Frjáls verslun - 01.01.1995, Qupperneq 5

RITSTJORNARGREIN
VIÐHORF TIL FYRIRTÆKJA
í skoðanakönnun Gallup fyrir Frjálsa verslun, sem sagt
er ítarlega frá annars staðar hér í blaðinu, er viðhorf fólks
til fyrirtækja skoðað eftir fylgi þess við einstaka stjórn-
málaflokka. Út úr þessu má lesa hvort viðhorf til fyrirtækja
almennt ráðist af stjórnmálaskoðunum.
Niðurstaðan úr könnuninni er sú að kjósendur allra
flokka eru jákvæðir gagnvart fyrirtækjum. Þeir eru samt
mismunandi jákvæðir. Þannig er greinilegur munur á við-
horfum til fyrirtækja eftir stjórnmálaskoðunum fólks. Mun-
urinn er samt minnstur þegar kemur að fyrirtækjum sem
hvorki tengjast svonefndum Kolkrabba né samvinnuhreyf-
ingunni.
Af sextán vinsælustu fyrirtækjunum, sem spurt var sér-
staklega um, reyndust kjósendur Framsóknarflokks al-
mennt mestu stuðningsmenn fyrirtækja. En skammt á eftir
komu kjósendur Sjálfstæðisflokks og munar þar mest um
lítinn stuðning þeirra við fyrirtæki tengd samvinnuhreyf-
ingunni.
Næstir á eftir komu kjósendur Þjóðvaka. En síðan ráku
kjósendur Alþýðuflokks, Alþýðubandalags og Kvennalista
lestina. Minnstur var stuðningur kjósenda Kvennalistans
við fyrirtækin. Það hlýtur að teljast nokkuð fróðleg niður-
staða þar sem sterkt atvinnulíf er undirstaða velferðarkerf-
isins og mjúkra pakka.
HVERJIR EIGA
VERKFALLSSJÓÐI?
Davíð Oddsson forsætisráðherra benti kennurum í Kenn-
arasambandi íslands nýlega á að greiða út digran verkfalls-
sjóð sinn, 450 milljónir króna, í stað þess að fara í verkfall,
verða fyrir tekjutapi og eyða verkfallssjóðnum. Davíð kvað
kennara geta náð sér í kjarabót með þessari leið.
F orráðamenn kennara urðu æfir út í Davíð vegna þessara
ummæla og sögðu að þetta væri svona svipað og að segja
fólki að taka eigin peninga út af bankabók og nó sér þannig í
kjarabót. Eign, semfólk ætti fyrir, gæti ekki verið kjarabót.
Það er athyglisvert að bæði Davíð og kennarar tala um
verkfallssjóði sem eign. Greiðsla í sjóðina er hins vegar
fremur styrkur við stéttabaráttu. En eignaumræðan vekur
upp spurningar eins og hvað séu verkfallssjóðir, hverjir eigi
þá og eftir hvaða reglum ætti að greiða eigendum eignina
réttlótlega út væri vilji fyrir því?
Kjarni málsins er að verkfallssjóðir eru ekki séreignar-
sjóðir þótt sumir félagsmenn greiði miklu hærri fjárhæðir í
þá en aðrir. Þeir eru sameign. f raun eru þeir fé sem félags-
menn nánast afsala sér. Enda fá þeir ekki greitt úr sjóðun-
um í takt við það sem þeir greiða í þá. Og sumir fá raunar
greitt úr þeim þrátt fyrir að hafa lagt sáralítið í þá. Þess
vegna er líkingin við bankainnstæðu fremur óheppileg.
Eignaumræðan vekur hins vegar upp þá spurningu hvort
ekki eigi að breyta verkfallssjóðum í séreignarsjóði þar sem
hver félagsmaður á sjálfur það sem hann sparar og leggur
fyrir í verkfallssjóð. Þeir líktust þá frjálsum lífeyrissjóðum
þar sem hugað væri meira að ávöxtun eignarinnar. Eignin
væri fyrir hendi kæmi til verkfalls og fórnarkostnaður
hvers og eins við að nota hana væri á hreinu.
Stofnuð 1939
Sérrit um viðskipta-, efnahags- og atvinnumál — 56. árgangur
RITSTJÓRI OG ÁBYRGÐARMAÐUR: Jón G. Hauksson — AUGLÝSINGASTJÓRI: Sjöfn Sigurgeirsdóttir —
LJÓSMYNDARAR: Hreinn Hreinsson, Gunnar Gunnarsson, og Kristján Einarsson — ÚTGEFANDI: Fróði hf. — Tímaritið er gefið út í
samvinnu við samtök í verslun og viðskiptum — SKRIFSTOFA OG AFGREIÐSLA: Ármúli 18, sími 812300, Auglýsingasími 875380 —
RITSTJÓRN: Bfldshöfðil8, sími 875380 - STJÓRNARFORMAÐUR: Magnús Hreggviðsson - AÐALRITSTJÓRI: SteinarJ. Lúðvíksson -
FRAMKVÆMDASTJÓRI: Halldóra Viktorsdóttir — ÁSKRIFTARVERÐ: 2.895 kr. fyrir 1.-5. tbl. eða 579 kr. á blað. — 10% lægra
áskriftarverð ef greitt er með greiðslukorti. LAUSASÖLUVERÐ: 699 kr. —
SETNING, GRAFÍK, TÖLVUUMBROT, PRENTUN OG BÓKBAND: G. Ben. - Edda prentstofa hf. - LITGREININGAR:
Prentmyndastofan hf. — Öll réttindi áskilin varðandi efni og myndir.
5