Frjáls verslun - 01.06.1980, Blaðsíða 52

„Góð og hröð afgreiðsla,
vönduð og falleg vara”
— segir Björn Guðmundsson,
forstjóri hjá Ásbirni Ólafssyni
„Okkar viðskipti byggjast ein-
ungis að litlu leyti á Norðurlönd-
um“, sagði Björn Guðmundsson,
forstjóri hjá Ásbirni Ólafssyni h.f.
„Hins vegar get ég sagt það hreint
út, að við mundum gjarnan vilja
auka viðskiptin við þessar þjóðir.
Ástæðan er sú að iðnaðarvara alls
konar frá Norðurlöndunum, eink-
um þó Danmörku og Svíþjóð er
ákaflega vönduð, skemmtilega
hönnuð og virðist falla vel að
smekk okkar og kröfurn", sagði
Björn.
Björn kvað Ásbjörn heitinn
Ólafsson hafa verslað við fyrirtæki
á Norðurlöndunum frá því að fyrir-
tækið var stofnað fyrir 42 árum.
Reynslan af þeim viðskiptum heföi
alltaf verið góð. Afgreiðsla gengi
hratt og vel fyrir sig sem væri stórt
atriði í viðskiptum.
Ásbjörn Ólafsson h.f. er ein rót-
grónasta heildverslun landsins og
býður upp á margvíslegri vörur og
vöruflokka en flestar aðrar heild-
verslanir landsins.
Þannig flytur Ásbjörn Ólafsson
h.f. inn frá 8 norskum fyrirtækjum,
ávaxtasafa frá Elgsæter Fabrikker,
pappírsvörur frá Folke W. Edman,
hnífa frá Helle Fabrikker, stálbús-
áhöld frá Mjölni, stálbúsáhöld frá
Polaris, plastbúsáhöld frá Vest
Norske, panel og viðarþiljur frá
Trysil og vogir hverskonar frá
Aanonsen-Jærnvarefabrik.
Frá Svíþjóð berast fyrirtækinu
m.a. hitamælar allskonar frá Filiþ
Lindén og búsáhöld úr tré frá Wi-
beco. Frá Finnum má nefna
gúmmískófatnað og strigaskó frá
Nokia, kerti frá Orion og plastbús-
áhöld frá Sarvis.
Helsta viðskiptaland Ásbjarnar
Ólafssonar á Norðurlöndunum er
þó Danmörk. Þaðan hafa verið
flutt inn húsgögn frá nokkrum
verksmiðjum, en sá innflutningur
hefur minnkað mjög í séinni tíð,
kopar og messing gjafavöru fá þeir
frá Erik Frederiksen, mynda-
ramma frá Fabrikken M.L., ferða-
töskur frá Geolet, plastslöngur frá
Hjört Plastic, rafhlöður frá Helle-
sens, potta og pönnur frá Jensen
& Bierregard, matvöru frá Mai-
zena-Knorr, plastbúsáhöld frá
Rosti Plastic, eldhúshnífa frá
Ginge Raadvad. Þá hefur inn-
flutningur á sælgæti frá Toms
aukist að miklum mun að undan-
förnu eftir að innflutningur var
gerður rýmri á þeirri vöru. Þó kvaö
Björn ekkert geta skyggt á vinsæl-
asta sælgætið á markaðnum síð-
asta aldarfjórðunginn, Prins Póló
— súkkulaðikexið frá Póllandi.
Loks flytur fyrirtækið inn skartgripi
frá Flora Danica.
„Þetta síðastnefnda, skartgrip-
irnir frá Flora Danica sanna ef til
vill mest og best hvað Danir eru
hugkvæmir og frumlegir. Þarna
nota þeir lifandi plöntur, vinna þær
með sérstökum aðferðum og húða
fyrst með sterling-silfri, en gull-
húða síðan með 24 karata gulli.
Þetta hefur orðið stór iðnaður hjá
þeim og selt um allan heim."
Björn kvaðst oft hafa heyrt þess
getið í sínum hópi að Danir seild-
ust til umboðsmennsku fyrir Norð-
urlöndin á einu og öðru. Kvað
hann þetta mjög bagalegt. Pyrir-
tæki sitt hefði að vísu aldrei lent í
erfiðleikum vegna þess arna, en
dæmin væru þó mörg. ,,Við reyn-
um að sjálfsögöu að spyrna viö
fótum gegn þessari þróun, enda
verður þetta til þess að hækka
vöruverð hér og hlýtur að gera
vöru sem þannig þerst okkur
ósamkeppnisfæra á markaði hér.
Við leggjum hins vegar alla
áherslu á að kaupa af framleið-
endum erlendis beint og milliliða-
laust. Við gerum okkur grein fyrir
því að við verðum að kaupa hag-
stætt erlendis, ef við eigum að ná
árangri á markaði hér,‘‘ sagði
Björn Guðmundsson að lokum.
52