Morgunblaðið - 20.01.2001, Page 4

FRÉTTIR
4 LAUGARDAGUR 20. JANÚAR 2001 MORGUNBLAÐIÐ
76%, en 59 félagsmenn Hlífar og
VH samþykktu hann. Alls voru 346
á kjörskrá hjá félögunum. Ýmis
félög iðnaðarmanna, sem starfa hjá
ISAL, felldu samninginn hins vegar
með naumindum. Alls greiddu 122
iðnaðarmenn atkvæði. Samþykkir
voru 56, eða 46%, en á móti samn-
ingnum voru 63, eða 52% greiddra
atkvæða. Þrír seðlar voru ógildir.
Samningstími og bónus-
greiðslur valda óánægju
Gylfi Ingvarsson, aðaltrúnaðar-
maður starfsmanna ISAL, sagði
það sitt mat eftir kynningarfundi
um samninginn að einkum tvennt
hefði setið í mönnum. Annars vegar
samningstíminn, sem þætti of lang-
ur og kauphækkanir fáar miðað við
það, og hins vegar bónusgreiðslur
sem starfsmenn treystu ekki stjórn-
endum ISAL til að standa við. Það
vantraust byggðist einkum á þeim
uppsögnum sem gripið var til í ál-
verinu á síðasta samningstímabili.
Aðspurður sagðist Gylfi telja að
næstu skref yrðu að vísa deilunni til
ríkissáttasemjara. Hann hefði gert
Þóri Einarssyni sáttasemjara grein
fyrir stöðu mála í gær.
Forráðamenn ISAL vildu ekki tjá
sig um atkvæðagreiðsluna og vísuðu
á Samtök atvinnulífsins. Ari Ed-
wald, framkvæmdastjóri samtak-
anna, sagði við Morgunblaðið að
niðurstaðan væri vonbrigði fyrir
alla aðila. Miklum tíma hefði verið
varið til samningaviðræðna, en frá
því í september á síðasta ári höfðu
50 fundir verið haldnir. Nú þyrftu
menn að fara yfir stöðuna áður en
fundað yrði á ný með fulltrúum
starfsmanna. Ari vildi ekki fullyrða
um hvort deilunni yrði vísað til
sáttasemjara. Það væri einn mögu-
leikinn ef samstaða næðist.
„Ekki má steypa málinu í ein-
hvern átakafarveg. Ef til verkfalls-
átaka kemur í verksmiðjunni myndi
það valda gríðarmiklu tjóni. Það er
hagsmunamál allra að forða þeirri
stöðu. Samningaviðræður fóru ein-
mitt fram í þeim anda,“ sagði Ari.
Sigurður T. Sigurðsson, formað-
ur Verkalýðsfélagsins Hlífar, var
sammála Gylfa um að samningstím-
inn og bónusgreiðslurnar hefðu
sætt óánægju félagsmanna sinna
auk þess sem samningurinn al-
mennt væri ekki nógu góður. Sem
dæmi væri ekkert uppsagnar-
ákvæði eftir febrúar árið 2003 en
slíkt væri algengt í öðrum samn-
ingum í upphafi lokaárs samnings-
tímans, þ.e. árið 2004.
Rengja stjórnendur ISAL
„Menn rengja einnig stjórnendur
Íslenska álfélagsins. Því miður er
ekki góð reynsla af þeim og það er
að koma fram núna sem almenn
skoðun í atkvæðagreiðslunni. Þeir
hjá ISAL eru einfaldlega að upp-
skera eins og þeir hafa sáð. Menn
vilja hafa það í hendi en ekki sem
loforð, miðað við fyrri reynslu, að
hægt sé að vinna sér meira inn ef
tilteknum skilyrðum er fullnægt,“
sagði Sigurður og tók dæmi um
framleiðslubónus sem Hlíf og ISAL
unnu að fyrir nokkrum árum. Sá
bónus hefði verið hafður að engu
þegar starfsmönnum í kerskálum
og víðar var sagt upp og þeir sem
eftir voru bættu á sig meiri vinnu án
þess að fá það metið.
