Frjáls verslun - 01.03.1996, Qupperneq 6

RITSTJORNARGREIN
TVEGGJA GLASA FÓLK
Það verður að teljast vanhugsað hjá nokkrum
læknum, hjúkrunarfræðingum, skólastjóra og
forstöðumanni Manneldisráðs íslands að koma
fram í auglýsingum á mjólk fyrir hönd íslensks
mjólkuriðnaðar. Nær hefði verið að þau skrifuðu
greinar í eigin nafni um hollustu mjólkur, óháð
framleiðendum þessa góða drykkjar.
Þetta ágæta fólk, sem auglýsir
mjólkina, er opinberir starfsmenn
— að tannlækninum undanskildum.
Hann er hins vegar formaður tann-
vemdarráðs. Það, að opinberir
starfsmenn komi fram og auglýsi
vöm eins helsta hagsmunaaðila í ís-
lenskum matvælaiðnaði, orkar ekki
aðeins tvímælis heldur gengur það
einfaldlega ekki upp.
Þá stingur það vemlega í augun að
forstöðumaður Manneldisráðs ís-
lands skuli koma fram í auglýsingunum. Afar
mikilvægt er að það embætti sé hafið yfir að aug-
lýsa matvæli. Og enn alvarlegra er ef forstöðu-
maður Manneldisráðs þiggur laun fyrir slíkt.
í raun skiptir engu hvort forstöðumaður
Manneldisráðs, skólastjórinn eða hinir ágætu
starfsmenn heilbrigðisþjónustunnar, sem þama
stíga á stokk og auglýsa mjólk, þiggja laun fyrir
það eða ekki. Kjarni málsins er að þeir eiga ekki
að koma fram undir merkjum neins matvæla-
framleiðenda.
íslenskur mjólkuriðnaður er einhver öflugasti
hagsmunaaðili í íslenskum matvælaiðnaði og á í
mjög harðri samkeppni við framleiðendur ann-
arra drykkja, eins og gosdrykkja og ávaxtasafa.
Það þarf því ekki að velkjast í vafa um að opin-
berir starfsmenn í heilbrigðisþjónustunni, full-
trúar heilbrigðis og hreysti — em með allra
sterkustu auglýsendum sem völ er á.
Einn þeirra, sem auglýsa mjólkina, er titlaður
skólastjóri. Það minnir á að skólar landsins em
einn helsti drykkjarvömmarkaður-
inn. Þúsundir lítra renna þar ofan í
nemendur á degi hverjum. Það er
ekki aðeins sterkt að komast inn í
kennslustofurnar til að selja — það
geta ekki allir — heldur er ekki
verra ef skólastjóri auglýsir mjólk-
ina.
Það er raunar umhugsunarvert að
framleiðandi geti skírt vörur sínar
nöfnum eins og skólaskyr og skóla-
jógúrt. Og skólamjólk er hún víst
kölluð mjólkin sem kemur í skólana
á morgnana. Það að bæta forliðnum skóla- fyrir
framan nafn vöm er nánast eins og að fá vottorð
skólakerfisins um hollustu hennar.
Ekki er nokkur vafi á að mjólk er góð, það
gieypa menn strax með móðurmjólkinni. En allt
er best í hófi, og það á við um alla drykki. Enda
hvetja læknamir, hjúkrunarfræðingarnir,
skólastjórinn og forstöðumaður Manneldisráðs
fslands til að fólk sé tveggja glasa fólk, drekki
tvö glös á dag — alla ævi.
ISSN 1017-3544
Stofnuð 1939
Sérrit um viðskipta-, efnahags- og atvinnumál — 57. árgangur
RITSTJÓRI OG ÁBYRGÐARMAÐUR: Jón G. Hauksson — AUGLÝSINGASTJÓRI: Sjöfn Sigurgeirsdóttir —
LJÓSMYNDARI: Bragi Þ. Jósefsson - ÚTGEFANDI: Talnakönnun M. - SKRIFSTOFA OG AFGREIÐSLA: Borgartún 23,
105 Reykjavík, sfmi 561-7575, fax 561-8646 — RITSTJÓRN: Sfmi 561-7575. — AUGLÝSINGAR: Sími 561-7575 —
ÁSKRIFTARVERÐ: 2.895 kr. fyrir 1.-5. tbl., 10% lægra áskriftarverð ef greitt er með kreditkorti. LAUSASÖLUVERÐ: 699 kr. —
DREIFING í bókaverslanir og sölutuma á Stór-Reykjavíkursvæðinu annast fyrirtækið Sala og dreifing, sími GSM 89-23334.
SETNING, GRAFÍK, TÖLVUUMBROT, PRENTUN OG BÓKBAND: G. Ben. - Edda prentstofa M. - LITGREININGAR:
Prentmyndastofan M. — ÖU réttindi áskilin varðandi efni og myndir.