Frjáls verslun - 01.03.1978, Síða 55

Samdráttur í sjónvarps
auglýsingum á Islandi
Sjónvarpið ekki jafn sterkur auglýsingamiðill
vegna þess að áhorfendum hefur fækkað
Framleiðslukostnaður orðinn mjög hár
Mikill samdráttur hefur orð-
ið í sjónvarpsauglýsingum á
Islandi á undanförnum tveim-
ur árum. Fyrir þann tíma juk-
ust þær mjög ört, á árunum
1974 og 1975. Enginn veit með
vissu hvað veldur þessu, en
vafalaust valda örar verðhækk-
anir á auglýsingum í sjónvarpi
nokkru ium. Til dæmis meira en
tvöfaldast verð á þeim á tíma-
bilinu frá 1. nóvember 1973,
þegar mínútan kostaði 23 þús-
und krónur, til 1. nóvember
1975, er mínútan hækkar í 52
þúsund krónur.
Þrátt fyrir þetta aukast aug-
lýsingar mjög ört og hraðar en
verður hækkar. A árinu 1973
námu þær 37,8 milljónum, á ár-
inu 1974 65,5 milljónum og á
árinu 1975 128,8 milljónum.
1. marz 1976 hækkar verð á
auglýsingum um 50% í 76 þús-
und krónur mínútan. Senni-
lega hefur mælirinn þá verið
fullur, því að á árinu nema
auglýsingar í sjónvarpi aðeins
155,9 milijónum og aukast því
frá fyrra ári um aðeins 27,1
milljónir. Sama þróun heldur
áfram 1977, en það ár verða
auglýsingar sjónvarpsins 168
milljónir króna og aukast
því aðeins um 12,1 milljón
króna.
Auður Óskarsdóttir, auglýs-
ingastjóri sjónvarpsins segist
ekki kunna skýringar á þess-
um breytingum. Hún segir þó
að aukningar hafi orðið á síð-
ustu mánuðum, frá áramótum.
Verð á sjónvarpsauglýsingum
var í október 1976 84 þúsund
krónur hver mínúta, og hækk-
aði ekki fyrr en í október 1977
í 102 þúsund krónur á mínútu.
Hér er um miklu minni hækk-
anir að ræða en nemur hækkun
annars verðlags í landinu. Verð-
ur því að teljast fróðlegt, ef
hægt væri að gera sér grein
fyrir hvað veldur þessum sam-
drætti.
Ymsir hafa nefnt að fram-
leiðslukostnaður á auglýsinga-
myndum sé orðinn mjög hár.
Menn nefna mjög mismunandi
tölur, enda fer kostnaður eftir
mörgu. Það breytir miklu hvort
myndin er leikin, hvaða þulur
er fenginn, hvort tónlist er ný
eða af plötum, hvort mikið er
af útitökum og fjölmargt fleira
mætti nefna.
Auður Óskarsdóttir, auglýs-
ingastjóri, segist hafa orðið
þess vör, að verð á auglýsinga-
myndum þyki hátt. Hún segir
að þrátt fyrir það fari hlutfall
íslenzkra mynda vaxandi og
hafi gert það allt frá byrjun.
Hún bendir á að auglýsinga-
verð sjónvarpsins sé nú mun
lægra en það var í upphafi, en
þá var miðað við að mínútan
kostaði álíka mikið og heil-
síða i dagblaði. Þær reyndust
ekki útgengilegar á því verði
og voru því lækkaðar úr 12
þúsund krónum í níu þúsund
og síðar aftur í 12 þúsund kr.
mínútan.
Varla verður um annað að
ræða en ágiskanir, þar til hér
verða gerðar athuganir á áhrif-
um sjónvarpsauglýsinga og á
því, hversu stór og hvernig
lagaður áhorfendahópur sjón-
varpsins er. Margir þeirra sem
auglýsa mikið telja að sjón-
varpið sé ekki jafn sterkur aug-
lýsingamiðill og áður einfald-
lega vegna þess að sjónvarps-
áhorfendum hefur fækkað.
i.< tT** *y Í* M ** •»*»>«. •
Auglýsingaþjónustan gerði þessa opnuauglýsingu í lit fyrir sér-
rit. Þar fer saman falleg hönnun og ítarlegar upplýsingar.
FV 3 1978
55