Dagblaðið Vísir - DV - 17.11.1990, Blaðsíða 12
12
LAUGARDAGUR 17. NÓVEMBER 1990.
Erlend bóksjá
Ramses rís upp
frá dauðum
Bandaríski rithöfundurinn
Ann Rice er kunn fyrir röð vin-
sælla skáldsagna um vampirur.
Hér skellir hún sér yfir í egyp-
skar múmíur og þær ekki af lak-
ara taginu. Aðalpersónan er
faraóinn Ramses hinn mikli. Og
Klópatra hin fagra kemur einnig
við sögu.
Sagan hefst snemma á öldinni
þegar enskur fornleifafræðingur
finnur gröf Ramses mikla. Sá
reynist ekki vera dauður, eins og
múmíur eru gjarnan, heldur í
einhvers konar dái. Þegar múm-
ían frnnur fyrir geislum sólar
vaknar Ramses til lífsins á ný.
Svo sem við er að búast í sögu
eftir Ann Rice er ástin í spilinu.
Dóttir fornleifafræðingsins fellur
sumsé fyrir Ramses hinum
ódauðlega, sem er aftur á móti
enn ástfanginn af Kleópötru. Og
þegar sú gamla er líka vakin til
lífsins fer íjör að færast í leikinn.
Hér er sumsé um að ræða sam-
bland af fáránlegri draugasögu
og hefðbundnum ástarróman og
reynist það bara huggulegur af-
þreyingarkokkteill.
THE MUMMY.
Höfundur: Anne Rice.
Penguin Books, 1990.
Ógnun við
jarðarbúa
Gamla kempan Isaac Asimov,
sem hefur sent frá sér um ævina
ríflega fjögur hundruð bækur, er
enn að semja vísindaskáldsögur.
Og í þessari nýjustu sögu sýnir
hann enn sömu gömlu meistara-
taktana.
Nemesis gerist á tuttugustu og
þriöju öldinni. Sókn jarðarbúa
út í geiminn er hafin. Fjölmennar
geimstöðvar, sem eru sjálfum sér
nægar, hafa þó ekki lagt út í ferð
út fyrir sólkerfið. Á því verður
breyting þegar ein þeirra, Rotar,
hverfur skyndilega. Hvert fór
hún? Til Alpha Centauri? Eða
kannski til stjörnu sem er nær
sóhnni okkar þótt jarðarbúar viti
ekki af henni?
Helsta söguhetjan er fimmtán
ára gömul stúlka í geimstöðinni
Rotor. Hún býr yfir sérstökum
andlegum . hæfileikum. Þegar
Rotor kemur á áfangastað, til
rauðu stjörnunnar sem fær nafn-
ið Nemesis, skiptir þessi gáfa
hennar sköpum fyrir framtíð lífs
á jörðinni.
Aðdáendur Asimovs finna í
þessari sögu til skyldleika viö
ýmsar kunnustu vísindaskáld-
sögur hans og óska þess heitast
að honum endist aldur til aö
skrifa framhaldið.
NEMESIS.
Höfundur; Isaac Aslmov.
Bantam Books, 1990.
Salman Rushdie í
felum. í 640 daga
Um miðjan febrúar árið 1989 var les-
in upp í útvarpinu í Teheran „fat-
wa“, það er trúarreg tilskipun, frá
æðsta andlega og veraldlega leiðtoga
landsins, Khomeiní æöstaklerki. Þar
var tilkynnt „í nafni guðs almátt-
ugs“ að höfundur „The Satanic Ver-
ses“, sem fæli í sér árásir á Islam,
Múhammeð spámann og Kóraninn,
hefði verið dæmdur til dauða.
Dauðadæmdi rithöfundurinn, Sal-
man Rushdie, fékk þegar lögreglu-
vernd. Þá 640 daga sem síðan eru
liðnir hefur hann búið sem fangi ótt-
ans á leynilegum stööum á Bretlandi
undir strangri gæslu lögreglunnar.
Að undanförnu hafa birst nokkur
viðtöl við Rushdie sem hefur, þrátt
fyrir gjörbreytingar á lífmynstri
sínu, tekist að semja nýtt skáldverk
á flóttanum undan refsinornum
heilagrar reiði múslima.
Líf úr skorðum
Þegar Khomení dæmdi Rushdie til
dauða var hann kunnur rithöfundur.
Hann gat gert það sem honum sýnd-
ist, hitt þá sem hann vildi, stundað
ritstörf á þann hátt sem hann hafði
vanist. Og hann var nýkvæntur rit-
höfundinum Marianne Wiggins.
Þessa síðustu 640 daga hefur hann
mátt búa á mörgum stöðum, sem
breska lögreglan velur fyrir henn,
en alls staðar um skamma hríð. Sagt
er að hann hafi verið fluttur 50-80
sinnum fyrstu fimm mánuðina.
