Dagblaðið - 12.10.1981, Qupperneq 9

DAGBLAÐIÐ. MÁNUDAGUR I2.0KTÓBER 1981.
d
I
Erlent
Erlent
Erlent
Erlent
I
REUTER
I Kolsýringur
OLAFUR EINAR
FRIÐRIKSSON
en
nikótín
Thatcher í
Afghanistan
Margaret Thatcher forsætisráðherra
Bretlands kom í stutta heimsókn til
Pakistan í síðustu viku. í samfloti
með Zia-Ul Haq, forseta Pakistan,
gerði hún sér ferð að afgönsku landa-
mærunum og heilsaði þar upp á af-
ganska landamæraverði, sem að sögn
tóku henni fagnandi. Thatcher þótti þó
vissara að fara meðan þeir voru enn
með brosið á andlitinu, að eigin sögn.
Thatcher gagnrýndi harðlega innrás
Sovétmanna í heimsókninni og sagði að
eina lausnin sem til greina kæmi væri
að allt sovézkt herlið yrði kallað burt úr
landinu. Myndi hún sjálf ekki unna sér
hvíldar fyrr ensvoværi.
í nýlegri grein í brezka læknatíma-
ritinu The Lancet er greint frá því að
niðurstöður rannsókna hafi leitt í ljós
að kolsýringur valdi frekar hjartasjúk-
dómum hjá reykingamönnum en
nikótín. Rannsóknin var sett af stað
til að komast að því hvers vegna
pípureykingamönnum væri ekki hætt-
ara við hjartasjúkdómum heldur en
þeim sem ekki reyktu, þar sem þeim
sem reyktu sígarettur var margfalt
hættara við þeim sjúkdómum. Vísinda-
menn komust að því að pípureykinga-
menn höfðu mikið hærra hlutfall af
niktótíni í blóðinu en sígarettu-
reykingamenn, en þeir síðarnefndu
hins vegar tvöfalt hærra kolsýrings-
magn. Þetta stafaði af því að
pípureykingamenn tóku líklega meira
niktótín inn í gegnum háræðakerfið í
munninum en drógu ekki eins djúpt að
sér reykinn. Af þeirri ástæðu töldu
vísindamennirnir að pipureykingar
væru ekki eins skaðlegar.
Castro sést ekki f ram-
ar með havana vindlana
Hinn mikli vindlareykingamaður og
leiðtogi Kúbumanna, Fidel CasU"o,
tilkynnti í gær að stjórn sín myndi
innan skamms hefja baráttu gegn
reykingum í landinu. Castro sagði við
fréttamenn að því miður myndi hann
ekki geta látið af þessum vana sjálfur,
en framlag sitt yrði á þann veg að hann
kæmi ekki til með að reykja á almanna-
færi í framtíðinni.
Castro viðurkenndi að ímynd sín
sem aðdáanda góðra havana-vindla,
hefði hjálpað til við að auglýsa hinn
mikilvæga tóbaksiðnað Kúbu, sem
gæfi af sér ómetanlegar gjaldeyris-
tekjur. En nú myndi hann ekki sjást
með slíka vindla framar, þar sem það
væri í andstöðu við víðtæka heil-
brigðisáætlun stjórnarinnar, sem m.a.
fæli í sér baráttu gegn reykingum.
Þegar Castro talaði við frétta-
mennina voru, aldrei þessu vant, engir
vindlar sem stóðu upp úr brjóst-
vasanum á hermannajakkanum hans.
Með svona forláta havana-vindil mun
Castro vist ekki sjást framar þar sem
hann mun nú leggja meira upp úr
auknu heilbrigði landsmanna sinna en
að auglýsa tóbaksiðnaðinn.

Tala vændiskvenna i Osló vex stððugt og eru þær nú um 700. Eru þær á óllum
aldri, þær yngstu allt niður 110 ára. Flestar vændiskonurnar eru eiturlyfjasjúkl-
ingar, áfengissjúklingar eða hvort tveggja. Talið er að meðalmánaðartekjur vænd-
iskvenna séu um 40.000 nkr. Þær lifa I heimi ofbeldis þar sem misþyrmingar og
jafnvel morð eru tlð. Meðalverðið á drætti er 300 nkr. Norðmenn hafa að vonum
þungar áhyggjur af þessari miklu fjölgun vændiskvenna og hafa nú skipað sér-
staka nefnd til að leggja fram tillögur til úrbóta.
