Dagblaðið Vísir - DV - 17.11.1990, Blaðsíða 35
LAUGARDAGUR 17. NÓVEMBER 1990.
47
Lífestm
Mynd þessi er tekin á Aberdour golfvellinum sem er rétt utan við Edinborg.
Mekka golfsins. Klúbbhúsið i St. Andrews. Skógarvellir i Skotlandi bjóða upp á meira landslag heldur en sjávar-
vellir. Mynd þessi er tekin á Gleneagles.
Þegar Skotar segja sjálflr að
landið þeirra sé heimili golfsins
getur enginn efast um sannleiks-
gildi þeirra orða. Það er ekki bara
að í Skotlandi varð golfið fyrst að
alvöruíþrótt heldur eru þar margir
af þekktustu golfvöllum í heimin-
um.
í Skotlandi eru 420 átján holu
golfvellir sem er ótrúlega mikið
þegar höfð er í huga stærð lands-
ins. Sjálfsagt er það aðeins á
Flórída þar sem eru fleiri golfvellir
ef reiknaðir eru golfvellir á hvern
kílómetra.
íslenskir golfleikarar fara nokk-
uð til Skotlands, sérstaklega á vor-
in, enda stutt að fara, en það ætti
aö vera jafnmikið um að kylflngar
færu til að leika golf í Skotlandi á
haustin. Þá eru vellirnir enn í full-
um skrúða.
Það sem helst fælir landann frá
því að leika golf í Skotlandi er
hræðslan við að lenda í slæmu
veðri. Og víst er að 'veðrið í Skot-
landi er eins og hjá okkur, mjög
duttlungafullt á vorin og haustin.
Sjálfur hefur undirritaður farið í
eina aprílferð til Skotlands til að
leika golf og var þá mjög heppinn
með veður. Þótt vellirnir séu ekki
komnir í besta ásigkomulag á vorin
þá er yfirleitt ekki hægt að kvarta
yfir þeim.
Það tekur aðeins rúmlega einn
og hálfan klukkutíma að fljúga til
Glasgow og þá um leið er maður
kominn í golfparadís. Eins og áöur
sagði nýta íslenskir golfleikarar sér
nánast aðeins á vorin að „skreppa"
til Skotlands og koma sér í æfingu.
Aftur á móti ættu ferðaskrifstofur
sem undirbúa golfferðir og ein-
staklingar sem ætla sér í golf í okt-
óber að athuga nánar Skotland.
Veðrið í Skotlandi í október er yfir-
leitt mjög gott og milt á okkar
mælikvarða. Skotar segja sjálfir að
október sé einn þeirra besti golf-
mánuður. í október eru vellirnir
enn í fullkomnu ásigkomulagi. Það
getur verið vindasamt á haustin en
í heild er golfveður eins og það ger-
ist best við aðstæður sem íslend-
ingar eru vanir.
Undirritaður varö þess aönjót-
andi að skreppa í stutta ferð til
Skotlands um miðjan október og
leika golf í tvo daga. Hitinn var
15-20 stig. Fyrri daginn var að vísu
mikill vindur, en síðari daginn
voru aðstæður fullkomnar, rakt
loft, logn og engin sól.
Algengustu golfferðir íslenskra
kylfmga á haustin eru suður á bóg-
inn til Spánar og Portúgal, eða þá
vestur til Flórída. Það er skiljanlegt
fyrir þá sem vilja sól og sumaryl
að bregða sér á þessa staði en eins
og allir sem þekkja til suður frá er
orðið of dýrt að leika golf á Spáni
og í Portúgal. Ekki er eins dýrt að
leika golf í Flórída en á móti kemur
að ferðir eru dýrar.
Þeir sem ætla aftur á móti ein-
göngu að leika golf spara mikið
með því að fara í staðinn til Skot-
lands. Þar er ódýrt að leika golf og
bónus er að þar eru golfvellir sem
alla kylflnga dreymir um að leika
á. Að vísu verður að hafa fyrirvara
á og panta tíma ef leika skal golf á
völlum eins og SL Andrews, Glene-
agles, Troon og Muirfield, svo ein-
hverjir af þeim frægustu séu nefnd-
ir.
í Skotlandi
varð golfið til
Golf hefur verið leikið í Skotlandi
í margar aldir. Skráðar heimildir
eru til um að afbrigði af golfi hafi
verið leikið á miðöldum. 1457 bann-
aði James II konungur hermönn-
um sínum að leika golf og lagði til
að þeir æfðu skylmingar í staðinn.
Allt frá þessari skráðu heimild eru
til heimildir um að kóngafólk í
Skotlandi hafi leikið golf í frístund-
um sínum.
Almenningur var einnig fljótur
að taka við sér og voru notuð alls-
konar sköft og í raun allir hlutir
sem komið gætu að notum til að.
koma litlu kúlunni í holuna. Leik-
urinn þróast síðan í líkingu við það
sem hann er í dag og golfvellir
verða smátt og smátt til.
Þegar talað er um sögu golfsins
er St. Andrews í Skotlandi sá stað-
ur sem óriúfanlega er tengdur sögu
golfsins. í St. Andrews verður til
. golfklúbburinn The Royal and An-
cient Golf Club, stofnaður 14. maí
1754 af tuttugu og tveimur mönn-
um sem spiluðu þar golf. Enn þann
dag í dag eru reglur golfsins yfir-
farnar í þessum klúbbi árlega og
ef breytingar skal gera á reglunum
þá er það ákveðið í St. Andrews.
