Dagblaðið Vísir - DV - 26.10.1991, Blaðsíða 36
52
LAUGARDAGUR 26. OKTÓBER 1991.
„íslendingar gætu
smíðað Boeing-þotur"
- segja flugvélasmiðimir Gunnar Jónsson og Kristinn Eggertsson
Fyrsta raunverulega flugvélasmíðin
á íslandi er hafin. Smíðin fer ekki
fram í verksmiðju eins og einhverjir
hefðu getað ímyndað sér heldur í
blindkjallara undir málningar- og
teppaverslun í Ingólfsstræti í Reykja-
vík. Hún gæti allt eins farið fram í
enn minna húsnæði. Það fullyrða aö
minnsta kosti flugvélasmiðirnir, fé-
lagarnir Gunnar Jónsson, doktor í
lögfræði, og Kristinn Eggertsson
kaupmaður.
Báðir er þeir áhugamenn um flug
og með einkaflugmannspróf. Þeir
höföu keypt myndbandsspólu um
smíði álflugvéla eftir teikningum
VanGrunsvens, gamalreynds flug-
manns í Oregon-fylki í Bandaríkjun-
um. Það varð til þess að þeir ákváðu
að riða á vaðið með smíði slíkra flug-
véla á íslandi. Áhugi þeirra á flugi
varð að alvöruástarsambandi þegar
smíði á eigin vélum hófst, að því er
þeir segja.
Þeir benda á að TF-Ögn, sem blasir
við þeim sem ferðast um flugstöð
Leifs Eiríkssonar og smíðuð var á
fjórða áratugnum af Gunnari Jónas-
syni og félögum, sé stálgrind með
striga. „Frá „agnar“-smíðinni hafa
verið smíðaðar nokkrar flugvélar á
íslandi en þær hafa allar verið stál-
eða trégrindur með striga. Eftir að
við hófum smíði RV-6 lágþekja um
áramótin síðustu fylgdu Björn Thor-
oddsen, Jóhannes Helgason og Árni
Sigurbergsson flugstjórar í kjölfar-
ið.“
Fræðingarnir frjósa
á pappírsstiginu
Helst segjast þeir félagarnir vilja
að sem flestir hefji flugvélasmíði.
„Það er mikiö atriði að fólk starfi
með höndunum. Það er skelíilegt aö
sjá ungt fólk í dag, það eru að rotna
á því hendurnar af brúkunarleysi,"
segir Kristinn og bætir því við um
leið og hann htur á félaga sinn að
fáir hafi starfað jafnmikiö með hönd-
unum og doktorinn.
„En af hverju varð flugvélasmíði
fyrir valinu?"
„Af hverju ekki fyrr?“ spyr Gunnar
á móti. „Við höfum byggt hús, skip
og vélar. Hér er fjöldi fræðinga sem
frýs á pappírsstiginu, þeir láta sér
nægja aö lesa og íhuga í stað þess að
framkvæma." Kristinn bendir á hinn
mikla fjölda flugvirkja sem gengur
um atvinnulaus. „Þetta væri kjörið
verkefni fyrir þá.“
Félagamir viöurkenna að verkefn-
ið sé óheyrilega stórt. Lágmarksáætl-
un sé tvö þúsund vinnustundir. „Það
er auðvitað þægilegt að gefast upp
og svo sem allt í lagi ef menn standa
upp aftur."
Ótrúlegar
hundakúnstir
Sjálfir hafa þeir varið þrjú hundruð
klukkustundum í smíðina og eru að
ljúka við stélin. Þeir segjast vera
búnir að vinna úr 2 kílóum af verk-
lýsingum og 5 kílóum af teikningum.
í upphafi pöntuðu þeir tíu kíló af
verklýsingum, 15 kíló af teikningum,
álþynnur og hnoð. Þeir höfðu reynd-
ar aldrei hnoðað fyrr og leggja á það
áherslu aö það sé betra að vera tveir
RV-6 vélin á að þola álag sem svar-
ar til nífaldrar eigin þyngdar.
_
Kristinn Eggertsson og Gunnar Jónsson með stélin á RV-6 vélunum sinum
semþeireruaðsmíða. DV-myndGVA
Teikning að RV-6.
við verkið en einn. Heildarkostnaður
gæti orðiö tvær og hálf milljón króna.
Aðspurðir um hvaða hluta vélanna
þeir takist á við næst segja þeir að
það verði vængirnir. Þeir leggja á það
áherslu að verklýsingin stýri verk-
inu frá hnoði númer 1 til hnoðs núm-
er tólf þúsund. Ef farið er að huga
að því hvað einmitt þessi vél hefur
fram yfir aðrar þá benda Gunnar og
Kristinn á myndbandsspóluna þar
sem sýndar eru ótrúlegar hunda-
kúnstir. Þetta er auk þess flugvél sem
á að þola álag sem svarar til nífaldr-
ar eigin þyngdar.
Gætu smíðað
þúsundirvéla
Markaður fyrir slíkar vélar er tví-
mælalaust fyrir hendi, að því er
Gunnar og Kristinn fullyrða. „Það
er ekkert til fyrirstöðu að Islendingar
framleiði þúsundir slíkra véla á ári
og meira að segja Boeing-þotur líka.
Flugvélar í veröldinni eru ekki smíð-
aðar í heilu lagi á sama stað eins og
margir halda. Það er smíðaður bútur
hér og bútur þar. Boeing-verksmiðj-
an í Seattle í Bandaríkjunum eru
samsetningarstöð frekar en flugvéla-
verksmiðja.“
Þeir taka fram að þetta sé eins og
með skipasmiðarnar undir stjórn
Kaisers sem tekinn var úr bílaiðnað-
inum í stríðinu og olli gjörbyltingu í
skipasmíði. „Hann kunni ekki aö
smíða skip en greip til samsetningar-
aðferðar sinnar úr bílaiðnaðinum.
Hann framleiddi Liberty-skipin svo-
kölluðu sem meðal annars komu
hingaö með hergögn. Gamlir skipa-
smiðir fullyrtu að þessi skip væru
ónýt og Kaiser sagði að það yrði að
hafa það þó þau dygðu bara í 2 til 3
ferðir. Þessi skip reyndust vera
sterk, samanber gamh Tröllafoss
okkar.
Línurnar eru skýrar. Það fá færri
smáflugvélar en vilja. Framleiðsla
þeirra er dottin út í verksmiöjum og
maður sér það í bandaríska tímarit-
inu „Trade a plane'* sem er biblían í
kaupum og sölum á flugvélum og
flugvélahlutum, að lítiö er til sölu.“
„Islendingar ættu í því iðnaðará-
taki sem hlýtur að koma ef þessi þjóð
ætlar ekki að fremja sjálfsmorð af
vesalmennsku aö hefja flugvélasmíði
til dæmis undir gæðaheitinu „Faber
Islandicus“ sem er latína og þýðir
íslenskur smiður. Það er miklu betra
en að sletta ensku og skrifa „Made
in Iceland". íslendingar notuðu lat-
ínu jafnhliða íslensku í þúsund ár,“
segir að lokum þúsundþjalasmiður-
inn Gunnar sem auk þess að smíða
flugvél reisir hús og smíðar úr silfri
afmiklumhagleik. -IBS
Amsterdam á stórlækkuðu verði!
Barajtjá Samvinnuferðum - Landsyn!
Fimm dagar - fjórar nætur kr. 29.400 stgr.
Sex dagar - fimm nætur kr. 31.640 stgr.
flu/’vallarskattar og forfallatrygging
ekki innifalin.
Nú er rétt að grípa tækifærið á meðan það gefst.