Dagblaðið Vísir - DV - 23.10.1999, Blaðsíða 12
12
LAUGARDAGUR 23. OKTÓBER 1999 DV
%t!önd
Indónesar vita ekki hvar þeir hafa nýja forsetann:
Gus Dur er of klár til
að vera stefnufastur
Þeir sem hitt hafa nýkjörinn for-
seta Indónesíu, Abdurrahman Wa-
hid, hafa stundum átt í erflðleikum
með að átta sig á því hvort hann sé
sofandi eða hvort liðið hafi yfír
hann. Forsetinn er nær blindur og
hefur tvisvar fengið heilablóðfall.
En nú í vikunni sýndi Abdurra-
hman að hann er sprelllifandi og
pólitískur töframaður sem tókst að
sigra alla keppinauta sína.
Fyrir nokkrum mánuðum var
hann ekki einu sinni frambjóðandi.
í síðustu viku var heldur ekki Ijóst
hvort hans eigin flokkur, Þjóðernis-
vakningarflokkurinn, sem hann
stofnaði fyrir þingkosningarnar í
júní, myndi styöja hann. En innan
undir hrörlegum umbúðunum er
maður sem tekist hefur að komast
áfram til æðstu valda án þess að
Erlent frétta-
Ijós
nokkur viti í raun hver afstaða
hans er eða hver markmið hans
eru.
Vald Abdurrahmans er reist á
stoðum íslömsku hreyfingarinnar
Nadhlatul Ulama sem sagt er að um
40 milljónir múslíma séu félagar í.
Þar sem Abdurrahman er leiðtogi
þessarar hreyfingar hefur verið
erfitt að ráðast gegn honum.
Árum saman gagnrýndi Abdurra-
hman Suharto, fyrrverandi einræð-
isherra Indónesíu, nægilega mikið
til þess að njóta virðingar andstæð-
inga Suhartos. Gagnrýnin varð þó
aldrei svo hörð að Suharto léti til
skarar skríða. Sagt er að dóttir
Suhartos, Tutu, sé enn einn stuðn-
ingsmanna Abdurrahmans. Ekki er
heldur langt síðan Abdurrahman
heimsótti Suharto í hús hans í mið-
borg Jakarta til þess að ræða félags-
legan og efnahagslegan vanda
Indónesíu.
Pólitísk refskák
Þeir sem fylgst hafa náið með
Abdurrahman lýsa honum sem
verðugum arftaka einræðisherrans
Suhartos í pólitískri refskák sem sá
síðarnefndi hafði náð fullkomnun í.
Aðalkeppinautur Abdurrahmans,
Megawati Sukarnoputri, fékk að
finna fyrir því síðastliðinn miðviku-
dag þegar hann hafði af henni for-
setastólinn í lokin. Abdurrahman,
sem sagður er vera vinur Megawati,
hélt í hönd hennar þegar niðurstaða
forsetakjörsins var kynnt. Það var
greinilegt hvað Megawati hugsaði
en á Abdurrahman Wahid sáust
varla svipbrigði.
Enginn þekkir hugsanir
Abdurrahmans
Og það er staðreynd að enginn
þekkir hugsanir nýkjöma forsetans.
En hann þykir nógu klókur til þess
að halda sig við miðjuna og gæta
þess að múslímar fái ekki meiri
völd. Er talið víst að það valdi mörg-
um þeirra vonbrigðum. Þó svo að
múslímar í Indónesíu séu hófsam-
ari í trú sinni en trúbræður þeirra í
Miðausturlöndum hafa sumir klerk-
ar gagnrýnt hugsjónir Abdurra-
hmans um sátt og samlyndi. Hann
svarar með því að segja gagn-
rýnendum sínum að lesa kóraninn
betur. í innsetningarræðu sinni
hvatti hann allar fylkingar til að
leysa ágreining sinn. Hann tjáði
einnig Megawati þakklæti sitt og
virðingu.
Hún sat svipbrigðalaus á meðan
en hvatti síðan alla Indónesa til að
Abdurrahman Wahid, eða Gus Dur, studdur úr ræðustól eftir að hann flutti innsetningarræðuna. Gus Dur er 59 ára,
nær blindur og heilsuveill eftir að hafa tvisvar fengið heilablóðfall. Gus Dur er sagður of klár til að vera stefnufastur.
