Frjáls verslun - 01.06.1980, Blaðsíða 33

Þegar gætir verulegs sam-
dráttar í sölu á íslenskum
fiskafurðum í Bandaríkjun-
um. Almenningur þar í landi
sækir ekki veitingastaði,
þar sem boðið er upp á ís-
lenskan fisk, í sama mæli
og áður. Söiutregðan er
ekki úr sögunni, því...
Það kann að virðast dálítið mót-
sagnakennt, að á sama tíma og
okkur berast fréttir um að allt sé á
hraðri leið norður og niður á
mörkuðum okkar fyrir hraðfrystan
fisk í Bandaríkjunum stendur
sölufyrirtæki Sambandsins vest-
an hafs í stórframkvæmdum og er
að stækka fiskréttaverksmiðju
sína í Harrisburg um meira en
helming og ver til þess um fimm
milljónum dollara.
Iceland Seafood Corporation,
en svo nefnist hið bandaríska
fyrirtæki Sambandsins eftir nýlega
nafnbreytingu, mun Ijúka þessari
framkvæmd í þrem áföngum á
þessu ári. Fyrst er það rannsókn-
ar- og þróunardeild meö fullkom-
inni framleiðslulínu fyrir tilrauna-
starfsemi í fiskréttagerð. í öðrum
áfanga er frystigeymsla með
kældu hleðslurými og aðstöðu
fyrir 10 vöruflutningabfla. Sjálf
fiskréttaverksmiðjan er í síðasta
áfanga og verður hún væntanlega
fullbúin íoktóber. Þegar hún hefur
að fullu verið tekin í notkun verða
afköst verksmiðjunnar þreföld á
við það, sem nú er og framleiðslu-
línur 8—10 í stað fjögurra, sem nú
eru notaðar.
Hvenær hjólin fara að snúast í
þessum nýju framleiðslulínum er
óhægt að spá um á þessu stigi og
allt bendir til þess að einhverjar
tafir verði þar á í Ijósi síðustu frétta
af samdrætti í fisksölu á Banda-
ríkjamarkaði. En þessi fram-
kvæmd undirstrikar þó þá stað-
reynd að íslenzku fyrirtækin þar
eru ekkert að leggja upp laupana
þótt móti blási í bili en vilja búa í
haginn og vera fullbúin að takast á
við vaxandi verkefni þegar úr
rætist.
Guðjón B. Ólafsson, fram-
kvæmdastjóri lceland Seafood
Corporation sagði að verðbólgu-
þróunin í bandarísku efnahagslífi
og almennur samdráttur í neyzlu
væri höfuðorsök þess vanda, sem
fiskseljendur stæðu nú frammi
fyrir. Afkoma hefði stórlega versn-
að hjá mikilvægum fiskkaupend-
um eins og tilteknum veitinga-
staðakeðjum, þar sem viðskipti
hefðu í sumum tilvikum minnkað
um 10—15% á skömmum tíma.
Samdráttur í fisksölum var 7% í
fyrstu viku júní og búizt er við allt
að 15% samdrætti á öllu árinu.
Samkvæmt spám tölfræðistofn-
unarinnar Data Resources Inc. í
Bandaríkjunum eru alls ekkert
bjartir tímar framundan. Þvert á
móti. Ástandið á enn eftir að
versna það sem eftir er af þessu
ári. Atvinnuleysi mun fara vaxandi
á síöari helmingi ársins en síðan er
gert ráð fyrir að ástandið skáni á
öðrum ársfjórðungi 1981. Þegar
atvinnuörygginu er ógnað byrjar
fólk vestan hafs að spara verulega
við sig. Bandaríkjamenn hætta þá
að kaupa með afborgunum eða
taka lán til að fjárfesta. Og það
sem kemur verst við hag íslenzka
þjóðarbúsins: Þeir éta heima hjá
sér en fara ekki út aö borða. Þessu
valda meðal annars örar verð-
hækkanir á benzíni, sem er nauð-
synlegur aflgjafi til aö komast á
veitingastaði við veginn.
Data Recourses Inc. gerir ráð
fyrir að Bandaríkjamenn muni í
sumar og haust draga svo úr
neyzlu sinni utan heimilis að þeir
kaupi 6,5% færri máltíðir á veit-
ingastöðum en verið hefur nú að
undanförnu. Þetta kemur mjög
harkalega niðurá rekstri fiskrétta-
Ástandið á enn
eftir að versna
33