Árbók Landsbókasafns Íslands - Nýr flokkur - 01.01.1994, Blaðsíða 39

ÞJÓÐARBÓKHLAÐA
39
bókhlaðan fengi helming hinnar óskiptu upphæðar. Reyndin varð
þó önnur, því að henni var skipt í þrennt: bókhlaðan fékk 45
milljónir, framkvæmdir við Bessastaði 40 milljónir og Þjóðleikhús-
ið 65 milljónir. Leikhúsið hafði þó á árinu 1990 fengið 127
milljónir úr sjóðnum, er efnt var til samkvæmt lögunum um
Þjóðarbókhlöðu og endurbætur menningarbygginga, og til fram-
kvæmda á Bessastöðum var ráðstafað 202 milljónum króna og þær
skrifaðar á umræddan sjóð eftir fjárlögum fyrir árið 1990 að
dæma. Hefði því mátt ætla, að bókhlaðan yrði á árinu 1991 látin
sitja fyrir sjóðsfénu, eins og lög segja til um, en frekari fram-
kvæmdir við Þjóðleikhús og á Bessastöðum fjármagnaðar með
öðrum hætti. En enn var vegið í sama knérunn, 180 milljónir
króna látnar hrökkva úr sjóðnum til umræddra framkvæmda.
Enginn virtist nú muna lengur eftir eldri skattinum, eignar-
skattsaukanum, sem lagður var á 1987-89 og renna átti alfarið til
Þjóðarbókhlöðu. Álagningin nam alls þessi þrjú ár 684 milljónum.
Af honum hafði innheimzt í árslok 1989 kr. 501 milljón, en þar af
hafði bókhlaðan fengið 244 milljónir, eins og áður segir. Hefði
mismunurinn verið verðbættur samkvæmt lánskjaravísitölu til
ársloka 1989, hefði inneign byggingarsjóðsins hjá ríkissjóði þá
numið kr. 313.090.000. Horfur voru á, að á árinu 1990 mundi
innheimtast nær 50 milljónir til viðbótar af eignarskattsauka
áranna 1987-89, svo að enn jókst það fé, sem byggingarsjóðurinn
átti þarna inni.
Sótt var í nóvember um heimild til að láta bjóða út 11. áfanga, en
samstarfsnefnd um opinberar framkvæmdir, er fjallar um slík
mál, kaus að bíða átekta, unz séð yrði, hver yrði lokaniðurstaða
Qárlaga fyrir árið 1991.
Háskóli íslands óskaði eftir að mega kynna starfsemi sína í
Þjóðarbókhlöðu 11. marz, og var veitt leyfi til þess, jafnframt því,
að sætt var færi til að kynna málefni bókhlöðunnar.
Tölvufræðinemar við Háskólann fengu leyfi til að halda mikla
tölvukynningu í bókhlöðunni dagana 3.-7. október. Nokkur þús-
und manns komu í bókhlöðuna í hvort sinn.
Þá stóð Bókvarðafélag íslands fyrir kynningu nýrra bóka í
bókhlöðunni 1. desember, og lásu höfundar þar upp úr ritum
sínum. Tilefni þessarar kynningar var 30 ára afmæli félagsins 4.
desember.
Þá er þess að geta, að Umhverfisráð Reykjavíkur tilkynnti á
afmælisdegi borgarinnar 18. ágúst 1990, að það hefði ákveðið að