Morgunblaðið - 14.01.2001, Síða 2

FRÉTTIR
2 SUNNUDAGUR 14. JANÚAR 2001 MORGUNBLAÐIÐ
STJÓRN Lyfjafræðingafélags Ís-
lands telur að afgreiðslumáti s-
merktra lyfja og breytingar, sem
urðu á reglugerð um þau um ára-
mótin, leiði í senn til þess að mögu-
leikar sjálfstætt starfandi sérfræð-
inga til útgáfu lyfseðla séu skertir og
til mismunandi stöðu íbúa á höfuð-
borgarsvæðinu og landsbyggðinni
þar sem íbúar hafa minni aðgang að
sjúkrahúsunum.
Finnbogi Rútur Hálfdanarson,
formaður félagsins, sagði í samtali
við Morgunblaðið að með gildandi
reglum væri verið að taka lyf, sem
apótekin hafa selt til þessa, og færa
sjúkrahúsunum einkarétt á dreif-
ingu þeirra. Í stað þess að Trygg-
ingastofnun ríkisins greiði fyrir lyf-
in, eins og áður, sé kostnaðinum nú
mætt með fjárveitingu til spítalanna.
Í ályktun stjórnar Félags lyfja-
fræðinga segir að hún styðji heils-
hugar viðleitni til að stuðla að mark-
vissri lyfjanotkun.
„Sú stefna hefur lengi verið
ríkjandi að lyfjadreifing utan sjúkra-
húsa skuli rekin af einstaklingum en
ekki opinberum aðilum. Mjög ákveð-
in spor voru stigin með nýjum lyfja-
lögum, sem sett voru 1994, í þá átt
að auka frjálsræði í lyfjadreifing-
unni og um leið vægi markaðslög-
mála innan hennar.“
„Það er skoðun okkar að aðgerðir
stjórnvalda, sem gefa ríkisreknum
sjúkrahúsum vald til að ákveða alla
meðferð ýmissa lyfja, séu spor aftur
á bak til miðstýringar og aukins rík-
isrekstrar,“ segir í ályktuninni.
„Þannig rýrir þetta möguleika
lækna sem starfa á einkareknum
stofum til að ávísa lyfjum. Þetta leið-
ir einnig til mismununar milli lands-
byggðar og höfuðborgarsvæðis þar
sem íbúar hafa greiðari aðgang að
sjúkrahúsunum. Í ljósi þeirrar eðl-
isbreytingar sem verður á tilhögun á
greiðsluþátttöku Tryggingastofnun-
ar ríkisins, í þeim lyfjum sem um
ræðir, er einnig rétt að varpa fram
þeirri spurningu hvernig afgreiðsla
þessara lyfja fer fram ef fjárveiting
sjúkrahúss þrýtur og hver er réttur
þeirra sjúklinga er þetta snertir.“
Stjórnin beinir því til stjórnvalda
að ákvæði 8. gr. lyfjalaga verði virt
og eingöngu þau lyf sem eru það
vandmeðfarin og krefjast viðbúnað-
ar og sérþekkingar, sem aðeins er til
á sjúkrahúsum, verði s-merkt. Aðrar
leiðir verði fundnar til að koma í veg
fyrir að lagt sé út í dýra lyfjameð-
ferð þegar hverfandi líkur eru á að
hún gagnist sjúklingi og að þær mis-
muni þá hvorki sjúklingum né öðr-
um aðilum innan heilbrigðiskerfis-
ins.
Ógleðilyf, hormónalyf og fleira
Eftir breytingar á reglugerðinni
teljast ógleðilyf til krabbameins-
sjúklinga og hormónalyf til kvenna
sem gangast undir glasafrjóvganir,
blóðmyndandi lyf, sem til þessa hafa
verið afhent í apótekum, og í raun
teljast flest stungulyf til s-merktra
lyfja, að sögn Finnboga Rúts.
Til þessa hafi lyfjameðferð ýmist
hafist á sjúkrahúsum eða eftir uppá-
skrift frá lækni til afgreiðslu í apó-
teki. Undanþágur hafi verið veittar
vegna ávísana s-merktra, þ.e. spít-
alamerktra, lyfja úr apótekum en að
sögn Finnboga Rúts er nú rætt um
að spítalarnir geri sérstakan þjón-
ustusamning við apótek um dreif-
ingu lyfjanna.
Lyfjafræðingar lýsa yfir áhyggjum vegna afgreiðslumáta s-merktra lyfja
Skerðir einkarekstur og
mismunar eftir búsetu
AÐ MATI Flóabandalagsins virðast
nýgerðir kjarasamningar kennara,
við fyrstu skoðun, hafa rofið þann
ramma sem settur var um samninga
á almennum vinnumarkaði. Banda-
lagið gerir þá kröfu til samningsaðila
að öll gögn um þessa samninga verði
lögð fram jafnframt því að kostnað-
armat samninganna verði kynnt.
