Frjáls verslun - 01.08.1979, Síða 65

Patreksfjörður:
,,Það er óhætt að segja að hér
eru mörg járn í eldinum um þessar
mundir", sagði Úifar B. Thorodd-
sen, sveitarstjóri á Patreksfirói.
Meðal framkvæmda þetta árið
eru skólabygging, nýr grunnskóli,
sem veróur í tengslum við gamla
skólahúsið, sem var orðið allt of
lítið, tvísetið og um margt óþénugt,
enda þótt það sé aðeins 15 ára
gamalt. Varið er 40 milljónum til
framkvæmdanna þetta árið. Fyrir
það fæst ekki nema sökkullinn og
þlatan. Þeir reikna með að þetta
verði minnst fjögurra ára verkefni,
en þá eiga Patreksfirðingar líka
nýtízkulega skólabyggingu þar
sem yngri borgararnir verða upp-
fræddir næstu áratugina.
Fyrir enn yngri bæjarbúa er ver-
ið að reisa dagheimili og er mein-
ingin að það verði tilbúið um
næstu áramót. Heimilið á að rísa í
Króki við Strandgötuna.
Vinnuafl skólafólks kemur sér vel
Unga fólkið i leyfum frá skólan-
um hefur í sumar lagt stórt lóð á
vogarskálar atvinnulífsins á
staðnum. Heilsársfólkið hefurfarið
í frí, en börn og unglingar vinna af
kappi við vinnslu aflans sem á land
berst. Langstærsti vinnuveitandi
Patreksfjarðar er Fiskvinnslan
Skjöldur með eitthvað á annað
hundrað manns í vinnu, en Hrað-
frystihús Patreksfjarðar er einnig
stórt í sniðum og veitir um 70
manns vinnu. Skjöldur tekur við
aflanum frá Guðmundi frá Tungu,
en það er skuttogari og hét áður
Trausti Sigurðsson og var gerður
út frá Suðureyri.
Byggja blokk
Hafnarframkvæmdir eru víða úti
um landsbyggðina nokkurskonar
eilífðarmál. Á Patreksfirði hefur
innsiglingarrennan veriö talin var-
hugaverð. Nú hefur hún verið
breikkuð og dýpkuð. Og við höfn-
ina er verið að byggja yfir nýja og
nútímalegri hafnarvog, það verk
mun kosta um 40 milljónir króna
og ætti aö komast í gagnið bráð-
lega.
Á vegum sveitarfélagsins er
verið að byggja átta íbúða blokk-
arhús, hver íbúð er með sérinn-
gang og er á tveim hæðum. ,,Eftir
næsta ár ættum við að geta farið
að sinna þeim sem hingað vilja
flytja. Húsnæðiseklan hefur komið
að mestu í veg fyrir slíkt hingað
til ', sagði Úlfar B. Thoroddsen,
sveitarstjóri að lokum.
65