Frjáls verslun - 01.03.1981, Blaðsíða 46

Prjónafatnaðurinn nýkominn upp úr kössunum í Lux-
emborg. Tízkusýningarstúlkurnar Auður Haraldsdóttir
og Hlíf Hansen ganga úr skugga um að ekkert vanti.
— Hvernig verður svona sýning til? Hver á frum-
kvæðið?
Sveinn: Tildrögin geta verið með ýmsum hætti,
þegar farið er af stað með kynningar eða vörusýn-
ingar erlendis. í þessu tilviki var það hótelið, sem
sýndi áhuga á að kynna íslenzk matvæli og auövitað
tengdist sá áhugi hagsmunum Flugleiða og flugsins
milli (slands og Luxemborgar. Annars getur þetta
gerzt á ýmsan hátt. Oftast eru það útflytjendur eða
Flugleiðir, sem eiga frumkvæðið.
— Hér á að bera fram íslenzkan mat og sýna ís-
lenzkar ullarvörur. En það verða líka íslenzk batik-
listaverk á veggjum hér meðan matvælakynningin
stendur. Er íslenzk list orðin útflutningsvara?
Hilmar: Þessi listkynning getur tæpast flokkast
undir beina utanríkisverzlun. Hún er frekar ætluð til
aö gefa kynningunni aukinn menningarlegan blæ.
Þetta er í sjálfu sér ekki nýmæli. í fyrra voru fengnir
tveir íslenzkir listamenn til að sýna myndverk sín á
matvæla- og vörukynningu, og almennri landkynn-
ingu sem fram fór í nokkrum borgum í Frakklandi.
Annars má bæta því við um undirbúning þessarar
kynningar hér í Luxemborg, að ætlunin var að halda
„Hvað elgum vlð að kalla hana á ensku?“ spyr lista-
konan Sigrún Jónsdóttir um leið og hún virðir fyrir sér
eina af batikmyndum sínum ásamt Sveini Björnssyni,
viðskiptafulltrúa sendiráðsins í París.
hana í október. Málinu var svo slegið á frest vegna
óvissunnar um framhald flugs Flugleiða hingað. Og
það eru aðeins um tvær vikur síðan endanlegar dag-
setningar lágu fyrir.
— Það er ekki langur fyrirvari. Var hægt að gera
kynninguna þannig úr garði, á þessum stutta tíma,
að menn megi vel við una?
Hulda: Auðvitað er þetta skammur tími og nokkur
hraðsuða á þessu fyrir bragðið. Það var kannað,
hvort grundvöllur væri fyrir stærri vörusýningu í
tengslum við matvælakynninguna hér á Aerogolf. Við
höfðum þá í huga verzlunarmiöstöðina La Belle
Etoile. Slíku var þó ekki hægt að koma í kring með svo
skömmum fyrirvara en við höfum góð orð þeirra í
verzlunarmiðstöðinni um að íslenzk vörukynning geti
farið þar fram næsta haust, t.d. í október.
— Er Luxemborg góður markaður fyrir íslenzkar
útflutningsafurðir?
Sveinn: Það ætti að vera hægt að selja ullarvör-
urnar hérna. Vetrarveður eru ekki óþekkt hér um
slóðir. Það hefur eitthvað verið um prjónavörur að
heiman í þessari verzlunarmiðstöð og þess vegna
gæti vörukynningin stutt það framtak, sem þegar
hefur verið reynt í markaðsmálunum hér.
— Hvaða skilyrði þurfa að vera fyrir hendi til að
það þjóni einhverjum tilgangi að fara af stað með
íslenzka vörusýningu erlendis?
Sveinn: Menn þurfa auðvitað í fyrsta lagi að hafa trú
á markaðnum út frá aðstæðum. En aðaláherzlu vil ég
leggja á umboðsmennina. Það þarf að vera umboðs-
maður starfandi á viðkomandi svæði, þegar sýning
ferfram, þannig að hún styrki hann í sölustarfi eða að
hann geti tekið við í beinu framhaldi af sýningunni.
Þegarsýningarnarfóru fram í Frakklandi ífyrra háði
46