VEL á þriðja hundrað starfsmanna
Íslenska álfélagsins, ISAL, í
Straumsvík, eða 255, felldi nýgerða
kjarasamninga við Samtök atvinnu-
lífsins en niðurstaða atkvæða-
greiðslu varð kunn í gær. Talsmenn
starfsmanna, sem Morgunblaðið
ræddi við, segja að óánægjan snúi
einkum að samningstímanum, sem
er lengri en í öðrum samningum, og
ákvæðum um bónusgreiðslur.
Deiluaðilar munu væntanlega hitt-
ast eftir helgina en að sögn aðal-
trúnaðarmanns starfsmanna má
reikna með því að deilunni verði vís-
að til ríkissáttasemjara. Fram-
kvæmdastjóri Samtaka atvinnulífs-
ins segir niðurstöðu
atkvæðagreiðslunnar vera von-
brigði og vonast til að deiluaðilar
nái saman á ný án afskipta sátta-
semjara.
Félagsmenn Verkalýðsfélagsins
Hlífar í Hafnarfirði og Verslunar-
mannafélags Hafnarfjarðar greiddu
sameiginlega atkvæði um samning-
inn og felldu hann með miklum
mun. Af 251 sem greiddi atkvæði
sögðu 192 nei við samningnum, eða
Samningur ISAL og SA felldur af 255 starfsmönnum fyrirtækisins
Deilunni líklega vísað
til sáttasemjara
EIRÍKUR Stefánsson fyrrverandi
kennari varð hundrað ára í gær
og var afmælisveisla haldin hon-
um til heiðurs á hjúkrunarheim-
ilinu Eiri, þar sem hann hefur
dvalist undanfarin ár. Eiríkur
missti sjónina árið 1981, en segir
heilsuna vera góða.
Á annað hundrað manns fagn-
aði afmælisbarninu á tímamót-
unum. Meðal gesta, auk ættingja,
voru fyrrum samkennarar hans,
gamlir nemendur og vinir. Þrjú
af fjórum börnum Eiríks og Unu
konu hans eru á lífi. Þau eiga tólf
barnabörn og eitt barna-
barnabarn.
Morgunblaðið/Kristinn Ingvarsson
Afmælisbarnið Eiríkur Stefánsson ásamt konu sinni Unu Guðlaugu
Sveinsdóttur. Með þeim eru börn þeirra þrjú, frá vinstri: Þórný Heiður,
Stefán Jökull og Guðrún Halldóra.
Aldaraf-
mæli Eiríks
Stefánsson-
ar fagnað
ÖRORKULÍFEYRIR sem Trygg-
ingastofnun ríkisins greiðir öryrkjum
fellur niður ef lífeyrisþegi þarf að
dveljast lengur en fjóra mánuði á
sjúkrastofnun eða vistheimili saman-
lagt á tuttugu og fjögurra mánaða
tímabili og ef samfelld vist hans hefur
staðið í einn mánuð.
Heimilt að framlengja tímamörk
áður en bætur falla niður
Garðar Sverrisson, formaður Ör-
yrkjabandalagsins, segir að þetta sé
slæmt fyrirkomulag og að bandalagið
hafi gert alvarlegar athugasemdir við
það í gegnum árin. Hann bendir hins
vegar á að Tryggingastofnun hafi
sýnt þessu máli góðan og aukinn
skilning og fallist í mörgum tilvikum á
að nýta heimildarákvæði til að lengja
þann tíma sem dvalið er á sjúkra-
stofnun áður en bætur falla niður.
„Það sjá það allir að þetta kemur
fyrst og fremst verst við þá sem
haldnir eru erfiðustu sjúkdómunum
og hafa t.d. átt við geðsjúkdóma, ill-
kynja sjúkdóma eða ónæmiskerfis-
sjúkdóma að stríða. Við höfum ítrek-
að ályktað um þetta á aðalfundum
bandalagsins og fært þetta í tal í nán-
ast hvert skipti sem við höfum hitt
stjórnvöld að máli,“ segir hann.
„Á undanförnum árum höfum við
líka ítrekað vikið að þessu á reglu-
legum samráðsfundum með Trygg-
ingastofnun. Við höfum mætt miklum
skilningi af hálfu yfirmanna Trygg-
ingastofnunar, sem hefur leitt til þess
að heimildarákvæði til að framlengja
þetta hefur í vaxandi mæli verið beitt
af hálfu stofnunarinnar. Vandinn er
hins vegar sá að margir sem fyrir
þessu verða vita ekki um þann mögu-
leika að heimilt er að framlengja
þennan tíma og þeim hefur ekki verið
kynntur sá réttur af fagaðilum,“ segir
Garðar.