Þótt golfvellir séu fleiri en einn í
St. Andrews, þá er það „Gamli völl-
urinn“ sem fólk á við þegar talað
er um staðinn. Á nútíma mæli-
kvarða er „Gamli völlurinn" ekk-
ert sérstaklega spennandi golfvöll-
ur. Fallegur er hann ekki og virðist
í fyrstu ekkert sérstaklega erfiður,
en hann leynir á sér, eins og þeir
vita sem leikið hafa völlinn.
„Gamli völlurinn" er þannig
byggður að farið er nánast beint
áfram fyrstu níu holurnar og snúið
við og haldið heim síðari níu hol-
urnar. Þessi leið §r ástæðan fyrir
því að á öllum skorkortum hvar
sem er i heiminum stendur „út“
þegar fyrri níu holurnar eru leikn-
ar og „inn“ þegar seinni níu hol-
urnar eru leiknar. Þetta er aðeins
eitt dæmi um þau miklu áhrif sem
St. Andrews hefur haft á golfíþrótt-
ina og engan skal undra þótt þessi
staður sé kallaður „Mekka golfs-
ins“.
Golfvellir
í Skotlandi
Golfvöllum í Skótlandi er hægt
að skipta í tvennt, svokallaðir
Links-vellir sem eru við ströndina
og við íslendingar köllum oftast
sjávarvelli, en orðið Links þýðir í
ströngustu merkingu golfvöllur.
Allir elstu golfvellir í Skotlandi eru
Links-vellir og opna breska meist-
araramótið er ávallt haldið á slík-
um velli, til skiptis í Skotlandi og
Englandi.
Þekktastur Links-valla er að
sjálfsögðu St. Andrews, en aðrir
þekktir sem ekki er hægt að ganga
fram hjá þegar fjallaö er um Links-
velli eru Troon, Muirfield, Carno-
ustie og Turnberry.
Hin gerðin af golfvöllum í Skot-
landi eru innlandsvellir sem eru
oftast skógi vaxnir og bjóða upp á
meira landslag. Þeir bestu eru mun
fallegri en sjávarvellirnir en geta
ekki státað af jafnmikilli frægð og
Links-vellirnir. Mjög margir góðir
innlandsvellir eru í Skotlandi, en
þekktastur í dag er tvímælalaust
Gleneagles.
Á Gleneagles svæðinu eru þrír
golfvellir og sá fjórði er í undirbún-
ingi. Vellirnir eru hver öðrum fall-
egri, þótt Drottningarvöllurinn sé
tvímælalaust þeirra fallegastur og
einn fallegasti golfvöllur sem und-
irritaður hefur leikið á. Það er aftur
á mót Kóngsvöllurinn sem er hinn
erfiði keppnisvöllur og þar fer fram
árlega opna skoska meistarmótið.
Áður hefur verið minnst á að þaö
er ekkert auðvelt að komast til að
leika golf á þekktustu golfvöllum
Skotlands. Undirritaðar var við-
staddur kvöldverðarboð í Skot-
landi í haust þar sem meðal annars
voru umræður um þá erfiðleika
sem blasti við hinum almenna
ferðamanni ef hann langaði að
leika golf á þekktum golfvelli. Kom
þar fram að nánast er ógjörningur
að leika á Gleneagles nema búiö sé
á hóteli því sem fylgir svæðinu. Þá
kom þar einnig fram að nú eru
hótelin sem fylgja þekktum golf-
völlum farin að leggja áherslu á að
bjóða pakkaferðir þar sem innifalið
er ótakmarkað golf og í fáum orð-
um sagt eru slíkar pakkaferðir
mjög freistandi þegar verð er haft
í huga að yfirleitt eru hótelin, sem
eru á þekktum golfvöllum, í háum
gæðaflokki.
Gallinn við slíkar pakkaferðir,.
sérstaklega fyrir útlendinga, er að
þær veita aðeins leyfi á viðkomandi
golfvelli, en það vita allir kylfingar
sem til Skotlands koma að það
nægir ekki að leika aðeins á einu
svæði þótt það heiti Gleneagles eða
St. Andrews.
Það er aftur á móti verðugt verk-
efni fyrir ferðaskrifstofur að vinna
út frá svona pakka, láta hóp dvelja
á tveimur til þremur stöðum því
það eru margir stórkostlegir golf-
vellir í Skotlandi þótt þeir státi
ekki af frægu nafni.
Sjálfsagt er hvergi í heiminum
ódýrara að leika golf en í Skot-
landi. Verðið er mismunandi en
fyrir þá sem láta sér nægja almenn-
ingsvelli er verðið aðeins í kringum
300 krónur á virkum dögum og 500
kr. um helgar. Á góðum klúbb-
völlum er verðið þetta frá 1300-1900
krónur. Hærra verð er á keppnis-
völlum og hærra eftir því sem þeir
eru frægari. Undantekning er þó
St. Andrews, því að á þessum fræg-
asta golfvelli í heimi kostar aðeins
2300 krónur að fara hringinn. Dýr-
ustu vellirnir eru Troon og Turn-
berry en þar kostar 5500 krónur að
leika einn hririg. Ekki langt á eftir
í verði koma Carnoustie, Muirfield
og Gleneagles.
Allt of lítiö hefur verið gert í því
hingað til að kynna Skotland sem
golfpardís, áhersla er ávallt lögð á
staði þar sem sólin skín og hitinn
er um 30 gráður og dýrt er að leika
golf. Þetta eru ekki bestu aðstæður
fyrir íslendinga til að leika sitt
besta golf. Við erum vanir allt öðr-
um aöstæðum. Bestu aðstæður fyr-
ir íslendinga til að leika sitt besta
golf geta skapast í Skotlandi. Viss
áhætta fylgir að vísu en er ekki
alltaftekináhættaígolfi? -HK