Dagblaðið Vísir - DV - 25.11.2000, Blaðsíða 18

Dagblaðið Vísir - DV - 25.11.2000, Blaðsíða 18
18 LAUGARDAGUR 25. NÓVEMBER 2000 Helgarblað I>V Sveitaleg en engin síbylja Jim Carrey: Hugsar kannski of mikið Jim Carrey er einn dáðasti núlif- andi leikarinn og hefur komið gífur- legum fjölda fólks til að hlæja sem er auðvitað göfugt starf. Jim á líka kær- ustu sem margir þekkja að góðu einu, Renée Zellweger, sem lék með honum í Me, myself and Irene. Óþrjótandi velgengni og góð kærasta virðist samt ekki vera nóg fyrir leik- arann fyndna. Honum finnst eitthvað vanta og það reynir hann að vinna upp með þvi að tala mikið um alvar- lega hluti. Hann hefur í þeirri orð- ræðu gengið fram af mörgum í væmni og því sem sumir vtija meina að sé tilgerð. Hann segir að hann sé stöðugt að leita að einhverju meira og æðra. Hann segir að það sem hann fáist við þýði ekki endilega að hann finni hærri tilgang. „Ég trúi á mannsandann og hið góða og að ég sé fæddur til að vera fjósberi í alheimin- um," segir Jim sem var allt þetta og meira til í Dumb & Dumber. Hallgrímur Helgason Nú loksins þegar Reykjavík er orðin einhverskonar borg kemur upp hreyfing fólks sem vill „sveit í borg". Fólk sem tekur fjörur fram yflr hús, fugla fram yfir menn, pöddur fram yfir... já fram yfir allt annað. Samtökin „Sveit í borg" leggjast gegn byggð við Elliðavatn. Vinir Reykjavíkurflugvallar vilja vernda fuglalífiö í Vatnsmýrinni. Eftir- launaforstjórar í Arnarnesi leggjast gegn nýju bryggjuhverfi í Arnarnes- vogi. öll er þessi andstaða í nafni náttúruverndar sem er nýjasta ,já, einmitt mér fmnst það líka"-stefnan sem óhugsandi almenningur grípur jafnan fegins hendi úr kauphillum hugmyndafræðinnar þegar síðasta almennings-klisjan er úr sér gengin. Nú er það náttúran og þá einkum hið stórkostlega „lífríki" sem öllu skiptir. Ekki má ryöja hin stór- merkilegu þéttbýlissvæði einfrum- unganna til þess að reisa þar mannabústaði. Á Arnarnesinu, þessu stærsta VlP-herbergi landsins, búa nokkur hundruð manns í sínum rúmgóðu kjarnorkubyrgjum sem eru eins og flest úthverfi höfufborgarsvæðisins hönnuð með þaö í huga að setja sem minnstan svip á umhverfið. Arnarnesið sker sig þó fra öðrum gistirýmum suðvesturhornsins í því að það er lokað almenningi. (Síðasta partíið á Arnarnesi var haldið árið 1983.) En nú vakna hin- ir sómakæru íbúar upp við áform um að byggja heilt hverfi við bæjar- dyrnar hjá þeim, á uppfyllingu í hinum nú skyndilega dýrðlega Arn- arnesvogi þar sem ég man ekki eft- - Guðrún Halla Jónsdóttir, dagskrárstjóri Útvarps Suðurlands „Þegar ég tók við starfi dagskrár- stjóra heyrði ég fólk lýsa Útvarpi Suð- urlands þannig að það væri svolítið hallærislegt en heimilislegt. Ég var mjög sátt við þann stimpil og ákvað að þannig vildum við hafa útvarpið okk- ar. Við erum ekki síbyljustöð og ekki unglingaútvarp, heldur útvarp sem leggur áherslu á vandaða dagskrár- gerð og hlustendavæna tónlist." Þannig lýsir Guðrún Halla Jónsdótt- ir, dagskrárstjóri Útvarps Suðurlands, hinni smávöxnu útvarpsstöð sem hún hefur ásamt eigendum stöðvarinnar mótað síðustu þrjú árin. Útvarp Suður- lands er með bækistöðvar á Selfossi og hefur verið starfrækt samfleytt frá því í júní 1997 þegar komið var á fót af- mælisútvarpi vegna afmælis Selfoss- kaupstaðar. Viðtökurnar voru svo góð- ar að síðan hefur útvarpið ekki þagn- að. Hvar heyrist rödd okkar? „Að jafnaði heyrist rödd okkar ekki fyrir austan Vík í Mýrdal og ekki vest- an Hellisheiðar. En þegar við gegnum hlutverki Svæðisútvarps Suðurlands fyrir Rás 2 heyrumst við miklu víðar." DV hefur fyrir satt að á ákveðnum blettum í Reykjavík heyrist útsending- ar Útvarps Suðurlands ágætlega. Þannig megi stundum sjá bíla fulla af Sunnlendingum með heimþrá á bíla- stæði Kringlunnar, en þar nást send- ingar útvarpsins