Geta þurft að hætta að halda
heimili vegna kostnaðar
Öryrkjar sem þurfa að dvelja lengi
á sjúkrastofnunum og missa þ.a.l. ör-
orkubæturnar standa oft frammi fyr-
ir þeirri spurningu hvort þeir geti
haldið áfram heimili vegna kostnaðar
sem því fylgir.
„Við teljum að það þurfi að hverfa
frá þessu fyrirkomulagi vegna þess að
hvort sem menn eru í sambúð eða búa
einir, þá heldur kostnaðurinn við að
halda heimili áfram. Húsaleiga, af-
borganir af lánum og aðrir reikningar
hrynja yfir fólk, hvort sem það liggur
inni á stofnun eða ekki,“ segir Garðar.
Hann benti einnig á að þess væru
dæmi að fólk, sem á við alvarlega
sjúkdóma að stríða og þarf nauðsyn-
lega á því að halda að leggjast inn til
meðferðar, ákveður að bíða með það
og tregðast við að leggjast inn til
nauðsynlegrar meðferðar af ótta við
að missa tekjur sínar, vitandi að
reikningarnir sem þarf að borga
halda áfram að berast þeim.
„Það þarf að gera einhverjar ráð-
stafanir til að fólki sé tryggilega
kynntur þessi réttur og helst af öllu
þyrfti að afnema þetta fyrirkomulag.
Þetta er einn af fjölmörgum ágöll-
um í okkar almannatryggingakerfi
sem þarf að laga. Það er víða pottur
brotinn og ýmis alvarleg réttarbrot
sem öryrkjar verða fyrir, sem hafa
því miður ekki komist nægilega í um-
ræðuna,“ sagði Garðar.
Öryrkjar missa bætur ef dvalið er
lengur en 4 mánuði á sjúkrastofnun
Slæmt fyrirkomu-
lag að mati Ör-
yrkjabandalagsins
Ráðherra
á batavegi
UGGI Agnarsson hjartalæknir
hefur annast Ingibjörgu Pálma-
dóttur heilbrigðisráðherra í
veikindum hennar og segir hann
ráðherra vera á batavegi.
„Það er allt gott að frétta af
Ingibjörgu, það lítur út fyrir að
þetta hafi verið hár blóðþrýst-
ingur sem var orðinn svo hár að
henni sortnaði fyrir augum og
datt út eitt augnablik, þetta var
ekki alvarlegt yfirlið“ sagði
Uggi og bætti við að ráðherra
hefði haft háþrýsting um nokk-
urt skeið og hefði ekki getað
sinnt reglulegu eftirliti læknis
vegna mikillar vinnu og álags
undanfarnar vikur.
Uggi segir Ingibjörgu eiga að
hvílast næstu daga og með réttri
meðferð sé málið í góðum far-
vegi.
FIMM bíla árekstur varð á Hringbraut við Njarðargötu í
Reykjavík um klukkan 19 í gærkvöld. Engin slys urðu á
fólki en töluvert eignatjón. Nokkrar tafir urðu á umferð
um hríð á Hringbraut og Miklubraut vegna óhappsins.
Morgunblaðið/Árni Sæberg
Fimm bíla árekstur á Hringbraut
Nærri 34
tonn flutt inn
frá júlí 1999
SAMKVÆMT upplýsingum frá
Hagstofu Íslands hefur innflutningur
á nautakjöti til landsins frá því í júlí
1999 numið tæpum 34 tonnum. Þar af
hefur langmest komið frá Danmörku,
eða 19,5 tonn. Um 6 tonn hafa komið
frá Hollandi og 6,4 tonn frá Írlandi.
Samkvæmt upplýsingum frá yfir-
dýralækni hefur þessi nautakjötsinn-
flutningur hlotið sömu meðferð og
leyfisveitingar og lundirnar írsku um
áramótin. Í flestum tilvikum hefur
verið um frystar nautalundir að
ræða. Frá júlí 1999 til loka júní í fyrra
komu rúm 15 tonn af lundum frá
Danmörku og rúm 4 tonn frá Hol-
landi.
Nautakjöt frá Evrópu
og Bandaríkjunum