Frjáls verslun - 01.06.1980, Blaðsíða 59

L-
Wæðisins
„Lega Kópavogs á höfuðborgarsvæðinu er alveg
einstaklega góð. Bærinn liggur svo að segja alveg
miðsvæðis. Ef tekinn er sirkill og oddur hans settur
þar sem Hamraborgin er, þá kemur í Ijós að innan
þess hrings sem stærstur er dreginn utan um
höfuðborgarsvæðið, rúmast meginhluti byggðar-
innar. Ég held að aðeins Seltjarnarnes og Mos-
fellssveit lendi utan við hann.“
Svo segir Skúli Norðdal for-
stöðumaður skipulagsstofu Kópa-
vogskaupstaðar í viðtali við Frjálsa
verslun. Það ersíðuren svo orðum
aukið hjá Skúla, að Kópavogur sé
miðdepill höfuðborgarsvæðisins.
Um Kópavog ligguraðauki einn sá
fjölfarnasti þjóðvegur landsins,
brautin sem tekur við af Kringlu-
mýrarbrautinni og liggur um
Garðabæ og Hafnarfjörð og til
Keflavíkur.
Kópavogur er annar stærsti bær
landsins á eftir Reykjavík, en
þar skilur á milli hans og annarra
kaupstaða af svipaðri stærð, að
Kópavogur fór ekki að byggjast að
ráði fyrr en upp úr 1950. Saga
bæjarins er afskaplega stutt enda
þótt nafn hans hafi virðulegan
sess í sögu þjóðarinnar, þar sem
Kópavogsfundurinn 1662 er, en
þá voru íslendingar neyddir til
þess að afsala sér öllum sínum
réttindum samkvæmt Gamla sátt-
mála frá því 1262.
í lengri tíma var Kópavogur
aðeins svefnbær. Hann fékk að
vísu kaupstaðarréttindi 1955, en
engu að síður var lítið um fram-
leiðslu eða þjónustu og breyting
varð þar ekki á fyrr en kom fram á
seinni hluta sjöunda áratugsins og
þess áttunda.
Það einkenndi Kópavog, að þar
var varla hægt að komast leiðar
sinnar. Götur voru lengi vel ómal-
bikaðar, gangstéttir voru engar og
vegfarendur gátu átt von á því að
lenda þegar minnst varði inni í
blindgötu og komast ekki þaðan út
aftur.
Miklar breytingar
Þessi lýsing heyrir nú fortíðinni
til. Kópavogur þykir með myndar-
legri kaupstöðum landsins.
Vesturbærinn er lágreistur, ein-
býlishús eru þar í miklum meiri-
hluta. Þar lýtir þó byggðina iðn-
aðarhverfið með suðurströnd
Fossvogs.
Austurhluti bæjarins er talsvert
háreistari og ber þar mest á há-
hýsunum við miðbæinn og austast
í bænum. Að öðru leyti eru fjór-
býlishús eða minni hús algengust.
Iðnaður, verslun og önnur þjón-
usta er þarna mikil og jafnvel hafa
opinber fyrirtæki flutzt til Kópa-
vogs.
Nýmæli í Kópavogi
Nýlega fluttist bílasala Eggerts
frá Reykjavík yfir í Kópavog.
Rekstur sinn hóf bílasalan í hús-
næði því, sem áður var Skódaum-
boðið. Þetta er rúmgóður sýning-
arsalur þarna í Auðbrekkunni. Á
neðri hæðinni verður bifreiða-
verkstæði, sem koma mun til með
aö hafa meðmæli Félags íslenskra
bifreiðaeigenda. Þar verða allir
bílar sem inn í bílasöluna koma at-
hugaðir og síðan lagt á þá sann-
gjarnt mat eftir ástandi bílsins.
Einnig verður bónstöð í húsinu,
þar sem eigendur geta tekið bíla
sína í gegn, áður en þeir skilja þá
eftir í sýningarsal eða fyrir utan

59