Það veldur því að fólk veit aldrei hvar það hefur hann í stjórnmálunum. Símamynd Reuter
Safnar bröndurum og hefur
gaman af rokki
Abdurrahman hlaut menntun
sína í íslömskum fræðum í Egypta-
landi og írak. Áhugamál hans eru
fjölbreytt. Hann safnar bröndurum
og upptökum með níundu sinfóníu
Beethovens. Hann er almennt hrif-
inn af klassískri tónlist Vesturlanda
en hefur einnig gaman af rokki.
Uppáhaldsrokklagið hans er Me and
Bobby McGee sem Janis Joplin
söng. Fótbolti er einnig meðal
áhugamála nýja forsetans.
Indónesar dá Gus Dur ekki ein-
ungis vegna menntunar hans held-
ur einnig vegna annarra eiginleika:
Hann er talinn gæddur yfirnáttúr-
legum hæfileikum. Hann er stund-
um spurður ráða vegna þessara
meintu hæfileika. Og stundum
klára Indónesar úr vatnsglasinu
hans í því skyni að innbyrða anda
hans.
Smáauglýsingadeild DV er opin:
• virka daga kl. 9-22
• laugardaga kl. 9-14
• sunnudaga kl 16-22
Tekiö er á móti
smáauglýsingum
til kl. 22 til birtingar
nœsta dag
Ath.
Smáauglýsing í
Helgarblaö DV
þarf þó aö berast
okkur fyrir kl. 17
á föstudag
o\\t mil/l him/n.
- ■iii '•> Or
Smáauglýsingar
550 5000
sætta sig við niöurstöðu forseta-
kjörsins. Stuðningsmenn hennar
eru hins vegar reiðir. Margir segja
að þeim finnist Abdurrahman hafa
svikið Megawati. Hann hafi verið
bandamaður hennar, hvatt hana til
framboðs og lofað að styðja hana.
Vegna þess hversu oft Abdurrah-
man skiptir um skoðun segja
Indónesar oft í gríni að það sé
þrennt sem menn geti aldrei verið
öruggir um: lífið, dauðinn og Gus
Dur eins og Abdurrahman er kall-
aður. Margir spyrja sig spurningar-
innar sem er titill bókar er kom út
um hinn nýkjörna forseta í síðustu
viku: „Gus Dur: Hver ertu?“ Og því
betur sem fólk kynnist honum því
oftar spyr það.
Arief Buiman, telur að Abdurra-
hman hafi skaddast alvarlega við
það að fá tvisvar heilablóðfall.
„Hinn nýi Gus Dur er frábrugðinn
hinum gamla Gus Dur. Við getum
bara leyft okkur að vona að við fá-
um þann gamla. Það sem við getum
hins vegar búist við er sambland af
þeim báðum. Gerðir hans eru stund-
um ruglingslegar en ráðgjafar hans
verða að bæta það upp.“
Ritstjórinn Goenawan Mohamad
segir engan vafa leika á því að Gus
Dur sé skarpur. „Hann er mjög
klár. Það er hins vegar annað mál
hvort hægt er að treysta honum.
Hann er of klár til þess að vera
stefnufastur. Það veldur því að fólk
veit aldrei hvar það hefur hann í
stjómmálunum.“
Byggt á Washington Post,
Herald Tribune, DN o.fl.
Klár eða vitlaus?
Hátterni nýja forsetans og tíð
skoðanaskipti gera menn auðvitað
ráðvillta. Þaö er því ekki undarlegt
að menn spyrji hvort hann sé klár
eða vitlaus.
Þekktur stjórnmálafræðingur,
Megawati Sukarnoputri. Gus Dur hafði hvatt hana til framboðs og lofað að
styðja hana. Hann ákvað síðan að fara sjálfur í framboð.
BRIAN TRACY (j^felNTERNATlONAL
aViltu auka sjálfstraust þitt?
Auka velgengni og frama í starfi?
, Hækka velgengnismörk þín?
PHOENIX námskeið,
leiðin til hámarksárangurs, byggist á sannreyndum
aðferðum til aö láta drauminn rætast.
Næsta námskeið hefst miövikudaginn 27. okt. Kynningarfundur
mánudaginn 25. okt. á Hótel Loftieiðum, kl. 19.00.
Uppl. og skráning í sírna 896 5407.
Leiðbeinandi Ólafur Þór Ólafsson í samvinnu viö Innsýn.