Morgunblaðið - 20.01.2001, Blaðsíða 45

MINNINGAR
MORGUNBLAÐIÐ LAUGARDAGUR 20. JANÚAR 2001 45
✝ Sigurbjörg Jóns-dóttir fæddist á
Siglufirði hinn 16.
september 1928 og ól
allan sinn aldur þar.
Hún lést á heimili sínu
9. janúar síðastliðinn.
Foreldrar hennar
voru Sigrún Ólafía
Markúsdóttir og Jón
Friðrik Marinó Þór-
arinsson. Systkini
Sigurbjargar: Bryn-
dís, Þórarinn Ágúst
og Sigurður Ágúst
sem öll eru látin, Að-
albjörg, búsett í
Reykjavík og Kári, búsettur á
Siglufirði. Bræður Sigurbjargar
sammæðra eru Júlíus og Hafliði
búsettir í Hafnarfirði og Gylfi bú-
settur í Reykjavík.
Dætur Sigurbjargar eru: 1) Sig-
rún Ólafía, f. 18. september 1951,
búsett á Siglufirði, hennar dóttir er
Tinna Ágústsdóttir. 2) Jóna Sigur-
rós, f. 17. október 1952, búsett á
Siglufirði, maki Björgvin Árnason.
Þeirra dætur eru
Kolbrún, Sigurbjörg
og Margrét. 3) Sig-
ríður Þóra, f. 28.
mars 1956, búsett á
Ísafirði, maki Ragn-
ar Ágúst Kristinsson.
Þeirra börn eru Rún-
ar, Jón Kristinn, Kar-
en og Halla Björk. 4)
Anna Linda, f. 28.
nóvember 1958, bú-
sett á Hofsós. Hennar
börn eru Sigrún,
Bjarni, Egill, Alma
og Þórhallur. 5)
Halla, lést í æsku. 6)
Hallfríður Jóhanna, f. 31. maí 1961,
maki Ægir Bergsson. Þeirra sonur
er Kormákur. Langömmubörn
Sigurbjargar eru sjö.
Sigurbjörg vann sem ung kona í
Félagsbakaríinu á Siglufirði en eft-
ir það alla starfsævi sína í rækju-
vinnslunni Siglósíld á Siglufirði.
Útför Sigurbjargar fer fram frá
Siglufjarðarkirkju í dag og hefst
athöfnin klukkan 14.
Ef þú sérð gamla konu þá minnstu móður
þinnar,
sem mildast átti hjartað og þyngstu störfin
vann.
Og fórnaði þér kröftum og fegurð æsku
sinnar,
og fræddi þig um lífið og gerði úr þér
mann.
(Davíð Stef.)
Elsku amma mín, lífið verður tóm-
legt án þín, fréttin um að þú værir
dáin kom á óvart þótt þú hefðir átt
við vanheilsu að stríða undanfarin ár.
Við huggum okkur við að nú sért
þú laus úr viðjum veikindanna og
sért nú eins og þú áttir að þér að
vera.
Minningar liðinna ára streyma
fram í hugann hver annarri fallegri
og oftast varst þú í aðalhlutverki,
amma að passa, amma að hvetja,
stundum skamma, gleðjast með okk-
ur eða hugga og hughreysta ef þess
þurfti. Hver var betri til þess en ein-
mitt þú amma? Í okkar augum gast
þú nánast allt.
Eldhúsið þitt á Hólaveginum
gegndi sérstöku hlutverki, það leið
varla sá dagur að einhver úr fjöl-
skyldunni færi þar um á leið sinni um
bæinn. Þar fóru oft fram fjörugar
umræður, góð ráð voru gefin og um-
fram allt fann maður alltaf hvað
maður var velkominn því þú vildir
vita af þínu fólki.
Þegar við barnabörnin vorum lítil
var það alltaf mesta tilhlökkunarefn-
ið að bíða eftir að þú færir með okkur
í útileguna sem þú fórst í á hverju
sumri, bara við og amma.
Í þessum ferðum kenndir þú okk-
ur eins og svo oft áður ótalmarga
hluti og við kynntumst alltaf nýrri
hlið á þér því þú varst alltaf að koma
okkur á óvart.
Þessar ferðir voru okkur dýrmæt-
ar og alltaf einhver ævintýraljómi yf-
ir þeim margt brallað og engin logn-
molla yfir ömmu með hópinn sinn.
Nú að leiðarlokum viljum við
þakka þér elsku amma allt sem þú
hefur gert fyrir okkur en fyrst og
fremst fyrir að hafa átt þig fyrir
ömmu. Þú gafst okkur öllum dýr-
mætt veganesti út í lífið og við mun-
um varðveita minninguna um þig í
hjarta okkar um ókomin ár.
Við sendum okkar dýpstu samúð-
arkveðjur til þín, elsku mamma, til
Sigrúnar, Siggu, Lindu og Höddu og
allrar fjölskyldunnar. Megi minning-
in um yndislega móður veita ykkur
styrk og sefa sárasta söknuðinn.