Rushdie getur ekki skroppið út úr
húsi eins og áður, hvorki til að hitta
vini sína, fara í bíó eða leikhús,
kaupa í matinn eða bara að anda að
sér borgarloftinu. Hann getur fengið
að hitta fólk, en þá eftir miklum
krókaleiðum og undir stjórn lögregl-
unnar. Hann má hringja í vini sína,
en enginn þeirra getur hringt í hann.
Og hjónabandið heyrir sögunni til.
Breytt vinnubrögð
Fyrst eftir að Rushdie fór í felur
gat hann ekkert skrifað. Eftir nokkra
mánuði kveðst hann hafa byrjað að
Á meðan allt lék í lyndi: Salman Rushdie og eiginkonan, Marianne Wfgg-
ins. „Hjónabandi mínu er lokið,“ segir Rushdie nú.
skrifa ritdóma og yrkja nokkur ljóð.
Svo hóf hann að semja nýju skáldsög-
una, Haroun and the Sea of Stories,
eða Harún og Söguhafið, á miðju
sumri 1989.
Hann þurfti að temja sér ný vinnu-
brögð viö ritstörfin. Höfundar eru oft
með afbrigðum sérviskulegir og
Rushdie var þar engin undantekn-"
ing. Hann gat einungis skrifað á
gamla ritvél í vinnuherbergi sínu þar
sem tilteknir lukkugripir þurftu aö
vera á réttum stað.
„Ég varð að læra aö skrifa á flótta.
Það var afar ergjandi, erfitt. En ég
neyddi mig til að gera það, að læra
það,“ segir hann í nýlegu viðtali.
Dæmisaga
Harún og Söguhafið er eins konar
dæmisaga sem á rætur að rekja til
frásagna um Söguhafið sem Rushdie
sagði syni sínum af fyrra hjóna-
bandi, Zafar, á meðan hann var að
baða sig, en drengurinn er nú 12 ára.
í bókinni segir frá hetjunni ungu
og hugrökku, Harún, sem leggur í
hættulega för um töfraheima til að
bjarga Söguhafmu sem faðir hans,
sagnaþulurinn Rashid, getur ekki
lengur drukkið af, frá alvarlegri
mengun. Til þess verður Harún að
leggja til orrustu við Khattam-Shud,
Endalokin, prins þagnarinnar.
Endir í augsýn?
Sagan um Harún endar vel. En
mun saga Rushdies fá farsælan endi?
„Það veröur hún aö gera,“ segir
hann sjálfur. „Ég er 43 ára, ég hef
þjáðst og vil gjarnan lifa eðlilegra lífi.
Það vekur hjá mér vonir að jafnvel
reiðasti maður getur ekki verið reið-
ur til eilífðar. Þetta er saga sem ég
verö að finna endi á.“
Hatursmenn hans hafa ákveöinn
endi í huga. Þeir segja að fyrr eða
síðari muni ungir fórnfúsir múslim-
ar framfylgja dauöadómnum hvað
sem það kunni að kosta þá sjálfa.
Metsölukiljur
Bretland
Skáldsögur:
1. Catherine Cookson:
THE BLACK CANDLE.
2. Stephen King:
THE DARK HALF.
3. TSue Townsend:
TRUE CONFESSIONS OF ADRIAN
ALBERT MOLE.
4. Martin Amis:
LONDON FIELDS.
5. Rosamunde Pllcher:
THE BLUE BEDROOM. *
6. Clive Barker:
THE GREAT AND SECRET SHOW.
7. J. Barnes:
A HISTORY OF THE WORLD *N
10'/2 CHAPTERS.
8. Scott Turow:
PRESUMED INNOCENT.
9. Len Deighton:
SPY LINE.
10. Rose Tremain:
RESTORATION.
Rit almenns eölis:
1. Denis Healey:
THE TIME OF MY UFE.
2. Peter Mayle:
A YEAR IN PROVENCE.
3. Hannah Hauxwell:
SEASONS OF MY LIFE.
4. Rosemary Conley:
COMPLETE HIP & THIGH DIET.
5. Nígel Nicolson:
PORTRAIT OF A MARRIAGE.
6. Rosemary Conley:
INCH-LOSS PLAN.
7. Blli Watterson:
THE CALVIN & HOBBES LAZY
SUNDAY BOOK.
8. Tom Jaine:
THE GOOD FOOD GUIDE 1991.
9. Phillp Larkln:
COLLECTED POEMS.
10. Simon Bates:
OUR TUNE.
(Byggt á The Sunday Times)
Bandaríkin
Skáldsögur:
1. Danielle Steel:
DADDY.
2. Stephen King:
THE DARK HALF.
3. V.C. Andrews:
DOWN.
4. John Jakes:
CALIFORNIA GOLD.
5. Jennifer Lynch:
THE SECRET DIARY OF LAURA
PALMER.
6. Stephen Coonts:
THE MINOTAUR.
7. Carrie Fisher:
POSTCARDS FROM THE EDGE.
8. Kathleen E. Woodiwiss:
SO WORTHY MY LOVE.
9. Philip Friedman:
REASONABLE DOUBT.
10. Allan Gurganus:
OLDEST LIVING CONFEDERATE
WIDOW TELLS ALL.
