Frjáls verslun - 01.06.1980, Blaðsíða 19

spóla eftir kerfum. Þarkemurfram,
að 80% biðja um VHS-kerfið, 12%
um Beta og 8% um ýmis önnur.
Innan Beta-kerfisins eru sex
merki mest áberandi. Meðal þeirra
eru t.d. Sony, Sanyo, Toshiba og
Fisher. Af Beta-tækjum eru um
75% frá Sony. Talsmenn Sony
segja að sala á tækjum þeirra hafi
aukizt árlega um 10% á Banda-
ríkjamarkaði síðustu þrjú árin.
Merki innan VHS eru 17 talsins þar
á meðal JVC, Sharp, Hitachi, Akai,
Panasonic, Nordmende og Fergu-
son. Einn af sölumönnum VHS—
kerfis tækja sagði blaðinu, að
framleiðsla á myndsegulbands-
tækjum í Japan yrði á þessu ári
70% VHS-kerfi en 30% Beta. Hlut-
fallið í fyrra hefði verið 6 á móti 4
fyrir VHS. Framleiðendur VHS--
tækja hefðu bent á þessa styrku
stöðu sína með blaðaauglýsing-
um, sem m.a. hefðu birzt hér. Þar
hefði áherzla verið lögð á að 17
nafnkunn fyrirtæki framleiddu
tæki innan VHS-kerfis en 6 innan
Beta-kerfis. „Þessari staðhæfingu
hefur hvergi verið mótmælt nema
auðvitaö hér á íslandi þar sem
menn vita allt betur en allir aðrir“,
sagði þessi talsmaður VHS.
Hvað sem líður samkeppni
hinna tveggja kerfa, er Ijóst að þau
verða ekki lengur tvö um hituna,
því að eins og áður segir er nú rétt
hafin kynning á Philips-kerfinu,
sem nefnt er Video 2000. Og hvaö
er það nú, sem Philips telur sig
geta boðið væntanlegum kaup-
endum myndsegulbandstækja og
skáki þar með keppinautum, sem
fyrir eru á markaðnum?
Jú, það er lengd myndsegul-
bandsspólunnar. Hún er aðalat-
riðið hjá Philips og ekkert aukaat-
riði hjá þeim, sem þurfa að fjár-
festa í spólum innan hinna kerf-
anna. Spólulengdin hjá Philips er
bylting. Hver spóla dugar til upp-
töku í samfellt 8 klukkutíma, fjóra
tíma hvoru megin, því að Philips—
spólunni má snúa við. Eins og
sölumaður hjá Heimilistækjum,
umboðsaðila Philips-tækja hér á
landi, sagði: ,,Hugsið ykkur bara:
16 þættir af Prúðuleikurunum á
einni spólu.“
Lengsta spólan á VHS-kerfinu
gengur í 3 klukkutíma og lengsta
Beta-spólan 3 klst. og 20 mín.
Spólukaup eru verulegt peninga-
Framboð á vinsælu myndefni á vegum innflytjenda myndsegulbandstækja er
að miklu leyti ráðandi um val fólks á tækjum.
spursmál fyrir eigendur myndseg-
ulþandstækja því að þriggja tíma
spólan á VHS kostar allt aö 40 þús,
krónur, lengsta spólan á Beta um
35.000. Umboðsmenn Philips
reikna með að 8-tíma spólan
þeirra kosti 45 þús. krónur. Þess
ber að geta, að verð á myndsegul-
bandsspólum er hér mjög breyti-
legt eftir merkjum. Þannig eru
fáanlegar VHS-spólur, þriggja
tíma fyrir 26 þús. krónur, en ann-
ars staðar kosta þær 40 þús.
Verðmunurinn er ekki sagður
endurspeglast í áberandi meiri
gæðum. Annað hvort er um óhag-
kvæm innkaup að ræða eða að
svigrúm til frjálsrar álagningar er
notað svona vel, þar sem verðið er
hæst. Ekkert atriði er aö spólan sé
með sama merki og tækið sjálft.
Innan sömu kerfa ganga mismun-
andi merki af spólum á ólík merki
af tækjum. Fróðir menn telja að
beztu gæðin séu á spólum frá
viðurkenndum segulbandsfram-
leiðendum eins og TTK eða BASF.
Það eru ekki aðeins Philips—
verksmiðjurnar sjálfar, sem ætla
að nýta Video-2000 í myndsegul-
bandaframleiðslu sinni. Þetta kerfi
er af framleiðendum kallaö
„Evrópu-kerfið". Verksmiðjurnar,
sem nú hafa tekið upp framleiðslu
á tækjum fyrir Video-2000 eru
sumir af kunnustu sjónvarpsfram-
19