ágætlega. Útvarp Suðurlands starfar sem svæðisútvarp fyrir Ríkisútvarpið þrjá daga í viku og leggur aðaláherslu á dagskrárgerð en minna á fréttaþjón- ustu. Útvarp Suðurlands er eina óháða útvarpsstöðin á landsbyggðinni fyrir utan Frostrásina á Akureyri. Útvarp Suðurlands er í eigu Soffiu Sigurðardóttur frá Neistastöðum i Flóa, sem rak Útvarp Rót í árdaga út- varpsfrelsis á íslandi. „Okkar samstarf við RÚV er gott en við leggjum meira upp úr dagskrá en hin svæðisútvörpin, þar sem áherslan er meiri á fréttaflutning. Við höfum átt DV MYND E. ÓL. Guörún Halla Jónsdóttlr, dagskrárstjóri Útvarps Suöurlands Hún segir aö orb eins og „heimilisleg" og „hallærisleg" geti vel lýst dagskrár- stefnu stöövarinnar. mjög gott samstarf við svæðisútvarpið á Akureyri, bæði varðandi starfsþjálf- un og ráðgjöf." Eins og raddsterkur dvergur Ef allt er talið vinna 24 dagskrár- gerðarmenn að þáttagerð við Útvarp Suðurlands, en þar eru fjórir til fimm starfsmenn í fullu starfi. Á hlustunar- svæði útvarpsins búa um 20 þúsund manns en á góðum sumardegi tvöfald- ast sá hópur auðveldlega þegar hinar þéttu sumarhúsabyggðir Suðurlands eru þéttskipaðar, en á þeim svæðum nást sendingar útvarpsins einmitt af- bragðsvel. Þannig er liklegt að litla út- varpsstöðin á sléttunni við Ölfusá nái eyrum 40-50 þúsund manna þegar best lætur. Það mætti þess vegna líkja þeim „Þannig er líklegt að litla útvarpsstöðin á sléttunni við Ölfusá nái eyrum 40-50 þúsund manna þegar best lætur. Það mœtti þess vegna líkja þeim við gífur- lega raddsterkan dverg sem stendur á árbakkanum og hrópar svo heyrist um allt Suðurland." við gífurlega raddsterkan dverg sem stendur á árbakkanum og hrópar svo heyrist um allt Suðurland. Nú verour lesiö úr NJálu En hvað er það sem gerir dag- skrána sérstaklega sunnlenska? „Það er fjölmargt," segir Guðrún. „Ég er til dæmis sjálf með fastan þátt á hverjum morgni, frá 9-12, og þá hringi ég víða um Suðurland í net fréttaritara og þar koma fram í dags- ljósið margar fréttir af Suðurlandi. Á menningarlegu nótunum þá er Njála útvarpssagan okkar í mögnuðum flutningi Eyvindar Erlendssonar leik- stjóra. Við erum með okkar eigin barnatíma á hverjum degi sem 11 ára stúlka, Bergþóra Kristín Ingvarsdótt- ir, sér um. Við erum með vikulegan þátt yflr veturinn sem heitir Þing- málaspjall, þar sem rætt er við alla þingmenn Suðurlands um ástandið í stjórnmálunum. Við leyfum meira að segja Vinstri-grænum að taka þátt í því þó þeir eigi ekki þingmann á Suð- urlandi. Við erum með spurninga- keppni, þátt um sígilda tónlist, sam- talsþætti og margt, margt fleira sem við teijum góða dagskrárgerð." Þetta kunna Sunnlendingar að meta, því út- varpið á fastan sess i hlustunartækj- um starfsfólks í flestum stærstu fyrir- tækjum Suðurlands og í Vestmanna- eyjum. Gölli Valdason og Móelður Nú þekkja allir Kántríútvarp Hall- bjarnar Hjartarsonar á Skagaströnd og sérstætt lagaval hans. Eru Árni John- sen og Hljómsveit Þorsteins Guðmunds- sonar í sérstöku dálæti hjá ykkur sem sunnlenskir söngfuglar? „Þeir fá sannarlega sinn skerf. Við spilum mikið tónlist sunnlenskra lista- manna, bæði Áma Johnsen og annarra yngri og vinsælli tónlistarmanna. Við höfum sérstakt dálæti á listamönnum af Suðurlandi og leggjum áherslu á sunn- lenskan uppruna þeirra. Tómas Guð- mundsson er ekki borgarskáld í okkar augum. Hann er úr Grimsnesinu og M6- eiður Júníusdóttir er úr Flóanum og þannig mætti lengi telja. Allt sem er sunnlenskt er gott í okkar augum." Sveit í borg Hallgrímur Heigason skrifar "^^BHBBlCTMMa^. aS^^m^^m^^m^gagÆÍM ¦ "^¦HBIHH^P ^^^mp '«jifc,>- v '- ' \ BÉi^j j ¦> J^B . ¦ HBB • • •¦ Í*'VÍS • . . ¦"»• ''Tá?l-^S-"^^1^^. :-'i a'^.' ^ '- S^^^^^^^^^B ir að hafa séð mann á ferli og hef ég þó ekið þar 63.890 sinnum hjá. Kannski vilja þeir ekki styggja fugl- inn? Kannski