Morgunblaðið - 14.01.2001, Page 27

MORGUNBLAÐIÐ SUNNUDAGUR 14. JANÚAR 2001 27
FORELDRAFÉLAG Hagaskóla í
Reykjavík skipuleggur, í samvinnu
við félagsmiðstöðina Frostaskjól,
rölt foreldra um Vesturbæinn um
helgar til eftirlits og aðhalds með
því að reglur um útivist barna og
unglinga séu haldnar. Hvetur
félagið félagsmenn sína til að
mæta á föstudagskvöldum kl. 23 í
Frostaskjóli og rölta til gagns og
gamans.
Aðalfundur Foreldrafélagsins
var haldinn nýverið en á honum á
sæti allt fulltrúaráð félagsins en
það skipa tveir til þrír fulltrúar
hverrar bekkjardeildar skólans.
En nemendur skólans eru nú alls
470 í 8. til 10. bekk. Er skólinn því
fjölmennasti unglingaskóli lands-
ins. Þá sóttu fundinn Einar Magn-
ússon, skólastjóri Hagaskóla, og
Guðbjörg Jónsdóttir, aðstoðarmað-
ur skólastjóra.
Skólastarf í Hagaskóla er með
miklum blóma. Foreldrafélagið tel-
ur að skólinn standi sterkur hvað
varðar kennslu, reglu og aga í
skólastarfi. Stjórnendur skólans
álíta samskipti nemenda hafa verið
til fyrirmyndar það sem af er
vetri.
Fræðsluhópur Foreldrafélagsins
helt nýlega fræðslufund þar sem
Bryndís Björk Ásgeirsdóttir frá
Rannsóknum og greiningu ehf.
sagði frá rannsóknum þeirra á
kynjamuni í skólastarfi. Kom m.a.
fram að strákar standa sig mun
verr í námi á unglingsárum en
stúlkurnar. En stúlkunum líður
samt mun ver á þessum aldri en
strákunum þótt þær standi sig
betur í náminu.
Stjórn Foreldrafélagsins skipa
nú þau: Tryggvi Agnarsson, for-
maður, Eygló Sigmundsdóttir,
hópstjóri fræðsluhóps, Eygló Þor-
valdsdóttir, hópstjóri rölthóps.
Aðrir í stjórn eru: Sigurður Árni
Þórðarson, Jónína Óskarsdóttir,
Þuríður Hallgrímsdóttir, Steinunn
M. Lárusdóttir, Þráinn Bertelsson,
Sigríður Þorgeirsdóttir, Ingibjörg
Karlsdóttir, Sigrún Þórarinsdóttir
og Ragnheiður Steindórsdóttir. Á
aðalfundinum var Sólveigu Guð-
mundsdóttur, fráfarandi formanni
Foreldrafélagsins, þökkuð mikil og
góð störf í þágu þess.
Foreldrastarf í Hagaskóla
Þorrablót Bolvíkingafélagsins verður haldið laugardaginn 27. janúar nk. á
Grand Hótel við Sigtún í Reykjavík. Borðhald hefst kl. 20.00 en húsið
opnað kl. 19.00. Eftir skemmtidagskrá leikur hljómsveitin Grái fiðringurinn
fyrir dansi til kl. 3.00. Miðaverð er kr. 3.500 en eftir kl. 23.00 kr. 1.800.
Aðgöngumiða má panta símleiðis hjá nefndarkonum en að auki með tölvu-
pósti til gkgudfinnsdottir@hotmail.com. Þeir sem ætla að greiða með
VISA/EURO í síma 431 4560.
ATH! Forsala aðgöngumiða verður í afgreiðslu Grand Hótels föstudagskvöld-
ið 26/1 kl. 20:00-22:00.
Hittumst hress og skemmtum okkur vel saman í bolvískum anda!
Þorrablótsnefnd:
Anna Margrét Einarsdóttir, sími 565 9197,
Guðrún Kr. Guðfinnsdóttir, sími 564 2394,
Jóna Guðfinnsdóttir, sími 557 7334,
Laufey Karlsdóttir, sími 431 4560,
Sjöfn Þórðardóttir, sími 554 3346.
Þorrablót Bolvíkingafélagsins 2001
LÖGREGLAN í Reykjavík lýsir eft-
ir vitnum að umferðaróhappi er átti
sér stað á Suðurgötu við Melatorg
fimmtudaginn 11. janúar um kl.
19.20. Þarna varð árekstur með
strætisvagni SVR og grárri Toyota
fólksbifreið.
Þeir sem upplýsingar kynnu að
geta veitt upplýsingar um mál þetta
eru vinsamlega beðnir um að hafa
samband við lögregluna í Reykjavík.
Lýst eftir
vitnum
♦ ♦ ♦
www.mbl.is
FUNDUR í stjórn Verkalýðs-
félagsins Hlífar fimmtudaginn 11.
janúar sl. mótmælir þeirri auknu
vaxtabyrði sem tók gildi um síðast-
liðin áramót en þá hækkuðu vextir
af lánum til leiguíbúða í 4,9% og
vextir af svokölluðu viðbótarlánum
í 5,7%.
„Á nokkrum árum hafa vextir á
lánum til leiguíbúða farið úr 1% í
4,9% en það er hækkun um tæp-
lega 500%. Þá eru vextir af svo-
kölluðum viðbótarlánum komnir í
5,7% og þar með orðnir hærri en
vextir af húsbréfum sem eru 5,1%.
Þetta eru ótrúlegar miklar vaxta-
hækkanir þegar haft er í huga að
þær bitna eingöngu á tekjulágu
fólki.
Verkalýðsfélagið Hlíf skorar á
stjórnvöld að láta af ítrekuðum
fjandskap sínum við tekjulægsta
fólkið í landinu og draga fyrr-
greindar vaxtahækkanir strax til
baka,“ segir í samþykkt Hlífar.
Hlíf mót-
mælir
vaxta-
hækkun