Dublin vill sættir milli írska lýðveldisins og N-íriands:
FORSÆTISRÁDHERRA
LEGGUIVT1L BREYT-
INGAR A LÖGUM OG
STJORNARSKRÁNNI
Forsætisráðherra írlands, Garret
Fitzgerald, sagði í gær að hann vildi
rétta út sáttarhönd til mótmælenda á
N-írlandi með tillögum varðandi
laga- og stjórnarskrárbreytingar í
írska lýðveldinu.
Dr. Fitzgerald lýsti í þingræðu í
gær áætlunum sínum í sambandi við
að draga úr trúaráhrifum í irska lýð-
veldinu og ná þannig sættum við
mótmælendur í brezkum héruðum
sem eru á móti sameinuðu írlandi.
Hann sótti líka að írska lýðveldis-
hernum (IRA) sem berst gegn brezkri
stjórn á N-Írlandi. Hann sagði að
bæði mótmælendum og kaþólskum
væri ógnað af byltingarhreyfingu
sem vildi koma á einræði hersins á ír-
landi.
Hann lagði til að felldar verði úr
stjórnarskrá lýðveldisins kröfur til N-
írlands og sagði að með breytingum á
stjórnarskránni mætti ryðja úr vegi
öllu þvi sem hindrar samkomulag.
Hann sagði ennfremur að Bretland
væri farið að sýna skilning á vanda-
málunum í N-írlandi og væri þess
vegna tími til kominn að Dublin færi
aðdæmi þeirra.
— Við viljum rétta norðrinu sátt-
arhönd, sagði hann. — Og við viljum
að norðrið þiggi hana.
Dr. Fitzgerald sagði að þótt stjórn-
in í Dublin áliti að Bretar hefðu
stjórnað N-írlandi illa vonaðist hann
til að Bretar og Dublinstjórnin gætu
unnið saman að bættri stjórnmála-
stefnu.
Dr. Fitzgerald hefur áður talað um
að hann vildi breytingar á lögum sem
endurspegla afstöðu kaþólskra til
hjónaskilnaða og getnaðarvarna. Til-
lögur hans hafa hingað til verið harð-
lega gagnrýndar af kaþólskúm leið-
togum og stjórnarandstöðunni í irska
lýðveldinu og talsmenn mótmælenda
á N-írlandi hafa tekið þeim fremur
fálega.
Dr. Fitzgerald, þáverandi utanrfkisráðherra írlands, ræðir við Gcir Hallgrims-
son.
EIGENDUR
SPARID
BENSIN
LAT1D STILLAOCYHR-
FARA Bl'LINN
FYRIR VETURINN
1. Vélarþvottur. 10. Skipta um kerti og platínur.
2. Ath. bensín, vatns- og olíuleka. 11. Tímastilla kveikju.
3. Ath. hleðslu, rafgeymi 12. Stilla blöndung.
og geymissambönd. 13. Ath. viftureim.
4. Stilla ventla. 14. Ath. slag í kúplingu og bremsupedala.
5. Mæla loft í hjólbörðum. 15. Smyrja hurðalamir.
6. Stilla rúðusprautur. 16. Setja silikon á þéttikanta.
7. Frostþol mælt. 17. Ljósastilling.
8. Ath. þurrkublöö og vökva 18. Vélarstilling með nákvæmum
á rúðusprautu. stillitækjum.
9. Ath. loft og bensínsíur.
Verö meö söluskatti kr. 549,00. Innifaliö í verði: Platínur, kerti, ventlaloks-
pakkning og frostvari á rúðusprautu.
Þér fáiö vandaða og örugga þjónustu
hjá sérþjálfuðum fagmönnum
MAZDA verkstæöisins.
Pantiö tíma
81299.
símum: 81225 og
BÍLABORG HF
Smiöshöföa 23.