Dagur - 19.12.1995, Síða 20

20 B - DAGUR - Þriðjudagur 19. desember 1995
Jesús fæddist á jólunum en hann er ekki sá eini. Börn fœðast
alía daga ársins og aðfangadagur er þar ekki undanskilinn.
Þeir sem fœðast þennan dag hljóta þó að halda upp> á af-
mælið sitt með nokkuð öðrum hætti en aðrir og ekki ólíklegt
að afmælið falli stundum í skugga jólanna. Dagur hafði
samhand við nokkra Norðlendinga sem eiga það sameigin-
legt að vera fæddir 24. desember og forvitnaðist um hvernig
væri að eiga afmæli á þessum degi.
Andri Teitsson
Andri er fæddur 1966 og verður því 29 ára
24. desember. Hann vinnur sem rekstrar-
verkfræðingur hjá Kaupþingi Norðurlands á
Akureyri.
„Mér finnst ágætt að mörgu leyti að eiga
afmæli á aðfangadag. í gamla daga var þó
svekkjandi að fá alltaf bara eina gjöf, sem
var sameiginleg jóla- og afmælisgjöf, frá
frænkum og frændum," segir Andri. Hann
segir afmælið þó sjaldan hafa gleymst
vegna jólahátíðarhalda. „Þegar ég var yngri
voru alltaf haldnar miklar afmælisveislur
upp úr hádegi á aðfangadag. Mamma talaði
mikið um það að hinar mömmurnar hefðu
verið rosalega fegnar að losna við strákana
sína í tvo til þrjá klukkutíma á aðal anna-
tímanum en mamma var yfirleitt búin að
undirbúa afmælið fyrirfram þannig að þetta
var ekkert mál.“
Seinni ár segist Andri ekki hafa haldið
neitt sérstaklega upp á afmælið. „Ég hef í
mesta lagi boðið einum eða tveimur vinum í
hádegismat og reikna með að sama verði
upp á teningnum í ár.“
Guðrún Ósk Smmnsdóttir
Guðrún Ósk er yngsti viömælandinn en hún
er fædd árið 1988. Guðrún býr á Akureyri
og er nýbyrjuð í skóla.
„Ég er sex ára og að verða sjö. Mér
finnst bara fínt að eiga afmæli á jólunum,"
segir sú stutta. Hún er ekki alveg viss hve-
nær hún haldi upp á afmælið en mamman,
Sigurborg Sveinsdóttir, segir að oftast sé
haldið upp á afmælið síðasta sunnudag fyrir
jól. „Ég fæ tvo pakka frá sumum eins og
mömmu, ömmu og afa,“ segir Guðrún og
mamma hennar bætir pabba Guðrúnar á
listann yfir þá sem senda tvo pakka. „Ég
leyfi henni alltaf að opna þá afmælispakka
sem hún fær senda strax um morguninn.
Pakkana sem hún fær þegar hún heldur upp
á afmælið fær hún að opna um leið og hún
fær þá,“ segir Sigurborg.
En hvemig finnst móðurinni að þurfa að
undirbúa afmælisboð þessa síðustu daga
fyrir jól þegar annríkið er mikið? „Stundum
er erfitt að hafa afmæli á þessum tíma en ég
er orðin vön þessu núna.“
Þórey Hermannsdóttir
Þórey verðurj 1 árs á aðfangadag en hún er
fædd árið 1964. Hún býr á Húsavík og er
heimavinnandi húsmóðir.
„Mér finnst bara gaman að eiga afmæli á
jólunum. Ég hef að vísu aldrei haldið upp á
afmælið en alltaf fengið tvöfaldan skammt
af pökkum. Fæ pakka bæði fyrri partinn og
um kvöldið líka. Ég neita því ekki að þegar
ég var yngri fannst mér afmælið stundum
falla í skuggann af jólunum. Ég hugsaði
samt aldrei út í það sem bam að það gæti
verið gaman að eiga afmæli á öðmm degi
og fannst þetta allt í lagi. Ég fékk mínar af-
mælisgjafir á aðfangadagsmorgun og var
ánægð með það.“ Þórey segir að hún haldi
yfirleitt ekki upp á afmælið sitt núna þegar
hún sé orðin eldri. „Nema þá eins og í fyrra
þegar ég var þrítug," segir hún.
Þórey á tvo stráka, sem eru ellefu og átta
ára, og tveggja ára stelpu. Hvað skyldi
börnunum finnast um að mamma eigi af-
mæli á jólunum? „Strákunum finnst það
hálffúlt þegar ég opna pakka allan aðfanga-
dag en þeir þurfa að bíða fram á kvöldið,“
segir hún hlæjandi.