Það er sælt að vita til þess, elsku
amma, að þú kvaddir þennan heim
eins og þú sjálf hafðir óskað, heima í
rúminu þínu umvafin ást og hlýju
þinna nánustu. Við biðjum þér Guðs
blessunar í nýjum heimkynnum og
kveðjum þig með virðingu og þökk.
Sofðu rótt.
Þínar dótturdætur,
Margrét, Sigurbjörg og
Kolbrún Björgvinsdætur.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Elsku langamma, takk fyrir faðm-
lögin og kossana, umhyggjuna og
hlýjuna.
Guð og englarnir gæti þín.
Ástarkveðja,
Ýmir Örn, Jóna Björk,
Jóhanna Kristín, Rakel
Ásta og Björgvin Daði.
Nú ertu leidd mín ljúfa,
lystigarð Drottins í
þar áttu hvíld að hafa
hörmunga og rauna frí,
við Guð þú mátt nú mæla,
miklu fegri en sól
unan og eilíf sæla
er þín hjá lambsins stól.
(H. Pét.)
Sá hlekkur sem tengdi mig best
við föðurfjölskylduna mína er brost-
inn.
Dedda „stóra“ systir pabba er lát-
in. Mín fyrstu kynni af henni voru
þegar ég fékk að fara með mömmu
og Löllu móðursystur minni sem
unglingur í síld á Siglufirði.
Dedda hélt heimili með afa mínum
og dætrum sínum og var mér strax
vel tekið .
Þó heimilisfólkið væri margt virt-
ist alltaf nóg pláss fyrir fleiri og í lok
vinnudags var alltaf kíkt í kaffi heim
til Deddu.
Dedda var dugmikil kona, hún var
hjartahlý en stærsti kostur hennar
var að hún var hreinskilin, hún sagði
manni sína meiningu umbúðalaust
hvort sem manni líkaði betur eða
verr.
Þannig var hún kannski ekki allra
en hún var trygg þeim sem þurftu á
henni að halda, alla tíð reyndist
Dedda mér og minni fjölskyldu trú
og traust.
Undanfarin ár hefur hallað undan
fæti hjá frænku minni því heilsan var
farin að bila en hún átti því láni að
fagna að eiga góða fjölskyldu sem
studdi hana allt þar til yfir lauk.
Nú þegar leiðir skilur vil ég þakka
elskulegri föðursystur minni sam-
fylgdina, ég veit að vel hefur verið
tekið á móti henni í himnaríki og ég
er þess fullviss um að nú líður henni
vel .
Dætrum hennar og fjölskyldum
þeirra votta ég mína dýpstu samúð,
hún átti góða að að eiga ykkur. Guð
blessi minningu Sigurbjargar Jóns-
dóttur.
Pálína Þórarinsdóttir og
fjölskylda, Ísafirði.
SIGURBJÖRG
JÓNSDÓTTIR
R A Ð A U G L Ý S I N G A R
ATVINNUHÚSNÆÐI
Til leigu
306 fm húsnæði á jarðhæð í Ármúla.
Tilvalið sem lagerhúsnæði eða fyrir léttan
iðnað.
Til leigu
Til leigu 200 fm verslunarhúsnæði á jarðhæð
og 114 fm skrifstofuhúsnæði á 3. hæð, sem
geta verið þrjú samliggjandi herbergi. Til af-
hendingar strax. Nýtt, glæsilegt hús með lyftu.
Staðsetning í Bæjarlind 2, Kópavogi.
Upplýsingar í símum 544 4490 og 892 9249.
FUNDIR/ MANNFAGNAÐUR
Sjálfstæðisfélagar
í Kópavogi
Nú er komið að því. Hið árlega þorrablót
sjálfstæðisfélaganna í Kópavogi verður
haldið laugardaginn 27. janúar 2001 í
Lionsheimilinu, Auðbrekku 25—27
Húsið verður opnað kl. 18.30 og borðhald hefst
kl. 19.00. Miðaverð kr. 4.000.
Veislustjóri verður Halla Halldórsdóttir, bæjarfulltrúi.
Heiðursgestur er hr. Davíð Oddsson, forsætisráðherra.
Örn Árnason skemmtir.
Miðasala fer fram hjá Sjálfstæðisfélagi Kópavogs,
Hamraborg 1, í dag, laugardaginn 20. janúar, frá kl.
10—12. Einnig er hægt að panta miða og fá nánari
upplýsingar í síma 564 2317 alla virka daga frá kl.
10-12, eða á blot@isl.is .
Ósóttar pantanir er hægt að sækja fimmtudaginn
25. janúar milli kl. 17 og 19 í Hamraborg 1.
Sjálfstæðisfélagar — setjum upp sparisvipinn, klæð-
um okkur í dansskóna og gerum þetta að fjörugasta
þorrablóti hingað til. Allir velkomnir.
Nefndin.
TIL SÖLU
Ferðaþjónusta?
Til sölu eða leigu.
Til sölu eða leigu er ein af stærri ferðaþjónustu-
einingum í uppsveitum Árnessýslu.Um ræðir
þjónustumiðstöð með sundlaug og bensínaf-
greiðslu, veitingastað með fullkomnum eldhús-
búnaði, fimm sumarhús sem eru til útleigu,
og tjaldstæði. Eigninni fylgir 13 ha af landi og
einn sek.líter af heitu vatni.
