátt í keppninni og þess vegna
hafa söngvarar komið frá öðrum
löndum. Hins vegar verður að syngja
lagið á því tungumáli sem talað er í
viðkomandi landi.
Væntanlega á Daníel Ágúst eftir
að standa sig prýðilega í kvöld með
lagið Það sem enginn sér. Væntingar
eru ekki miklar og íslendingar munu
sennilega kyngja því hávaðalaust að
þessu sinni að vera í einu af neðstu
sætum keppninnar.
-ELA