Í kjarasamningi Flóabandalagsins
er ákvæði um að verði verðbólga
marktækt meiri í febrúar en hún var
þegar kjarasamningurinn var gerð-
ur eða að kostnaðarmat einstakra
samninga sýni meiri hækkanir en í
samningi Flóabandalagsins sé hægt
að semja um leiðréttingu eða segja
launalið samninganna upp að öðrum
kosti. Í ályktun frá Flóabandalaginu
segir að þetta opnunarákvæði hafi
verið sett inn í samninginn til þess að
tryggja að þeir sem séu á lægstu
laununum verði ekki skildir eftir
þegar aðrir hópar semja um launa-
hækkanir eins og oft hafi gerst.
„Nýgerðir samningar kennara
virðast við fyrstu skoðun hafa rofið
þann ramma sem settur var um
samninga á almennum vinnumark-
aði. Ekki liggur fyrir kostnaðarmat,
hvorki af hálfu kennara, ríkisvalds
eða Reykjavíkurborgar. Það er væg-
ast sagt tortryggilegt. Ekki síst í
ljósi þess að aðrir samningar við
þessa sömu aðila hafa allir verið
kostnaðarmetnir á lokastigi samn-
inga. Sú fullyrðing, að framhalds-
skólakennarar hafi staðið í tveggja
mánaða verkfalli og ekki samið um
annað en þeim stóð til boða við upp-
haf deilunnar, er engan veginn trú-
verðug.
Flóabandalagið gerir þá kröfu til
samningsaðila að öll gögn um þessa
samninga verði lögð fram jafnframt
því að kostnaðarmat samninganna
verði kynnt. Það stendur beint upp á
ríkið að sanna að þeir hafi ekki rofið
þann kostnaðarramma sem þeir
bera ábyrgð á gagnvart almenna
vinnumarkaðnum.
Á meðan upplýsingar eru ekki
lagðar fram sem sanna að samningar
kennara eru innan þess ramma sem
samið var um í samningi Flóabanda-
lagsins verður að telja yfirgnæfandi
líkur á að launalið samninganna frá
sl. vori verði sagt upp,“ segir í álykt-
uninni.
ASÍ boðar formannafund um
samningsforsendur
Alþýðusamband Íslands hefur
boðað til fomannaráðstefnu 23. janú-
ar nk. Verður þar farið yfir forsend-
ur kjarasamninga ASÍ-félaganna
sem gerðir voru í vor og staðan met-
in. Á fundinum mun hagdeild ASÍ
leggja fram upplýsingar um stöðuna
og hvaða þættir geti stefnt samn-
ingsmarkmiðum í hættu, jafnframt
því sem bent verði á leiðir til að
treysta markmið samninganna í
sessi. Í fundarboði er lögð áhersla á
að ASÍ-félögin verði samstíga í öllum
aðgerðum sínum. „Reynist samn-
ingsmarkmið í uppnámi geta félög
og sambönd einbeitt sér að því í sam-
einingu að knýja á um nauðsynlegar
úrbætur á þeim sviðum sem helst
koma launafólki að gagni. Gengi slíkt
ekki gæti reynt á uppsagnarákvæði
og þá er enn ríkari þörf á samstöðu,“
segir í fundarboði.
Flóabandalagið krefst upplýsinga um
kostnað við samninga kennara
Yfirgnæfandi lík-
ur á að launalið
verði sagt upp
SÍÐUSTU Sankti Jósefssysturnar,
sem starfað hafa að hjúkrunar- og
líknarmálum á landinu í áratugi,
halda af landi brott eftir helgina.
Aðeins þrjár voru eftir nú undir
það síðasta og ákvað regla þeirra
fyrir nokkru að verkefnum þeirra
væri lokið hérlendis. Halda þær
til Kaupmannahafnar og dvelja á
elliheimili þar. Í gærmorgun var
þeim boðið í morgunkaffi á
Landakotsspítala ásamt sam-
starfsfólki. Þar tók systir Emm-
anuelle við gjöf hjá Magnúsi Pét-
urssyni, forstjóra Landspítala –
háskólasjúkrahúss.
Morgunblaðið/Þorkell
Systir Emmanuelle tekur við gjöfinni hjá Magnúsi Péturssyni. Við borðið sitja systir Hendrika (lengst til vinstri)
og Ansgarína, príorinna frá Danmörku. Þriðja nunnan, systir Eugenía, gat ekki verið viðstödd athöfnina.