Nánari upplýsingar veita Björn í s. 486-8951
og Ólafur í s.482-2988
ÝMISLEGT
Kona leitar karlmanns 55+
vel lesnum og viðræðugóðum sem talar ensku,
hefur ferðast og er víðsýnn, er til í labbitúra,
er með húmor í lagi og er áhugam. um dans/
kvikmyndir. Einveran orðin leiðigjörn en
skemmtistaðir ófýsilegur kostur. Svar sendist
augl.deild Mbl. merkt: „Aquarius— 2001“.
Lagerútsala
Hrím, umboðs- og heildverslun, er með
rýmingarútsölu á ýmsum vörum næstu
daga:
Búsáhöld, bað- og eldhúsvogir, bökunar-
vörur, hand- og rafmagnsverkfæri, veiði-
vörur o.m.fl.
Opið mánud.—föstud. frá kl. 9.00—18.00,
laugard. og sunnud. frá kl. 11.00—18.00.
Ath.: Hrím hefur flutt í nýtt aðsetur á
Smiðjuveg 5, Kópavogi (grá gata),
sími 544 2020, fax 544 2021.
SMÁAUGLÝSINGAR
FÉLAGSLÍF
Lynghálsi 3, 110 Reykjavík
Samkomur á morgun, sunnu-
dag, kl. 11.00.
Aukasamkoma kl. 20.00.
Predikari rev. Paul Hanssen.
Allir hjartanlega velkomnir.
Gönguferð 21. jan. kl. 11:00:
Hellisheiði — Tröllahlíð —
Votaberg, um 4 klst á göngu,
10 km, 200 m lækkun. Brottför
frá BSÍ og Mörkinni 6. Verð
1.600.
Munið þorrablótsferð 10.-11.
febr. Gist í Brattholti, Gullfoss í
klakaböndum, glens og gaman á
blóti. Fararstjóri Ólafur Sigur-
geirsson. Leiðsögn í gönguferð
Arnór Karlsson.
www.fi.is, textavarp RUV bls.
619. S. á skrifstofu 568 2533.
Sunnudagur 21. janúar kl.
10.30
Vetrarganga á Heiðmörk.
Fjárborgin Hólmsborg, norska
húsið, undanfari og fleira
skemmtilegt í 3 klst. göngu.
Kjörin fjölskylduferð. Verð 900
kr. f. félaga og 1.100 kr. f. aðra,
frítt f. börn m. fullorðnum.
Miðar í farmiðasölu. Brottför frá
BSÍ.
Ferðaáætlun 2001 er komin á
heimasíðuna: utivist.is .
Prentútgáfan kemur í næstu
viku.
Vertu félagi í Útivist, líflegu
ferðafélagi.
Íslandsbanki-FBA tekur á
móti Jeppadeild Útivistar
miðvikudaginn 24. janúar
kl. 20.00 á Kirkjusandi 2.
Norðurpólsfarinn Haraldur Örn
Ólafsson segir frá reynslu sinni
og kynnir bókina „Einn á
ísnum“.
Næstu ferðir Jeppadeildar
kynntar og hugmyndir undan-
fara- og fararstjóratilhögun.
Allir velkomnir.
Jeppadeld Útivistar auglýsir eftir
drífandi jeppamönnum eða fróð-
um, frásagnaglöðum einstakl-
ingum til að annast leiðsögn og
aðstoð í ferðum.
Nánari upplýsingar á fundi
Jeppadeildar þann 24. janúar
eða á skrifstofu Útivistar.
Fimmtud. 25. janúar kl. 20:
Opið hús
í Naustkjallaranum.
Hverjir eiga hálendið?
Ívar Björnsson fjallar um þetta
mikilvæga mál. Slegið á létta
strengi með Básabandinu og
hitað upp fyrir þorrablótið og
aðrar ferðir. Þorrablótsferð í
Húnaþing vestra 2.-4. febrúar.
Bókið tímanlega því ferðin er
geysivinsæl!
Sjáumst!
Guðsþjónusta
í Friðrikskapellu sunnudaginn
21. jan. kl. 10.00.
Erkibiskup rússnesku Ortho-
doxkirkjunnar, Longin, mess-
ar. Á eftir er fundur með kirkju-
gestum. Nánari upplýsingar í
síma 551 5156.
Allir velkomnir.
Handrit afmælis- og minningargreina skulu vera vel frá gengin, vélrituð eða tölvusett. Sé
handrit tölvusett er æskilegt, að disklingur fylgi útprentuninni. Senda má greinar til blaðsins
í bréfsíma 569 1115, eða á netfang þess (minning@mbl.is). Nauðsynlegt er, að símanúmer höf-
undar/sendanda fylgi. Nánari upplýsingar má lesa á heimasíðum. Það eru vinsamleg tilmæli
að lengd greina fari ekki yfir eina örk A-4 miðað við meðallínubil og hæfilega línulengd — eða
2.200slög. Höfundar eru beðnir að hafa skírnarnöfn sín en ekki stuttnefni undir greinunum.