Dagblaðið Vísir - DV - 13.06.1998, Blaðsíða 20

20
tlling stones
LAUGARDAGUR 13. JÚNÍ 1998

Isumar er komið að þvi sem
marga hefur dreymt um í mörg
mörg ár. Rolling Stones eru að
koma til íslands. Konungar
rokksins hafa engu gleymt en mikið
lært og er talað um að uppákoma
þeirra sé eitt af sjö undrum verald-
ar.
Það er komið vel á fjórða áratug
síöan Rolling Stones gáfu út sína
fyrstu plötu. Þá komu þessir bresku
yngissveinar með hressilegt mót-
vægi við hina ljúfu Bítla. Stones
voru ekki góðu strákamir. Þeir
voru villtir, trylltir og grófir, bæði í
framkomu og útliti. Og þeir eru það
enn í dag.
Höfuðpaurar hljómsveitarinnar,
og þá um leið rokksins alls, eru
Mick Jagger og Keith Richards. Þeir
hafa starfað saman alla lífdaga
sveitarinnar og virðist lítið draga af
þeim með árunum. Lifnaöarhættir
félaganna eru um margt sérstakir
þótt ekki hafi þeir fetað sömu braut-
ir. Hér á eftir fer lítið brot af þeim
sögum sem um þá hafa gengið.
jillinn er
hrekkjavaka
- „Þessir hrekkjavökubúningar eru
ekkert ógnvekjandi," sagði Keith Ric-
hards á tónleikaferð í San Francisco á
hrekkjavökunni. „Ég lít í spegil á
hverju kvöldi og það er regluleg
hrekkjavaka."
Keith er ekki fegursti maöur heims
og honum er það fyllilega ljóst. Það er
eins og hann hafi farið nokkrum sinn-
um til heljar en alltaf snúið aftur.
Hann hefur verið á ystu nöf í lífemi
sínu sem hefur ekki verið það sem
kalla má heilbrigt. Heyrst hefur að
hann fari einu sinni á ári til Sviss og
láti skipta um allt blóð í sér.
Sýningin sem Rolling Stones býður upp á er einstök upplifun enda er umbúnaöurinn fluttur á milli landa í tveimur stórum þotum. Þaö eru líka vanir menn
á sviðinu.
Aldnir hafa orðið
- Rolling Stones loks á leið til Islands
„Ég lít ekki á mig sem eitthvaö sérstakt," segir Keith Richards. „Ég er bara
ósköp venjuleg rokkgoösögn."
Keith er 55 ára gamall og er
óvirkur heróínneytandi og þykir
viskísopinn góður. Hann hefur líka
keðjureykt allt frá því hann var
unglingur. Eiturlyfjaneysla hans
hefur í gegnum tíöina verið með
þeim hætti að ótrúlegt má teljast að
hann skuli enn lifa. Á tónleikaferð
árið 1970 er sagt að hann hafi haft
eigin lækni með í fór. í áratug hafði
hann með sér á ferðalögum fýr sem
kallaður var Spænski-Tony og var
starf hans meðal annars að halda
utan um drjúgar birgðir af gæðaeit-
urlyfjum. Það er því ekki furða að
maðurinn skuli ekki líta út eins og
nýfermdur, fyrir utan það að hann
hefur örugglega ekki litið þannig út
þegar hann var nýfermdur.
Á síðustu árum hafa margar
rokkstjömur látist eftir ofneyslu eit-
urlyfja og má þar nefna John Mel-
voin í Smashing Pumpkins, Jerry
Garcia í Grateful Dead og Kristen
Pfaff i Hole. Hættan á því að smitast
af alnæmi með sprautunotkun og að
verða fyrir alvarlegum heilaskaða
vegna of stórra skammta er einnig
veruleg. En hvemig stendur þá á
því að maður, sem talinn er ofstopa-
maður í meðferð vímuefna, skuli
vera enn á lífi og einn fremsti núlif-
andi rokkarinn? Þessu er erfitt að
svara en Daryl Inaba, læknir við
Medical Rock i Bandaríkjunum, seg-
ir að þessu megi líkja við fangabúð-
ir. Sumir lifi af en aðrir ekki. Þetta
fari aUt eftir styrk einstaklingsins.
Elton John sagði fyrir skömmu
að Keith væri eins og liðagigtar-
sjúkur api á sviði. En málið er að
þessi api getur enn rokkað eins og
kóngur.
Lifnaðarhættir Micks Jaggers em
aðrir og betri. Hann er þekktur fyr-
ir að vera duglegur skokkari og al-
gjör heilsufæðisfrík. Á honum eru
hins vegar aðrar hliðar aðeins
furðulegri. Honum þykir gaman að
daðra við kvenleikann. Þá er ekki
verið að tala um samband hans við
konur en hann hefur til dæmis lent
í því að kona kom til hans og
spurði: „Á ég að setja hettuna í mig
núna eða viltu spjaila fyrst?“ Mick
hefur klætt sig kvenlega og hreyft
sig kvenlega.
Það væri ekki rétt að segja að
Mick væri „drottning" en hann hef-
ur þó alltaf lagt mikið upp úr því að
vera öðruvísi. Það birtist til dæmis
í því að á tónleikum árið 1969 kom
Mick fram í hvítum fötum af þáver-
Mick er heilsufæöisfrík og hrifinn af
kvenfatnaöi.
andi kærustu sinni, Marianne Fait-
hfull.
Sögur um klæðskiptingseðli hafa
einnig heyrst i sambandi við einka-
líf goðsins. Silki og satín á að
freista. í viðtali við Jerry HaU, konu
Micks, kom fram að silkinærfót
væru sameiginlegt áhugamál þeirra
hjóna. Hún gaf ekki út á það hvort
honum þóttu nærfötin flott á henni
eða sér. Mick á að hafa gaman af því
að fara í nærfatabúðir með spúsu
sinni. Eftir því sem vinir þeirra
segja þá er þess krafist í veislum í
franskri höll þeirra hjóna að klæð-
ast fötum af fólki af gagnstæðu
kyni. Mick er sagður hafa mest dá-
læti á netsokkabuxum.
Sviðsframkoma Micks er mjög
sérstök og lífleg. Hann er sagður
hafa lært mikið af Tinu nokkurri
Tumer i þeim efnum. Hann hefur
lýst tónleikaupplifuninni á þennan
hátt. „Það sem ég geri er cif kynferð-
islegum toga. Ég dansa og allur
dans kemur í stað kynlífs. Þetta er
mjög likt nektardansi. Það sem
kemur fólki úr jafnvægi er að ég er
maður en ekki kona. Ég finn
adrenalínið streyma um líkamann
og það er kynferðisleg upplifun.“
Það er kaldhæðnislegt að Mick
reynist vera svo mikil kona i sér þvi
að textar hans eru oftar en ekki
karlrembulegir og andkvenlegir.
Það er því merkilegt að hann skuli
vera að ræna þær fötunum.
Byggt á The Ottawa Citizen,
Scotland on Sunday, The Mail on
Sunday, The Economist, The
Washington Post og The
Independent -sm
íí-jbilsáTS orLtnfcaftfin

Til sölu
Starlsmannalélög og einshjklingar, alhugið.
Bjoönm npp á vandaöa heiisársbústaöi og
sumarbúsiaöalönd i skogiföxnu landi u.þ.b. 100
km. í'rá Reykjavík. Stuti i .jlla þjónustu.
n ollum þægindum, t.d. hitaveita,
ít vatn, verönd, heitur pottur o.fl.
uðmundsson byggingarmeistari
92 3742.