Dagblaðið Vísir - DV - 17.11.1990, Blaðsíða 25

LAUGARDAGUR 17. NÓVEMBER 1990.
25
Vinbirgðirnar sem félagarnir tóku með sér til Akureyrar.
(Ljósmyndir úr Það hálfa væri nóg.)
Þórarinn ásamt eiginkonu sinni, Hildi Guðnýju Björnsdóttur, en myndin var
tekin i tilhugalífinu. Þau fóru bæði í áfengismeðferð.
fyrir lækni. Svo fékk ég sendan spíra
til lyfsölunnar. Sá spíri var mjög
naumt skammtaöur, fannst mér, ég
var fljótur aö drekka hann allan.
Drakk sprittiö ósoðið
Ég kom mér í samband við
sprúttarann á staðnum og verslaöi
viö hann. En þau viðskipti ollu mér
dáhtlum áhyggjum. Þaö var heldur
ekki gott afspurnar fyrir lækni aö
kaupa of mikið sprútt. Þess vegna fór
ég að brugga og svo sauð ég allt
sprittiö mitt. En þetta dugöi skammt.
Maður drakk allt sem kom gegnum
pósthúsið, allt frá sprúttsalanum,
allan bjórinn sem maður bruggaði
og mátti svo ekki vera að því að bíöa
eftir því að hann gerjaðist. Maður
drakk allt sprittið sem maöur sauð
og endaöi með því að nenna ekki að
standa í slíku og drakk bara
brennslusprittið tært og þótti það
bara ágætt. Ég blandaði þaö í appels-
ínudjús, einn hluta af djús á móti
einum hluta af vatni og einum hluta
af spritti. En strax og maður kom í
bæinn þá vildi maður ekki brennslu-
spritt, þá drakk maður vodka og kók.
En ég keypti samt aldrei mildð vín
til þess að fara með norður. Ég vissi
að ég myndi drekka þaö allt saman
og þess vegna keypti ég lítið og
reyndi þannig aö blekkja sjálfan mig.
Allt líf drykkjumannsins er ein
blekking.
Eiginkonan
jók einnig drykkju
Siðasta árið á Hvammstanga var
langverst. Ég fór suður haustið 1977
til þess að vinna tvo mánuði á fæð-
ingardeild. Það þurfti ég að gera til
þess að öðlast full læknaréttindi. Að
því loknu sneri ég norður á ný. En
upp úr áramótum 1978 missti ég svo
gott sem alveg stjórn á drykkjunni
og gat varla verið ódrukkinn meira
en einn dag í einu. Ég fór að nota
hveija einustu frístund til drykkju.
Á sama tíma jók konan mín líka sína
drykkju. Oft þegar ég kom ódrukk-
inn af stofunni var vínlykt af henni
og það fór afskaplega í taugarnar á
mér. Ég vissi hins vegar ekki fyrr en
rétt áður en við fórum bæði í með-
ferð að hún misnotaði einnig róandi
lyf. Ég lét hana aldrei hafa neinar
slíkar pillur. Hún náði sér í þær sjálf
án þess að ég yrði þess var. Ég hafði
auðvitað lykil að apótekinu mínu.
Ástandið á heimilinu var því oröið
mjög alvarlegt, ekki síst í ljósi þess
að við höfðum eignast fjórða barnið
í apríl 1977, telpu sem hlaut nafnið
Hildur. Við sáum þó yfirleitt sóma
okkar í að sinna um barnið þrátt fyr-
ir drykkjuna og skiptumst lengst af
á um að drekka svo að annað okkar
væri til taks til að annast börnin. En
eigi að síður var heimilislífið illilega
markað þessari miklu óreglu.
Missti alla stjórn
Ég átti líka í æ meiri erfiöleikum
með að halda mér ódrukknum og
missti loks algerlega stjórn á drykkj-
unni. Ég gat oft ómögulega skilið af
hverju ég var að drekka af því ég
vildi það ekki. Ég lagði af stað með
góð fyrirheit og ætlaöi að halda mér
frá áfengi en það dugði kannski í einn
og hálfan dag. En mér tókst þó að
sinna starfi mínu að mestu, en oft
leiö mér illa í vinnunni, sérstaklega
sumarið 1978. Þá var Haraldur farinn
í frí og Helgi Kristbjarnarson og
Kristbjörn Tryggvason faðir hans
voru læknar í Hvammstangahéraði
á móti mér. Óregla mín h'efur vafa-
laust lent talsvert á þeim.
