Morgunblaðið - 17.02.2001, Blaðsíða 2
FRÉTTIR
2 LAUGARDAGUR 17. FEBRÚAR 2001 MORGUNBLAÐIÐ
Fylgstu
með
nýjustu
fréttum
www.mbl.isVið vanmetum ekki lið HK,
segir þjálfari Hauka /B2
ÍSÍ lýsir yfir vonbrigðum með
ákvörðun UMFÍ /B1
4 SÍÐUR20 SÍÐUR
Sérblöð í dag
Á LAUGARDÖGUM L a u g a r d a g u r17.
f e b r ú a r ˜ 2 0 0 1
HALLDÓR Ásgrímsson, formaður
Framsóknarflokksins, segist leggja
áherslu á að sátt náist í sjávarútvegs-
málum á grundvelli álits auðlinda-
nefndarinnar. Hann ítrekar fyrri yf-
irlýsingar um að það komi til álita að
hluti af veiðiheimildunum fari á
markað þegar verið er að auka afla-
kvóta.
Kristinn H. Gunnarsson, þing-
flokksformaður Framsóknarflokks-
ins og varaformaður sjávarútvegs-
nefndar Alþingis, setti fram
hugmyndir um innköllun aflaheim-
ilda og endurúthlutun þeirra á jafn-
réttisgrundvelli við utandagskrár-
umræðu um skýrslu auðlindanefndar
á Alþingi sl. þriðjudag. Hyggst Krist-
inn vinna þessari tillögu fylgi innan
sjávarútvegsnefndar og einnig innan
Framsóknarflokksins, en flokksþing
hans verður haldið í næsta mánuði.
Við sömu umræðu hafnaði annar
þingmaður Framsóknarflokksins,
Páll Pétursson félagsmálaráðherra,
hugmyndum um veiðigjald en kvaðst
geta fallist á einhverja útgáfu af fyrn-
ingarleiðinni.
Halldór Ásgrímsson, formaður
Framsóknarflokksins, kveðst leggja
áherslu á að það náist sátt í þessum
málum á grundvelli álits auðlinda-
nefndarinnar. „Fyrir mitt leyti vil ég
vinna á þeim grundvelli. Framsókn-
arflokkurinn ályktaði um þessi mál á
síðasta flokksþingi og við höfum unn-
ið á þeim grundvelli. Við förum ekki
út í meiriháttar stefnubreytingu í
þessu máli nema flokksþingið sam-
þykki það. Ég, Kristinn og aðrir
verðum að sætta okkur við niður-
stöðu flokksþingsins,“ sagði Halldór.
Hann segir að hvort sem valin
verði leið fyrningar eða veiðigjalds
leggi hann áherslu á að farið verði í
allt slíkt með fullri hófsemd þannig
að sjávarútvegurinn geti áfram verið
helsta stoð samfélagsins. Komið hafi
fram að sjávarútvegsfyrirtækin séu
rekin með miklum halla og því virðist
ekki ára vel til skattlagningar á þau
um þessar mundir.
„Ég hef opnað á það áður í mínu
máli að það komi til álita að hluti af
veiðiheimildunum fari á markað þeg-
ar um aukningu er að ræða. Á síðasta
flokksþingi kom það fram að þegar
aflaheimildir færu fram úr tilteknum
mörkum kæmi til álita að setja hluta
af því magni á markað. Þær sam-
þykktir gefa ákveðið svigrúm en að-
alatriðið í mínum huga er að vinna að
málinu á þeim grundvelli sem ég
minntist á áður,“ sagði Halldór.
Halldór Ásgrímsson um ummæli Kristins H. Gunnarssonar
Sátt sköpuð á grundvelli
skýrslu auðlindanefndar
HALLDÓR Ásgrímsson utanrík-
isráðherra setti í gærkvöldi
Bridshátíð Flugleiða og Brids-
sambands Íslands sem haldin er í
20. sinn á Hótel Loftleiðum um
helgina.
Á þriðja hundrað spilarar taka
þátt í tvímenningsmóti sem lýkur
í kvöld og á morgun hefst sveita-
keppni með þátttöku um 400 spil-
ara. Fjöldi erlendra keppenda frá
Svíþjóð, Bretlandi, Póllandi,
Bandaríkjunum, Kína og Suður-
Afríku tekur þátt í mótinu.
Reyna sig
við græna
borðið
Morgunblaðið/Árni Sæberg
Halldór Ásgrímsson utanríkisráðherra setti bridshátíðina og spilaði við hinn þekkta spilara Zia Mahmood.
Hann keppir nú fyrir Bandaríkjamenn og hefur komið oftar á hátíðina en nokkur annar erlendur spilari.
