Frjáls verslun - 01.01.1980, Síða 13
ordspor
Geysilegur hagnaður varð hjá bönkunum
á síðasta ári. Sagt er að samanlagt hafi
bankakerfið skilað 5 milljörðum króna í
hagnað og sé hann langfyrirferðarmestur
hjá Landsbankanum. Því er svo bætt við
að skattar til hins opinbera af banka-
starfseminni nemi um 80 milljónum. Af-
koma einstakra bankastofnana er mjög
mismunandi. Útvegsbankinn, sem hefur
þurft að axla þungar byrðar með fyrir-
tækjum í sjávarútvegi er ekki vel staddur
en hins vegar er Landsbankinn svo stór
aðili í lánveitingum til sjávarútvegsins að
hagnaður hans myndi enn aukast veru-
lega ef ástæða þætti til að breyta eitthvað
lánskjörum hjá sjávarútveginum m.a. til
að bæta nokkuð stöðu Útvegsbankans.
•
Ástandið í afkomu Þjóðviljans er ekki
eins glœsilegt og hjá sumum bönkunum.
Heimildarmenn okkar í útgáfustjórn
Þjóðviljans telja að hallinn á rekstri
blaðsins hafi numið milli 60—70 milljón-
um króna í fyrra. Eins og hjá Flugleiðum
er œtlunin að hagrœða í rekstri Þjóðvilj-
ans og hafa okkur borizt spurnir af upp-
sögnum b/aðamanna, sem hafa leitað lið-
sinnis forystumanna í verkalýðsfélögum
til að treysta stöðu sína í viðureign við
blaðstjórnina. Þá mun það hafa verið rœtt
í mikilli alvöru að fœkka útgáfudögum
Þjóðviljans, þannig að blaðið verði aðeins
gefið út fimm daga í viku.
Starfsmenn ýmissa tölvuvæddra fyrir-
tækja og stofnana ræddu sameiginleg
vandamál ekki alls fyrir löngu. Þar var
m.a. vikið að því áhyggjuefni sumra, að
fyrirtæki sem geyma upplýsingar sínar
inni á sameiginlegri tölvumiðstöð gætu
„flett“ upp í upplýsingum hvert hjá öðru
eða hagrætt reikningum annarra stofn-
ana, ef sá væri gállinn á mönnum. Fær-
ustu tölvuhausar landsins hafa fullyrt, að
þetta væri útilokað. Hins vegar mun einn
af starfsmönnum Reykjavíkurborgar
hafa afsannað þá staðhæfingu. Svo er
sagt, að hann hafi í gegnum tölvustöð á
skrifstofu sinni komizt inn á reikninga
Gjaldheimtunnar hjá Skýrsluvélum rík-
isins og Reykjavíkurborgar og bætt
nokkrum milljónatugum við útsvarið hjá
fyrirsvarsmönnum Gjaldheimtunnar —
svona rétt til að sýna að þetta væri hægt.
•
Ólafi Ragnari Grímssyni verður sjaldan
orðfall. Þó gerðist það á klíkufundi hjá
Alþýðubandalaginu ekki alls fyrir löngu.
Menn voru saman komnir við borð í
fundaherbergi bandalagsins á Grettisgöt-
unni og Ólafur flutti eina af sínum löngu
og gáfulegu rœðum. Á borðinu lá opið
umslag og í miðjum rœðuflutningnum fór
Ólafur að fitla við það. Hann hélt áfram
máli sínu en fór svo að kanna innihald
bréfsins. Ekki gerði Ólafur hléámáli sínu
fyrr en hann hikstaði svolítið og þagnaði
svo þegar hann hafði lesið orðsending-
una. Þetta var þá jóla- og nýárskort til
þeirra Ólafs og annarra samherja. Og
undir stóð: Með kveðju. Ykkar einlœgur,
Yassir Arafat.
•
Og úr því að við erum að fjalla um
kommana er ekki úr vegi að rifja upp
gang mála, þegar Ragnar Arnalds var
kjörinn formaður þingflokks Alþýðu-
bandalagsins. Lúðvík Jósefsson sat
þingflokksfund og gerði tillögu um
Ragnar í formannsembætti. Þá stakk
einn af varamönnum úr Reykjavík upp á
Svavari Gestssyni. Viðbrögð Lúðvíks
voru ákaflega einföld: „Það er líka gerð
tillaga um Svavar. Ragnar verður þá for-
maður.“ Málið afgreitt.
13