Árbók Landsbókasafns Íslands - Nýr flokkur - 01.01.1994, Blaðsíða 43

ÞJÓÐARBÓKHLAÐA
43
verka munu ganga yfir á árið 1994, en öðrum var lokið að kalla á
árinu 1993, svo sem uppsetningu þéttiskápa í kjallara, en við
tilkomu þeirra reyndist unnt að hefja flutning efnis úr bókhlöðu-
söfnunum í hina nýju byggingu og létta þannig ögn á í hinum
miklu þrengslum, er þau hafa búið við svo lengi.
Fjárveiting ársins 1993 var 338 m. króna, og í fjárlagafrumvarp-
inu fyrir árið 1994 var gert ráð fyrir 340 m. króna eða öllum
eignarskattsaukanum, eins og hann var áætlaður í frumvarpinu.
Snemma á árinu 1993 bað byggingarnefnd Þjóðarbókhlöðu
ríkisendurskoðanda að láta kanna, hversu háttað hefði verið
fjárveitingum úr sjóðum þeim tveim, er stofnaðir voru til fram-
dráttar byggingu Þjóðarbókhlöðu, sjóðnum um þjóðarátak til
byggingar Þjóðarbókhlöðu og sjóðnum samkvæmt lögum um
Þjóðarbókhlöðu og endurbætur menningarbygginga. Ríkisendur-
skoðandi fól Sveini Arasyni að vinna verkið, og sendi hann
byggingarnefndinni og jafnframt menntamálaráðuneytinu
minnisgreinar um málið. Byggingarnefndin túlkaði þær greinar í
bréfí, er það ritaði menntamálaráðuneytinu 4. júní 1993. Umrætt
bréf verður nú birt hér að mestu, þótt sumt sé þar endurtekning
þess, er áður segir í skýrslu þessari um fyrrnefnda sjóði. En þar
koma þó fram atriði til viðbótar, sem rétt er að halda hér til haga,
svo sem um lánsfjárlögin 1990 og 1991.
Bréfíð til menntamálaráðuneytisins, er formaður byggingar-
nefndar tók saman í samráði við Egil Skúla Ingibergsson fram-
kvæmdastjóra nefndarinnar, var svohljóðandi:
„Þar sem yður hafa verið send minnisatriði þau um Byggingar-
sjóð Þjóðarbókhlöðu og Endurbótasjóð menningarbygginga, er
ríkisendurskoðandi fól Sveini Arasyni að taka saman fyrir tilmæli
byggingarnefndar Þjóðarbókhlöðu, leyfum við okkur hér með að
leggja út af umræddum minnisatriðum á eftirfarandi hátt:
Við teljum eðlilegt að líta á hvorn sjóðinn fyrir sig. Samkvæmt
könnun Sveins Arasonar voru í fjárlögum 1987-89 veittar 185 m.
kr. til Þjóðarbókhlöðu, en fjárheimild reyndist þessi ár 244 m. og
117 þús. kr. Af eldra skattinum innheimtust árin 1987-89 500 m.
og 966 þús. kr. og eftirstöðvar því 256 m. og 836 þús. kr.
Á árunum 1990-92 innheimtust af eldra skattinum 90 m. og
316 þús. kr. til viðbótar, svo að eftirstöðvar hans voru þá alls
orðnar 346 m. og 152 þús. kr., sé honum haldið aðskildum, eins og
hér er gert, en miðað við, að fjárveitingar til Þjóðarbókhlöðu frá og