ÞORSTEINN Már Baldvinsson, for-
stjóri Samherja hf., segir að komi til
þess að hin svokallaða Japansloðna
gefi sig að einhverju marki verði eitt
og jafnvel tvö af frystiskipum félags-
ins tekin í loðnufrystingu.
Skipin sem um ræðir eru Akureyr-
in EA og Baldvin Þorsteinsson EA og
yrðu þau þá í Grindavík eða Reykja-
vík en flokkunarstöð Samherja er í
Grindavík. Samtals geta skipin fryst
um 1.000 tonn af loðnu á sólarhring.
„Ef loðnan gefur sig og flokkast vel
tökum við inn skip í frystinguna í
samræmi við það. Við höfum gert
þetta áður en það hefur þó ekki verið
nein Japansloðna undanfarin tvö ár.
Loðnan fyrir vestan er stærri núna og
væntanlega vinnsluhæf en þetta er
líka spurning um tíðarfar og veður
hamlar veiðum nú.“
Þorsteinn Már segir að aðstaða til
loðnuflokkunar í Grindavík sé góð og
ef ekki verði um mikið magn að ræða
fari frystingin eingöngu fram í frysti-
húsi félagsins þar.
Aðspurður um yfirvofandi verkfall
sjómanna 15. mars nk. segist Þor-
steinn Már ekki vera allt of bjartsýnn
á lausn málsins. „Auðvitað vonar
maður og trúir því í lengstu lög að við
náum að klára þetta mál og það gerir
þetta enginn fyrir okkur núna.“
Í athugun að taka tvö frystiskip Samherja hf. í loðnufrystingu
Geta fryst um 1.000
tonn á sólarhring
TURNINN á Ytri-Njarðvíkurkirkju
skemmdist í óveðrinu, sem gekk
yfir landið í fyrrinótt, þegar eld-
ingu laust niður í hann. Svo virðist
sem eldingin hafi farið gegnum
turninn og brotið af honum topp-
inn. Eldingin olli steypuskemmd-
um á 20 cm löngum kafla og var
kraftur hennar slíkur að eldinga-
vari kirkjunnar dugði ekki til.
Eldingin olli einnig rafmagns-
skemmdum í kirkjunni en búið var
að koma rafmagni á að nýju um há-
degisbil í gær. Atvikið hindrar
ekki messuhald í kirkjunni.
Morgunblaðið/Hilmar Bragi Bárðarson
Múrbrot eftir eldinguna í höndum
Þóris Jónssonar kirkjuvarðar.
Eldingu laust
niður í kirkju
SJÓNVARPIÐ hóf nýlega birtingu
auglýsinga frá Sparisjóðunum fyrir
og eftir veðurfréttir á kvölddag-
skránni. Útvarpsráð fjallaði sl.
haust um beiðni auglýsingadeildar
Ríkisútvarpsins um kostun á veð-
urfregnum og setti ráðið sig ekki
upp á móti þeim áformum, utan
varaformaður útvarpsráðs sem bók-
aði mótmæli. Magnús Jónsson veð-
urstofustjóri er ekki ánægður með
þessar auglýsingar og í samtali við
Morgunblaðið sagðist hann hafa
rætt málið við framkvæmdastjóra
Sjónvarps. Vonaðist hann til þess að
sátt næðist um ákveðnar breyting-
ar.
Magnús sagði að Veðurstofan
hefði ekki komið nálægt undirbún-
ingi þessarar kostunar og ekki hefði
verið gerður samningur við Sjón-
varpið og þaðan af síður við Spari-
sjóðina. Hann sagði að eins og þessi
auglýsing birtist kæmi hún meira út
eins og vörumerki eða „lógó“ veð-
urfréttanna.
Veður-
stofustjóri
óánægður
Kostun veðurfrétta
í Sjónvarpi
LÖGREGLAN í Kópavogi handtók
mann snemma í gærmorgun þar sem
hann reyndi að nota debetkort ann-
ars manns á skemmtistað. Maðurinn
var nokkuð ölvaður og við leit fund-
ust á honum fíkniefni. Lögreglan í
Kópavogi stöðvaði einnig í fyrrinótt
mann sem grunaður er um ölvunar-
akstur.
Reyndi að nota
debetkort
annars manns
♦ ♦ ♦
MIKLAR lakkskemmdir urðu á níu
bílum sem lagt var á bílastæði við
Síldarvinnsluna í Neskaupstað í
gærmorgun þegar fárviðri gekk þar
yfir. Bílastæðið er nýtt en ekki hefur
verið lögð klæðning á það. Möl þeytt-
ist á bílana og skemmdi lakk og
braut í þeim rúður. Lögreglan telur
að tjónið geti numið hátt á aðra millj-
ón króna.
Skemmdir
á bílum í
Neskaup-
stað