í september 1978 fór ég suður til
Reykjavíkur til þess að reyna að fá
bílprófið mitt aftur en það hafði ég
misst þegar ég ók drukkinn frá Hótel
Sögu þremur árum áður. Þá var lið-
inn sá tími að ég gat sótt um náöun
og fengið hugsanlega aö taka prófið
aj'tur. Þegar ég kom suöur datt ég
auðvitað í það. Dauðadrukkinn lagði
ég af stað eitt sunnudagskvöldið á
leið norður. Ég var svo drukkinn að
ég stóð varla. Eg hefði vafalaust ekki
gert þetta ef ég hefði verið á öðru eða
þriðja glasi en ég var algerlega búinn
aö missa dómgreindina þarna. Ég var
alltaf að dotta öðru hverju en vakn-
aði svo á síðustu stundu til þess að
rétta bílinn af. Ég ætlaði að leggja
bílnum við Laxá í Kjós og leggja mig,
en hætti svo við það og sofnaði undir
stýri og velti bílnum. Ég varð að
skríða út um afturrúðuna. Ég slapp
nánast ómeiddur en Hafnarfjarðar-
lögreglan kom og fór með mig á lög-
reglustöðina. Ég var ekki lengi þar
heldur lét ná í mig. En þetta ferðalag
varð til þess að ég gat ekki sótt um
að fá bílprófið aftur næstu þrjú árin.
Fyrstu þrjú árin sem ég var edrú var
ég próflaus. Eftir bílveltuna fór ég
noröur og seldi skömmu síðar bílinn
gegnum síma.
Um haustið kom Haraldur félagi
minn aftur og ég hugsa að það hafi
komið honum á óvart hve drykkja
mín hafði aukist og ástandið var orð-
ið slæmt. Loks kom þar að ég gat
ekki meira og leitaði mér aðstoðar.
Þann 22. nóvember 1978 fór ég með
Norðurleiðarrútunni suður til
Reykjavíkur til þess að fara í áfengis-
meðferð hjá SÁÁ í Reykjadal."
(Ath. Millifyrirsagnir eru blaösins)
-ELA
Heilsugæslustöð á Húsavík
Boðinn er út lokafrágangur heilsugæslustöðvar á Húsavik, þ. á. m.
málun inni, frágangur gólfa og raflagna, innréttingar, hreinlætistæki
og frágangur lóðar. Verkið er boðið út í einu lagi. Gólfflatarmál húss-
ins er um 1477 m2.
Tilboð óskast í verkið bæði miðað við verklok 31. maí 1991 og mið-
að við verklok 31. október 1991.
Útboðsgögn verða afhent á skrifstofu vorri, Borgartúni 7, Reykjavík,
til og með fimmtudegi 29.11. gegn 10.000,- kr. skilatryggingu.
Tilboð verða opnuð á skrifstofu IR., Borgartúni 7, þriðjudaginn 4.
desember nk. kl. 14.00.
IIMIMKAUPASTOFIMUN RÍKISINS
BORGARTUNI 7. 105 REYKJAVIK
Frá Menntaskólanum
við Hamrahlíð
Við skólann er laus staða fjármálafulltrúa. Leitaó er
eftir manni með bókhaldsþekkingu og reynslu af fjár-
málastjórn. Viðkomandi skal hefja störf í janúar 1991.
Laun samkvæmt kjarasamningum opinberra starfs-
manna. Nánari upplýsingar gefur konrektor, Sverrir
Einarsson, á skrifstofu skólans.
Við skólann er einnig laus staða skólaritara. Um er
að ræða hálft starf. Æskilegt er að umsækjendur
hafi nokkra tungumálaþekkingu og vélritunarkunn-
áttu. Laun samkvæmt kjarasamningum opinberra
starfsmanna. Nánari upþlýsingar gefur áfangastjóri,
Steingrímur Þórðarson, á skrifstofu skólans.
Fræðslu- og jafnréttisfulltrúi
Akureyrarbær auglýsir lausa til umsóknar stöðu
fræðslu- og jafnréttisfulltrúa.
I júní s.l. ár samþykkti bæjarstjórn Akureyrar jafnrétt-
isáætlun til fjögurra ára og er verksvið fræðslu- og
jafnréttisfulltrúa að vinna að framkvæmd hennar.
Einnig er honum ætlað að sjá um fræðslu- og endur-
menntunarmál starfsfólks.
Starf þetta er hið fyrsta sinnar tegundar hérlendis
og því um spennandi brautryðjendastarf að ræða.
Krafist er a.m.k. þriggja ára háskólanáms, t.d. á sviði
félagsvísinda, uppeldis- og kennslufræða eða sálar-
fræði. Reynsla af kennslustörfum æskileg.
Laun eru samkvæmt kjarasamningi Akureyrarbæjar
og STAK.
Meirihluti þeirra sem nú gegna stjórnunar- og
ábyrgðarstöðum hjá Akureyrarbæ eru karlar en stefnt
er að því að jafna stöðu kynjanna sbr. 9. grein laga
nr. 65/1985 um jafna stöðu og jafnan rétt kvenna
og karla.
Konur eru því hvattar til að sækja um starfið.
Nánari upplýsingar um starfið veita Hugrún Sig-
mundsdóttir form. jafnréttisnefndar í síma 96-27461
e. kl. 20.00 og starfsmannastjóri í síma 96-21000.
Æskilegt er að umsækjandi geti hafið störf sem fyrst.
Umsóknarfrestur er til 7. desember n.k. og skal um-
sókn send starfsmannastjóra á umsóknareyðublöð-
um sem fást hjá starfsmannadeild Akureyrarbæjar,
Geislagötu 9, sími 96-21000.
Bæjarstjórinn á Akureyri.