Dagblaðið - 11.12.1978, Síða 5

DAGBLAÐIÐ. MÁNUDAGUR 11. DESEMBER 1978.
KjaramálaráðstefnaSjómannasambandsins:
Skorar á sjómenn að róa ekki eftir
5
áramótin
—ef viðunandi f iskverð liggur ekki fyrir
—telja sig hafa dregizt 14% aftur úr öðrum
Kjaramálaráðstefna Sjómanna-
sambands íslands samþykkti á laugar-
daginn að skora á sjómenn að ráða sig
ekki i skipsrúm eftir áramótin nema
viðundandi fiskverð liggi fyrir. Telja
sjómenn sig nú um 14 prósent verr
launaða en annað landverkafólk
miðað við sólstöðusamningana i fyrra.
Staða þeirra nú er orðin alveg
ámóta og þegar mikill hluti flotans
‘sigldi til lands í mótmælaskyni i
október 1975. 1 kjölfar þeirra
mótmæla var sjóðakerfið margfræga
skorið upp, m.a. með þeim
afleiðingum að sjómenn þurftu þá að
afla mun færri tonna til að ná afla-
tryggingu. Það þýðir að mun fyrr en
áður fengu þeir umframhlut.
Síðan þá hefur þróunin jafnt og þétt
verið fjölgandi tonn upp i trygginguna
og eru þau nú ámóta mörg og 1975,
Taki sjómenn almennt undir þessa á-
skorun munu aðgerðir aðallega bitna á
'vertíðarflotanum, en laun sjómanna á
honum hafa einmitt verið rýrust und-
anfarin ár og ekki von á bótum miðað
við spár fiskifræðinga.
I samtali við DB í gær sagði Óskar
Vigfússon, formaður Sjómannasam-
bandsins, að sjómenn eins og aðrir
gerðu sér grein fyrir verri stöðu
þjóðarbúsins nú en var 1975. Hins
vegar teldu þeir sig ekki eina eiga að
taka á sig skert kjör miðað við aðra til
að reyna að rétta þann hlut. Einnig
væru launahækkanir ekki orsök
verðbólgu heldur afleiðing.
Óskar sagði einnig að þessi áskorun
væri alls ekki pólitísks eðlis, enginn
væri annars bróðir þegar að gullinu
kæmi, og þann dag, sem hann gæti
ekki starfað að málefnum sjómanna
óháður stjórnmálalegum öflum, hætti
hann.
-G.S.
Slæmt ástand vega á Snæfellsnesi:
Fjármagn Vegagerðarinnar
dekkar aðeins 50-60% af
viðhaldsþörfinni
„Það er nú yfirleitt þannig að
mönnum finnst grasið grænna hjá ná-
grannanum,” sagði Hjörleifur Ólafsson
hjá Vegaeftirliti ríkisins, er DB bar undir
fréttir frá Snæfellsnesi þess .efnis að
ástand vega væri þar mjög bágborið og
mun verra en víðast hvar á landinu.
„Við vildum gjarnan hefla mun meira
en við gerum,” sagði Hjörleifur, „en við
getum það ekki. Þegar það fjármagn sem
okkur er úthlutað gerir ekki meira en að
dekka 50—60% af viðhaldsþörfinni, þá
er augljóst að það segir til sin einhvers
staðar.”
Auðunn Hálfdánarson, umdæmis-
tæknifræðingur í Borgarnesi, tók mjög í
sama streng og sagði: „Við erum búnir
með allt viðhaldsfé, þannig að við
höldum alveg að okkur höndum. Við
gerum ekki meira en að halda akfæri,
enda komnir 4—5 milljónir fram yfir
það fjármagn sem við höfum til umráða.
Okkur er úthlutað fé eftir ákveðnum
reglum en hér er viðhaldsjxirfin meiri
en víðast hvar þar sem hér eru svo fáir
nýir vegir.”
DB hefur fregnað að ástandið sé ekki
sizt slæmt i nágrenni Grundarfjarðar, á
milli Grundarfjarðar og Ólafsvíkur og
milli Hellissands og Ólafsvíkur. Þegar
snjóarnir voru sem mestir var mokað á
þriðjudögum og föstudögum og virtist
það vera föst regla að moka á þessum
dögum og engum öðrum. Annan daginn
var mokað frá Ólafsvik til Grundar-
fjarðar en hinn daginn frá Grundarfirði
til Ólafsvíkur, þannig að Ólafsvíkingar
komust aldrei til Stykkishólms, öll leiðin
varaldrei fær í einu.
í Grundarfirði er enginn læknir og
verða íbúarnir þar að sækja sína
þjónustu til Stykkishólms. Þangað er
stundum ófært dögum saman og þvi
alveg óvíst hvað yrði ef alvarlegt slys
ætti sér stað. 1 Grundarfirði búa
rúmlega 800 manns en oft eru þar
nálægt 1000 manns á vertiðinni. -GAJ-
öjörgunarsveitin
Kópa vogsbúar!
fomriðiólatréðW
Kópavogí
Opið virka daga frá kl. 13—22, um |
heigar f rá kl. 10-22.