Frjáls verslun - 01.03.1979, Blaðsíða 51

Japanskt flutningasklp tekur frystar
loðnuafurðlr í íslenzkri höfn. Á loðnu-
vertíð í vetur hefur mikið verið fryst af
loðnuhrognum og verðmæti afurðanna
þar með aukið mikið.
flytjendur hafi jafnan opin augu
meö nýjum sölumöguleikum í
Japan. Það er trú mín, að nýir
markaðir fyrir útflutningsafurðir
okkar muni opnast í Japan í vax-
andi mæli á komandi tímum, bæði
á sviöi útflutnings sjávarafurða og
iðnaðarvara.
F.V.: Hvernig er að semja við
Japani og hvernig er innflutn-
ingsverslun þeirra skipulögð?
Stefán: Ég hefi ekki reynslu af
því, að eiga í samningum af neinu
tagi við Japani. En það er sam-
róma álit þeirra, sem sagt hafa mér
frá reynslu sinni í þeim efnum, að
þeir séu hinir traustustu í viöskipt-
um. Þeir munu vera einstakir í því,
hversu fljótir þeir eru til í öllum
samskiptum á sviði verslunarvið-
skipta, svo sem eins og að svara
bréfum, símskeytum, telexskeyt-
um o.þ.h. Það má segja, að það sé
þeirra viðskiptamáti. Alkunna er,
að Japanir eru taldir mjög vinnu-
söm þjóð. Um það þarf ekki aö ef-
ast, þegar litið er til þess stórkost-
lega árangurs, sem þeim hefur
auðnast að ná á hinum fjölmörgu
sviðum efnahags- og viðskiptalífs
á liðnum árum.
Um skipulag innflutningsversl-
unarinnar er þaö helst að segja, að
stærsti hluti viðskiptanna yfirleitt,
er í höndum mjög stórra en fárra
verslunarfyrirtækja, svonefndra
„trading companies“. Lang stærst
þessara eru fimm talsins. Skipulag
þeirra byggist á einkaframtaks-
grundvelli, líkt og gerist í Banda-
ríkjunum og löndum Vestur--
Evrópu. Ekki munu þó íslenskir
útflytjendur skipta alfarið viö þau í
verslun sinni við Japan.
F.V.: — Er Japan erfiður mark-
aður fyrir íslendinga að starfa á?
Eru verndaraðgerðir Japana ill-
yfirstíganlegur þröskuldur fyrir
útflytjendur á (slandi?
Stefán: — Japansmarkaöur er
erfiður fyrir íslendinga að því leyti,
að hann er svo fjarlægur landi
okkar. Það er kostnaðarsamt aö
eiga viðskipti við Japani miðað við
lönd, sem næst eru íslands. Þar
koma til atriði, eins og flutnings-
kostnaður og aðrir skyldir út-
gjaldaliðir. Aftur á móti er mark-
aöurinn hagstæöur hvað það
snertir, að Japanir eru ákaflega
þróuð viðskiptaþjóð á öllum
sviðum.
Verndaraögerðir í Japan gagn-
vart innflutningi eru vissulega til
staðar. En þróunin hjá þeim, eins
og hjá svo mörgum öðrum þjóð-
um, hefur verið sú, að draga veru-
lega úr innflutningshömlum og
öðrum verndaraðgeröum þegar á
heildina er litið. Um skeið torveld-
uðu innflutningshöftin eðlilegan
innflutning til Japan frá íslandi.
Eins og sakir standa er ekki vit-
að til að slíkar hömlur í einstökum
tilfellum ráði úrslitum um, að ekki
sé hægt að selja fleiri útflutnings-
afurðir héðan á Japansmarkað.
49