Frjáls verslun - 01.03.1979, Blaðsíða 9

Salome Þorkelsdóttir, hreppsnefndarfulltrúi
og varaoddviti Mosfellshrepps var á síðasta
aðalfundi samtaka sveitarfélaga í Reykjanes-
kjördæmi, SASÍR, kjörinn formaður samtak-
anna og framkvæmdastjóri þeirra fyrst um sinn.
Er það í fyrsta sinn að kona er kosin formaður
landshlutasamtaka hér á landi.
SASÍR eru stærstu landshlutasamtök sveit-
arfélaganna á landinu, en sjö sveitarfélög eiga
aðild að þeim. Eru það Kópavogskaupstaóur,
Garðabær, Seltjarnarneskaupstaður, Mos-
fellshreppur, Bessastaðahreppur, Kjalarnes-
og Kjósarhreppur. í þessum sveitarfélögum eru
búsettir um 25 þúsund manns. Á þessum fundi
gengu sveitarfélögin á Suðurnesjum úr SASÍR,
og stofnuðu eigin samtök, samtök sveitarfé-
laga á Suðurnesjum, SSS.
Hlutverk Salome sem formanns SASÍR er
m.a. að boða til og stjórna stjórnarfundum, og
vakir fyrir stjórninni að gera samtökin virkari en
verið hefur. Helsta hlutverk SASÍR er að vinna
aö sameiginlegum verkefnum þeirra sveitarfé-
laga er eiga aðild að samtökunum.
Salome Þorkelsdóttir er fædd 3. júlí 1927 í
Reykjavík. Hún nam við Kvennaskólann í
Reykjavík, starfaði um tíma á skrifstofu í
Reykjavík, og bjó um hríð austur í Biskups-
tungum. Frá 1948 hefur Salome verið búsett í
Mosfellssveit.
[ hreppsnefnd Mosfellshrepps hefur Salome
setiö sem aðalmaður frá 1966, en 1962-66 var
hún varamaður. Varaoddviti hefur hún verið frá
1974. Auk þess að vera í hreppsnefnd starfar
Salome á skrifstofum Mosfellshrepps sem
aðalgjaldkeri, en þar hefur hún starfað um 10
ára skeið.
Þorsteinn Magnússon, viðskiptafræðingur
hefur verið ráðinn skólastjóri Bankamanna-
skólans í fullt starf. Þorsteinn er ekki ókunn-
ugur starfi skólans, því hann hefur kennt þar á
reiknivélar frá upphafi. Aðalstarf Þorsteins var
kennsla við Verslunarskóla Islands, þar sem
hann kenndi hagnýtar viöskiptagreinar, aöal-
lega bókfærslu.
Bankamannaskólinn hefur verið starfræktur í
tæp 20 ár. Haldin eru að jafnaði tvö nýliða-
námskeið á ári, þriggja mánaða námskeið, en
um hundrað manns sækja þau að meðaltali á
ári. Á námskeiðunum eru kenndar ýmsar
bankanámsgreinar s.s. almenn bankafræði,
um innlán, útlán, gjaldeyrismál og verklegar
greinar.
Nú er í undirbúningi að halda framhalds-
námskeið næsta skólaár, sem standa í sex til
tólf mánuði, og jafnhliða þeim sérnámskeið
fyrir bankamenn s.s. gjaldkera, gjaldeyris-
deildir og fl. Um 1500 manns hafa verið í
Bankamannaskólanum frá upphafi.
Þorsteinn Magnússon er fæddur 17. október
1933 í Reykjavík. Hann lauk stúdentsprófi frá
Verslunarskólanum árið 1955, og prófi í við-
skiptafræðum frá Háskóla (slands árið 1963.
Aö loknu viðskiptafræðiprófi hóf hann
kennslustörf við Verslunarskóla íslands. Auk
þess hefur hann kennt við ýmsa aðra skóla á
námskeiðum t.d. við viðskiptadeild Háskóla ís-
lands, Stjórnunarfélag íslands, Bréfaskólann
og Einkaritaraskólann.
Þorsteinn hefur á seinni árum starfað mikið
fyrir yfirvöld menntamála við skipulagningu
viðskiptabrauta í framhaldsskólum og hinum
nýju fjölbrautarskólum. Hann hefur einnig
unnið að samningu kennslubóka í verslunar-
greinum.