11. Scott Turow:
PRESUMED INNOCENT.
12. Victoria Holt:
THE CAPTIVE.
13. Jack Higgins:
COLD HABOUR.
14. Celeste De Ðiasis:
A SEASON OF SWANS.
15. David Eddings:
SORCERESS OF DARSHIVA.
16. Amy Tan:
THE JOY LUCK CLUB.
Rit almenns eðlis:
1. Robert Fulghum:
ALL I REALLY NEED TO KNOW I
LEARNED IN KINDERGARTEN.
2. Michaei Lewis:
LIAR'S POKER.
3. M. Scott Peck:
THE RÖAD LESS TRAVELED.
4. Jill Ker Conway:
THE ROAD FROM COORAIN.
5. Thomas L. Friedman:
FROM BEIRUT TO JERUSALEM.
6. Stephen Hawking:
A BRIEF HISTORY OF TIME.
7. Tracy Kidder:
AMONG SCHOOLCHÍLDREN.
8. R. J. Groden & H.E. Livíngstone:
HIGH TREASON.
9. B. S. Siegel:
LOVE, MEDICINE AND
MIRACLES.
10. Nicholas Pileggi:
WISEGUY.
11. Jonathan Coleman:
EXIT THE RAINMAKER.
(Byggt á New York Times Book Review)
Danmörk
Skáldsögur:
1. Jorn Riel:
SKR0NER FRA ET REJSELIV.
2. Marilyn French:
SIN MORS DATTER.
3. Isabel Allende:
EVA LUNA.
4. Ib Michael:
KILROY KILROY:
5. Umberto Eco:
FOCAULTS PENDUL.
6. Jean M. Auel:
HESTENES DAL.
7. Bjarne Reuter:
MÁNEN OVER BELLA BIO.
8. Jean M. Auel:
MAMMUTJÆGERNE.
9. Jean M. Auel:
HULEBJORNENS KLAN.
10. John Irwing:
EN BON FOR OWEN MEANY.
(Byggt á Politlken Sondag)
Umsjón: Elías Snæland Jónsson
Fjöldamorð
í sveitinni
Adam Dalgliesh lögregluforingi
erfir eftir frænku sína sumarhús
og gamla vindmyllu í sveitasæl-
unni í Norfolk á Englandi. Hann
skellir sér þangað í frí til að átta
sig á hvernig hann geti ráðstafað
eigninni. En þar sem Dalgliesh
fer eru morð sjaldan langt undan.
Fjöldamorðingi er sumsé á
kreiki í Norfolk. Hann ræðst á
konur sem eru einar á ferð seint
á kvöldin eða á nóttunni, myrðir
þær og meiðir á sjúklegan hátt.
Gamall starfsfélagi Dalgliesh
annast rannsókn málsins og leit-
ar aö sjálfsögðu ráða hjá Scotland
Yard-foringjanum.
Inn í þessa atburðarás blandast
deilur í héraðinu vegna nýs
kjarnokruvers. Málið fær svo á
sig nýjan blæ þegar ástmey for-
stjóra orkuversins er myrt á
sama hátt og hinar konurnar. Var
hún fórnarlamb sama morðingj-
ans eða átti það bara að líta þann-
ig út? ®
Þetta er listilega vel skrifuð
spennusaga eftir höfund sem hef-
ur náð fullkomnum tökum á við-
fangsefni sínu og söguhetjunni,
ljóðskáldinu og fagurkeranum
Dalgliesh sem óneitanlega er
óvenjulegur morðsérfræðingur.
DEVICES AND DESIRES.
Höfundur: P.D. James.
Warner Books, 1990.
Sápuópera
hversdagsins
Denise Robertson skrifar
sápuóperur um ástir „venjulegs"
fólks eins og það heitir. Þannig
ijallar þessi nýja saga hennar um
ástarmál nokkurra kvenna sem
alast upp í norðurhluta Englands.
Þær eru á táningaaldri upp úr
1960, en fylgst er með þeim allt
fram á árið 1981.
Helen er aöalpersónan. Hún
verður ófrísk á táningaaldrinum,
fer inn á heimili sem kaþólska
kirkjan rekur, fæðir þar barn sitt
í kyrrþey og gefur til ættleiðing-
ar. Síðan heldur hún til London.
Systir hennar og vinkonur búa
hins vegar áfram fyrir norðan,
giftast og eignast börn.
Dauðsfall í íjölskyldunni verð-
ur til þess að Helen ákveður aö
komast aö því hvar sonur hennar
hafi lent. Það tekst henni aö lok-
um. Hún setur sig í kunningsskap
við hann, án þess þó að upplýsa
um leyndarmálið.
Höfundurinn einbeitir sér að
því að rekja ástarfiækjur, barn-
eignir og hversdagsleg vandamál
íjölskyldna og elskenda. Allt er
þetta ósköp áreitnislaust og flatt
og hamingjuendir fylgir í lokin -
að sjálfsögðu.
NONE TO MAKE YOU CRY.
Höfundur: Denise Robertson.
Penguin Books, 1990.