St. Jósefssystur kvaddar

Jósefssystur/B6
HÉRAÐSDÓMUR Reykjavíkur
hefur dæmt tvo karlmenn á þrítugs-
aldri í fimm mánaða fangelsi fyrir
smygl á tæplega 1½ kg af hassi til
landsins. Fjórir mánuðir af refsing-
unni eru skilorðsbundnir til þriggja
ára. Pétur Guðgeirsson héraðsdóm-
ari kvað upp dóminn.
Mennirnir voru handteknir af toll-
gæslunni á Keflavíkurflugvelli 24.
apríl sl. en þeir voru þá að koma frá
Kaupmannahöfn. Báðir voru þeir í
þykkbotna skóm og við athugun á
skónum fundu tollverðir hassið falið í
skósólunum.
Mennirnir hafa frá upphafi játað
að hafa keypt efnið í Kaupmanna-
höfn og flutt það til landsins. Þeir
neituðu því hins vegar að þeir hefðu
staðið saman að innflutningnum og
kváðust ekki bera refsiábyrgð á
meiru en því efni sem fannst í skóm
hvors um sig.
Lífið snerist um að útvega hass
Annar ákærðu bar fyrir dómi að
hann hafi verið búinn að reykja hass
í 8 ár og allt líf hans hafi verið farið
að snúast um það að útvega sér hass.
Þeir hafi síðan farið að ræða þetta og
hvernig væri hægt að útvega hassið
á lægra verði. Hann hafi þá fengið þá
hugmynd að flytja efnið inn í skóm
og þeir ákveðið að kanna hvort slíkt
væri möguleiki. Hinn tók undir þetta
og sagðist hafa verið orðinn þreyttur
á því „veseni“ sem fylgdi því að
kaupa hass hér á landi.
Um mánuði síðar fóru þeir til
Kaupmannahafnar í því skyni að
kaupa efnið og flytja það hingað til
lands. Þeir ferðuðust þó ekki saman
út, annar þeirra fór með sambýlis-
konu sinni sem mun ekki hafa vitað
hvað til stóð.
Þegar þeir komu til Kaupmanna-
hafnar fóru þeir saman í fríríkið
Kristjaníu, hvor um sig með andvirði
ríflega 200.000 íslenskra króna.
Upphæðina lögðu þeir saman til að
komast að hagstæðari kjörum við
kaupin. Þeir fóru að því búnu á hót-
elherbergi annars þeirra og komu
hassinu fyrir í skósólunum.
Mennirnir sögðu báðir fyrir dómi
að hefði annar þeirra komist með
efnið til landsins en hinn ekki, hefði
sá ekki átt rétt á hlut í efni hins. Eins
og áður hefur komið fram sögðust
mennirnir ekki hafa staðið saman að
innflutningnum á efnunum. Héraðs-
dómur taldi hins vegar að rækilegar
sannanir hefðu komið fram fyrir því.
Auk refsingar voru þeir dæmdir
til að greiða málsvarnarlaun, 120.000
krónur hvor, og annan sakarkostnað.
Hvorugur hafði áður hlotið dóm.
Báðir sögðust þeir nú vera hættir
hassneyslu.
Dæmdir fyrir innflutning á 1½ kg af hassi
Komu hassinu fyrir
í skósólum sínum
Áfram er spáð mjög hvössu veðri
um vestanvert landið. Í gær gaf
Veðurstofan út stormviðvörun en
hún er gefin þegar von er á að vind-
ur verði meiri en 20 m/s. Á mánu-
dag er einnig spáð hvössu veðri og
skúrum.
Áfram hvasst
í veðri
Morgunblaðið/Þorkell
TÆKNIMENN frá Rann-
sóknarlögreglunni í Reykjavík
og rannsóknarlögreglumenn
frá Ríkislögreglustjóra eru
komnir lögreglunni á Höfn í
Hornafirði til aðstoðar við
rannsókn íkveikjunnar á Hval-
nesi í Lónssveit á föstudags-
morgun.
Tuggugu og fimm ára mað-
ur, sem handtekinn var í sveit-
inni eftir að bíll hans hafði lent
út af vegi skammt frá Hval-
nesi, er enn í haldi lögreglu
vegna málsins.
Að sögn lögreglu á Höfn
hafði ekki verið tekin ákvörðun
um hvort óskað verður eftir
gæsluvarðhaldi yfir mannin-
um, þegar blaðið fór í prentun.
Maðurinn hefur tvívegis áður
verið dæmdur fyrir íkveikjur.
Aðstoð frá
Reykjavík