Ingimar Brynjólfsson
Ingimar fæddist árið 1914 og varð því átt-
ræður 24. desember á síðasta ári. Ingimar
býr á Ásláksstöðum í Amameshreppi.
„Ég finn engan mun á því að eiga afmæli
þennan dag frekar en aðra daga. Þegar ég
var lítill var ekki mikið um að haldið væri
upp á afmæli. Ég veit ekki hvort hægt sé að
segja að afmælið hafi fallið í, einhvern
skugga. Allir vita þó hver fæddist þennan
dag og fæðing hans hlýtur alltaf að vera að-
al atriðið á jólunum. Núna er orðið mikið
um að haldið sé upp á afmæli fyrir börn. Ég
er úr stórum systkinahópi, við vorum
fjórtán, og ég held að afmælisdagurinn hafi
ekki verið neitt aðal atriði í okkar huga.“
Ingimar hefur ekki heldur haldið upp á
afmælið sitt hin seinni ár að undanskildum
þremur stórafmælum. „Ég hef þó aldrei
haldið upp afmælið á aðfangadag. En þegar
ég varð fimmtugur komu öll systkinin til
mín. Mig minnir að ég hafi líka haldið upp
á afmælið þegar ég varð sextugur og í fyrra
þegar ég varð áttræður. Ég hef nú ekki hald-
ið upp á afmælið mitt nema í þessi skipti,“
segir Ingimar. AI
Aðfangadagur
1934 Lestur jólakveðja hófst í Ríkisút-
varpinu, kl. 20.30. Síðan hefur þessi dag-
skrárliður verið árviss, síðustu ár á Þor-
láksmessu.
1956 Ungverskir flóttamenn, 28 karlar og
24 konur, komu til landsins frá Vín fyrir
atbeina Rauða kross íslands.
1989 Veðurhæð á Stórhöfða í Vestmanna-
eyjum komst í 120 hnúta (um 224
km/klst.) í vindhviðu en það var jafnmikið
og áður hafði mest mælst. Þetta met var
slegið 3. febrúar 1991.
Jóladagur
1402 Fólk kom saman á Grenjaðarstað í
Suður-Þingeyjarsýslu og hét á Guð og
Maríu mey „móti þeirri ógurlegu drepsótt
sem þá fór vestur eftir landinu“, eins og
sagt er í Grímsstaðaannál, en svarti dauði
gekk hér 1402-1404.
1980 Sjónvarpið frumsýndi fyrsta hluta
kvikmyndar sem gerð hafði verið eftir
Paradísarheimt, skáldsögu Halldórs Lax-
ness.
1986 Flutningaskipið Suðurland sökk
milli Islands og Noregs. Sex skipverjar
fórust en fimm var bjargað. Að kvöldi
sama dags fórst breska tankskipið Syneta
við Skrúð í minni Fáskrúðsfjarðar. Allir
tólf skipverjamir drukknuðu.
Annar jóladagur
1877 Messufall var í Dómkirkjunni í
Reykjavík vegna kulda. Ofnar voru settir í
hana tveim ámm síðar.
1911 Leikritið Fjalla-Eyvindur eftir Jó-
hann Sigurjónsson var sýnt í fyrsta sinn,
hjá Leikfélagi Reykjavíkur. Þetta hefur
verið talinn einn af merkisdögum í ís-
lenskri leikritasögu. Leikritið var sýnt 23
sinnum þennan vetur og hafði önnur eins
aðsókn ekki þekkst.
1941 Gullna hliðið, leikrit Davíðs Stef-
ánssonar, var frumsýnt hjá Leikfélagi
Reykjavíkur. í aðalhlutverkum voru Arn-
dís Bjömsdóttir og Brynjólfur Jóhannes-
son.
1953 Sjö systkini vom skírð samtímis í
Fossvogskirkjugarði, hið yngsta tveggja
mánaða en hið elsta á sjöunda ári.
1956 Morgunn lífsins, þýsk kvikmynd
með íslenskum skýringartextum, var
frumsýnd í Gamla bíói. Myndin var
byggð á skáldsögu Kristmanns Guð-
mundssonar.
1981 Maístjaman, lag Jóns Ásgeirssonar,
var flutt í fyrsta sinn opinberlega við
frumsýningu á leikritinu Hús skáldsins
eftir Halldór Laxness. Lagið náði fljótt
miklum vinsældum.
Heimild: Jónas Ragnarsson, Dagar íslands - atburðir
úr sögu og samtíð alla daga ársins.