vilja þeir bara getað horft á voginn úr eldhúsglugganum heima? Ætli það sé bara ekki heila málið? Fasteigendurnir í Mávanesinu þola ekki að friði þeirra og útsýni sé raskað og bera umhverfissjónarmið- in fyrir sig. Ekki má eyðileggja þessa „náttúruperlu í miðri höfuðborg- inni" eins og gömlu forstjórarnir kalla nú voginn sinn í Mogganum. Á íslandi eru 170.123 mýrar sem eru merkilegri en Vatnsmýrin. Á íslandi eru 1600 vogar sem jafn- ast fyllilega á við Arnarnesvoginn hvað fegurð og fuglalíf varðar. Vissulega er eftirsjá af öllum fal- legu mýrunum sem þöktu Manhatt- an-eyju hér áður fyrr. Og víst er að fuglalífið á bökkum Hudson-árinnar er ekki samt. Einhverstaðar verða samt vond- ir að vera. Og sjálfur er ég svo gam- aldags að vera þeirrar skoðunar að mannshöfuð á kodda sé merkilegra en mávur í fjoru. Afhverju? Jú. Ein- faldlega vegna þess að mávurinn er heimskari. Hann kann til dæmis ekki að lesa. Kæru vinir. Höfum ekki áhyggjur af send- lingi og lóu. Þau fínna sér aðra voga, aðrar mýrar. Og það eru jafn- vel til svo spilltar og úrkynjaðar kríur sem verpa í miðbæ Reykjavík- ur. Sveit í borg er tímaskekkja. Þvert á móti þarf að útrýma sem flestum „útivistarsvæðum" í borg- inni svo þessi fáu sem eftir væru yrðu þá notuð eitthvað. Það yrði þá kannski mögulegt að rekast þar á einhvern annan tvífætling. Skerja- fjörðurinn er miklu fallegri en Arn- arnesvogurinn vegna þess að þar er hægt að ganga eftir malbikuðum göngu- og hjólastig. Látum ekki náttúru-fasismann teyma okkur til þeirrar niðurstöðu að aðeins megi byggja á „ljótum" svæðum, svæðum sem fuglarnir líta ekki við. Góðir ís- lendingar. Gerum okkur ekki að annars flokks þjóðfélagsþegnum í þessu landi okkar sem er hvort sem er ekki annað en ein stór sveit. Látum nú af þessari minnimátt- arkennd gagnvart náttúrunni. Hvers vegna eru nýju hverfin svona sviplaus? Vegna þess að þau eru hönnuð með það fyrir augum að setja sem minnstan svip á umhverf- ið. Þau eru hönnuð með það í huga að falla inn í það. Þau samanstanda af húsum sem þora ekki að viður- kenna að þau séu hús. Fallegasta tjörn á íslandi er Tjörnin í Reykjavík. Vegna þess að við hana standa falleg hús (mínus Ráðhúsið sem er á röngum stað). Þau standa þar í röð meðfram Tjarnargötunni, stolt og ánægð yfir því að vera tví- og þrílyft og fá að spegla sig í Tjörninni á kvöldin þeg- ar allir þreyttu og smekklausu arki- tektarnir eru sofhaðir inní þeim. (Þeir sem byggja öðrum martraðir búa sjálfir í draumi). Þessi hús voru byggð á þeim tíma þegar menn voru ennþá stoltir af verkum sínum en skömmuðust sín ekki fyrir þau gagnvart hinum mikla náttúruguði sem nú er tignaður hvað sem það kostar og er ekkert annað en ný stokka-og-steina-trú. Húsin í Tjarn- argötunni eru glæsileg umhverfis- spjöll. Reykjavíkurtjörn er sú tjörn landsins sem skartar mestu fuglalífi. Væri ekki fallegt að sjá stoltar nýjar (og háar!) blokkir á bökkun- um umhverfis Elliðavatn? Með pró- menöðum og bátabryggjum, kaffi- húsum og hestastígum allt í bland. Vissulega verður fallegt að sjá nýtt bryggjuhverfi rísa í Arnarnesvogi. Bryggjuhvefið sem nú er að rísa í Grafarvogi er sannarlega ferskasta skipulagshugmynd síðustu ára. Það reynir ekki að fela sig innan um trjágróður og grillstróka heldur þor- ir að raska umhverfinu. Hættulegustu andstæðingar Reykjavíkur eru Reykvíkingar. Frekjukynslóðin kennd við '68 er loksins búin aö koma sér almenni- lega fyrir og þá má ekkert lengur byggja, hvorki fyrir framan né aftan húsið hennar, og allra síst fyrir út- sýnið. Hún vill bara hafa hlutina eins hún vill hafa þá. Og ef hún býr við Laugaveginn þá beitir hún til þess lögfræðiklækjum. Ef hún býr við vatn eða vog er það „lífríkið" sem ekki má raska. Borg er borg. Borg verður aldrei sveit.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.