Frjáls verslun - 01.05.1987, Side 44
urinn. Þetta var bátur sem fékk nafn-
ið Arnar, 5 tonn, og réri hann sum-
arið 1979 og gerði það gott. Þá um
haustið seldi hann bátinn en festi sér
annan Arnar frá Djúpavogi, 7 ára
gamlan 16 tonna. Þann bát rak
Ragnar þar til í júlí 1984 að hann
keypti 36 tonna trébát. Að sjálfsögðu
fékk báturinn nafnið Arnar og er
með skrásetningamúmerið KE 260,
gullfallegur bátur, sem er vel við
haldið í hvívetna.
„Við höfum verið með þetta
300-400 tonn af bolfiski árlega, en
höfum ekki kvóta nema fyrir 105
tonnurn", sagði Ragnar Ragnarsson,
„þú getur rétt ímyndað þér hvernig
maður er innstillur gagnvart honum.
Kvótinn er ekki sanngjarn gagnvart
bolfiskveiðunum, en mun skárri í
rækjunni. Ég fer ekki af stað á vertíð
öðm vísi en að hafa áður tryggt mér
meiri kvóta, fiska þá annað hvort
fyrir aðra sem eiga kvóta eða kaupi
hann“, sagði Ragnar.
Fyrstu þrjár vikurnar í fyrra vom
þeir á Arnari komnir með 80 tonn og
nærri því að fylla kvótann sinn. I
rækjunni höfðu þeir 100 tonna kvóta
í fyrra, en nú hefur hann lækkað
niður í 70 tonn.
í opinberum skýrslum má lesa að
Amar KE 260 hafi verið einn þriggja
báta í sínum stærðarflokki sem skil-
aði bestu aflaverðmæti á síðasta ári.
Við spyrjum Ragnar út í þetta. Hann
segir að hann leggi mikla áherslu á
að skila góðri vöm í land. Hann sé
ekki með mikið af netum, aldrei
meira en hann og félagar hans þrír á
Amari ráði við með góðu móti, einn-
ar náttar fiskur sé hin ákjósanlega
markaðsvara.
Ragnar segist oft hafa verið spurð-
ur að því hvers vegna hann verki
ekki aflann sjálfur. Hann segir að
honum líði vel með það sem hann
hafi í dag. Hann telji að betra sé að
sinna útgerðinni vel, fiskverkun í
landi mundi aðeins verða til þess að
hann hætti að geta sinnt bátnum
eins og gera þarf. Þá áætli hann sér
alltaf tíma fyrir sig og fjölskylduna,
en með því að útvíkka reksturinn
mundi sá frítími fara fyrir bí.
Ragnar situr í atvinnumálanefnd
Keflavíkurbæjar, fulltrúi Alþýðu-
flokksins, sem hefur meirihluta í
þeirri nefnd sem öðrum. Í minnihlut-
anum situr Jónas kaupmaður og
bróðir hans. í nefndinni vinna allir
vel saman að sögn Ragnars, og skipt-
ir pólitíkin þá engu máli.
Ragnar segist hafa mikla trú á
væntanlegum fiskmarkaði í Keflavík,
markaðirnir eigi eftir að efla verð-
mætaskynið hjá fiskimönnum og
öðrum sem um fiskinn fara höndum.
Markaðirnir selji einfaldlega ekki
nema góðan fisk. Ætlunin er að
þessi markaður verði fjarskipta-
markaður, þ.e. að sala fari fram
gegnum fjarskipti. Slík viðskipti
byggjast mjög á trausti aðilanna
hvor á öðrum.
Gámur —
Hreinsunarþjónusta
Er allt í rusli hjá þér?
Þá getum við hjálpað.
Vió lánum þér sorpgáma, stóra og smáa
og mætum síðan reglulega til aó losa.
Einföld lausn, ekki satt?
Gámur Borgarholtsbraut 54 Kópavogi sími: 91-44229
Gámur hf. Furulundi 8 Akureyri sími: 96-21817
44