Frjáls verslun - 01.07.1978, Blaðsíða 73

JL-húsifl rekur útibú
í Stvkkishólmi
Hluti vöruúrvals JL-hússins í Stykkishólmi.
í skemmtilegu húsi í Stykkis-
hólmi er til húsa verzlun JL-húss-
ins. Þetta er eins konar útibú JL-
hússins í Reykjavík og í eigu þess
fyrirtækis. Verzlunarstjóri í Stykk-
ishólmi er Hrafnkell Alexanders-
son. Hann sagði í viðtali við
Frjálsa Verzlun að JL-húsið hefði
keypt húsnæðið í Stykkishólmi
fyrir tveimur árum. Þá var hús-
gagnaverkstæði þar til húsa.
Rekstri þess hefur nú verið hætt á
þessum stað og vélarnar seldar
öðru fyrirtæki í Stykkishólmi.
Þess í stað var í fyrra opnuð í
húsinu verzlun, sem að sögn
Hrafnkels hefur á boðstólum allar
þær vörur sem boðið er upp á í
JL-húsinu í Reykjavík. „Það sem
við ekki liggjum með hér getum
við pantað með stuttum fyrirvara,"
sagði Hrafnkell.
Að sögn hans gengur verzlun-
arrekstur sem þessi furðuvel í
ekki stærra byggðarlagi. „Við er-
um hér með húsgögn, Ijós og
heimilistæki. Verzlunarsvæði
okkar er hér út Nesið og inn í Dali.
Við ætlum að halda upp á eins árs
afmæli búðarinnar með því að
stækka verzlunarhúsnæðið að
miklum mun. Hér er um 300 fer-
metra gólfflötur og möguleikar því
miklir. Ekki er endanlega ákveðið
hvaða vöruflokkum verður bætt
við, en gjafavörur og byggingar-
vörur eru ofarlega á biaði,“ sagði
Hrafnkell Alexandersson að lok-
um.
73