Frjáls verslun - 01.05.1987, Blaðsíða 34

Framkvæmdastjórar og stjórnarformaöur BYKO. Fremri röö frá vinstri: Jón
Þór Hjaltason framkvæmdastjóri verslanasviös, Guömundur H. Jónsson
stjórnarformaöur og Jón Helgi Guðmundsson aöalframkvæmdastjóri.
Aftari röö: Bjarni Gunnarsson framkvæmdastjóri BYKO Hafnarfiröi, Sigurö-
ur E. Ragnarsson framkvæmdastjóri timbursölunnar og Árni Árnason
framkvæmdastjóri fjármálasviös.
SKIPURIT BYKO
STJÓRN
Þrátt fyrir mikinn vöxt sagði Jón
Helgi að djarfar ákvarðanir væru
ekki einkenni á stjómendum BYKO.
„Við höfum alltaf byrjað smátt og
viljað sjá bakkann hinum megin
áður en við köstum okkur til sunds.
Ekki er þó alltaf hægt að sjá fyrir
endann á hlutunum en við reynum
að stíga þannig skref að aldrei sé of
mikið lagt undir í einu.“ BYKO tók
þó óvenju stóra áhættu þegar ráðist
var í byggingu timbursölunnar við
Skemmuveginn í Kópavogi. Byrjað
var á framkvæmdum árið 1976 og
tóku þær 4 ár. Á þeim tíma þótti
Skemmuvegur svolítið úr leið og
ýmsir óttuðust að í of mikið væri ráð-
ist því verið var að stækka húsrými
fyrirtækisins úr 3 þúsund fermetrum
í 15 þúsund fermetra. Allt fór þó vel
og nú er svo komið að of þröngt er
um BYKO á Skemmuveginum.
Hagur fyrirtækisins í
fyrirrúmi
BYKO er eitt þeirra fyrirtækja þar
sem kynslóðaskipti hafa orðið. Jón
tók við aðalstjórninni af föður sínum
árið 1984. Það er álit manna að þessi
kynslóðaskipti hafi gengið vel og Jón
Helgi var spurður um skýringuna.
„Þetta er búið að eiga sér langan að-
draganda. Kynslóðaskiptin tókust
vel vegna þess að allir sem að þessu
stóðu höfðu hag fyrirtækisins að
leiðarljósi. Þannig verða ýmsir þættir
sem annars gætu valdið ágreiningi
léttvægir. Það hefur einnig hjálpað til
hvað ég kom ungur inn í fyrirtækið
og fékk snemma að axla ábyrgð.”
Samhliða kynslóðaskiptunum hafa
orðið miklar skipulagsbreytingar á
fyrirtækinu. Um síðustu áramót var
BYKO gert að hlutafélagi en fram að
þeim tíma hafði það verið sameignar-
félag. „Þetta þótti vera eðlileg ráð-
stöfun þar sem allir eigendurnir eru
ekki starfandi við fyrirtækið lengur.
Sameignarformið hentaði ekki meðal
annars vegna þess að það felur í sér
ótakmarkaða ábyrgð eigenda og það
fer ekki vel á því að aðili sem hefur
dregið sig í hlé frá daglegri stjómun
beri ótakmarkaða ábyrgð. En það
sem réði þó fyrst og fremst ákvörðun
okkar um að stofna hlutafélag var að
treysta hag fyrirtækisins í framtíð-
inni og opna fyrir ýmsa möguleika
sem hlutafélagaformið býður upp á.“
— í nýju skipuriti fyrir fyrirtækið
er Jón Helgi skráður aðalfram-
kvæmdastjóri. Hann var spurður
hvers vegna hann hefði kosið það
starfsheiti.
34