Frjáls verslun - 01.10.1978, Síða 53

Lýsi og mjöl út —
iönaöarvogir inn
Að minnsta kosti eitt
fyrirtækjanna, sem
staðsett eru í Sunda-
borg í dag, stundar
útflutning samhliða
innflutningi. Það er
Ólafur Gíslason hf.
Framkvæmdastjóri
þar er Richard Hann-
esson og átti Frjáls
verzlun stutt rabb við
hann
„Segja má að við séum hér með
sambland af öllum þáttum versl-
unar,“ sagðl Richard Hannesson.
„Það er innflutning, umboðssölu
og útflutning. I innflutningi er
stærsti þátturinn vogir. Annars
vegar frá A. V. Avery í Englandi, en
hins vegar frá SKanvægt í Dan-
mörku. Ber þar hæst hjá okkur
nýjar elektróniskar vogir, sem nú
eru að koma í frystihúsin. Til að
valda ekki misskilningi er rétt að
taka fram að við erum sérstaklega
með iðnaðarvogir."
Kynna nýja flutningapoka
,,Auk þess erum við með björg-
unarbáta, skjalaskápa, sprengi-
efni, heimilistæki og fleira. Sér-
staklega vildi ég einnig geta þess,
að við erum nú að kynna þessa
nýju flutningapoka, það er Porta-
Bulk sekkina, sem tekiö geta allt
að 1000 kíló. Tel ég vafalaust aö
þeir eigi eftir að gera gott gagn
hér. Til dæmis við flutning á áburði
og fleiru.
í útflutningi erum við með fiski-
mjöl og lýsi. Við höfum gott sam-
band við verksmiðjur sem fram-
leiða liðlega helming landsfram-
leiðslunnar í mjöli og þá um leið
lýsi. Við höfum verið heppnir með
samskipti við framleiöendur, en
þessi útflutningur er ótrúlega flók-
ið mál.
Mest flytjum við út til Englands,
Finnlands og raunar Póllands líka.
Hins vegar erum við nú búnir að
tryggja okkur sambönd, sem opna
möguleika á nýja markaði."
Sölumenn starfa sjálfstætt
„Hvað varðar fyrirtækið sjálft,
þá vinnum við hér tíu. Við störfum í
þrem söludeildum og vinna sölu-
mennirnir sjálfstætt allt í sambandi
við sín verk. Bera þeir þá jafnframt
ábyrgðina. Annars er ekkert um
það að segja, nema að samstarfið
er mjög gott og þetta er starfsfólk,
sem auðvelt er að starfa með.
Öðru vísi gengi það heldur ekki.“
53