Morgunblaðið - 17.02.2001, Blaðsíða 16

AKUREYRI
16 LAUGARDAGUR 17. FEBRÚAR 2001 MORGUNBLAÐIÐ
FISKELDI Eyjafjarðar var kjörið
fyrirtæki ársins 2000 á Akureyri en
það er atvinnumálanefnd Akureyr-
ar sem stendur fyrir kjörinu. Fisk-
eldi Eyjafjarðar var stofnað árið
1987, en hefur vaxið og dafnað á
liðnum árum. Á síðasta ári voru
framleidd hjá félaginu 400 þúsund
lúðuseiði og var þetta þriðja árið í
röð sem Fiskeldi Eyjafjarðar er
stærsti framleiðandi lúðuseiða í
heiminum.
Jakúp Jakobsson eigandi versl-
unarmiðstöðvarinnar Glerártorgs
sem opnuð var síðla á síðasta ári
var valinn frumkvöðull ársins en
slík viðurkenning er veitt einstak-
lingi sem sýnt hefur frumkvæði í
starfi.
Eigendur veitingahússins Baut-
ans fengu viðurkenningu fyrir gott
framlag til atvinnulífs á Akureyri,
en í byrjun apríl verða 30 ár liðin
frá því veitingahúsið var opnað.
Eigendur Bautans reka einnig veit-
ingastaðinn La Bella é Vita, þeir
reka umfangsmikla veisluþjónustu,
sjá um veitingarekstur á Glerár-
torgi og einnig reka þeir skóla-
mötuneyti.
Fiskeldi Eyjafjarð-
ar fyrirtæki ársins
Viðurkenningar atvinnumálanefndar
VINKONURNAR Rebekka Rún
Sævarsdóttir og Ellen Ýr Gunn-
laugsdóttir létu það ekki á sig fá
þó nokkur kalsi hafi verið í veðri
nú í vikunni þegar þær brugðu
sér í sundlaugina á Dalvík. Stúlk-
urnar eru báðar 7 ára gamlar og
eru í öðrum bekk í Dalvíkurskóla.
„Við förum oft í sund, næstum á
hverjum degi,“ sögðu þær. Þeim
þykir gaman að synda og gera
dálítið af því en ekki er síðra að
slaka á og spjalla saman í heita
pottinum. „Það skiptir engu máli
þó að það sé kalt,“ sögðu þær
stöllur.
Morgunblaðið/Kristján
Rebekka Rún og Ellen Ýr eru duglegar að mæta í sundlaugina á Dalvík.
Gaman í sundi
AKUREYRARKIRKJA: Biblíudag-
ur á morgun, sunnudag, messa kl.
11, séra Guðmundur Guðmunds-
son. Tekið við framlögum til Bibl-
íufélagsins. Sunnudagaskólinn
verður einnig kl. 11, fyrst í kirkju
en síðan í Safnaðarheimili. Fundur
Æskulýðsfélags verður kl. 17 í
kapellu. Biblíulestur á mánudags-
kvöld kl. 20.30. Tíu boðorð, „Trú-
festi og svik“. Séra Guðmundur
Guðmundsson hefur umsjón með
fræðslunni. Morgunsöngur í kirkj-
unni kl. 9 á þriðjudagsmorgun.
Mömmumorgunn kl. 10 til 12 á
miðvikudag. Björn Gunnarsson
barnalæknir ræðir um ofbeldi
gegn börnum. Kyrrðar- og fyrir-
bænastund verður kl. 12 á fimmtu-
dag. Bænaefnum má koma til
prestanna. Léttur hádegisverður í
Safnaðarheimili á eftir.
GLERÁRKIRKJA: Barnasamvera
og messa kl. 11 á morgun, sunnu-
dag. Sameiginlegt upphaf, foreldr-
ar hvattir til að mæta með börnum
sínum. Kyrrðar- og tilbeiðslustund
í kirkjunni kl. 18.10 á þriðjudag.
Hádegissamvera á miðvikudag kl.
12 til 13, helgistund, fyrirbænir og
sakramenti. Léttur hádegisverður
í safnaðarsal á vægu verði á eftir.
Opið hús fyrir mæður og börn frá
kl. 10 til 12 á fimmtudag, heitt á
könnunni og svali fyrir börnin.
Æfing barnakórs Glerárkirkju
verður kl. 17.30 á fimmtudag.
GRUNDARKIRKJA: Messa og
kirkjuskóli verður sunnudaginn 18.
febrúar í Grundarkirkju kl. 13.30.
Sama dag verður sungin messa á
Kristnesspítala kl. 15.
HJÁLPRÆÐISHERINN: Sunnu-
dagaskóli á morgun kl. 11, bæn kl.
19.30 og almenn samkoma kl. 20.
Heimilasamband kl. 15 á mánudag.
Biblíufræðsla, súpa og brauð kl. 19
á miðvikudag.
HRÍSEYJARPRESTAKALL:
Sunnudagaskóli í Hríseyjarkirkju
kl. 11 á morgun, sunnudag. Sunnu-
dagaskóli verður í Stærri-Árskógs-
kirkju kl. 11 á morgun, sunnudag.
HVÍTASUNNUKIRKJAN: Brauðs-
brotning kl. 20 í kvöld, laugardag,
Tummas Jakobsen predikar.
Sunnudagaskóli fjölskyldunnar
verður á morgun, sunnudag, kl.
11.30. Aldursskipt kennsla þar
sem allir fá eitthvað við sitt hæfi.
G. Theodór Birgisson sér um
kennsluna. Vakningasamkoma kl.
16.30 sama dag. Fjölbreytt lof-
gjörðartónlist verður flutt og Ólaf-
ur Zóphoníasson predikar. Fyrir-
bænaþjónusta, krakkakirkja og
barnapössun. Bænastundir er alla
virka daga í Hvítasunnukirkjunni
og hefjast þær kl. 6.30.
KAÞÓLSKA KIRKJAN: Messa í
dag, laugardag kl. 18 og á morgun,
sunnudag kl. 11 í Péturskirkju,
Hrafnagilsstræti 2.
MÖÐRUVALLAKIRKJA: Guðs-
þjónusta verður fyrir allt presta-
kallið í Möðruvallakirkju sunnu-
daginn 18. febrúar kl. 11 f.h.
(Athugið vel tímann!) Barn verður
borið til skírnar. Mætum öll og
njótum samveru í húsi Guðs.
SJÓNARHÆÐ: Sunnudagaskóli í
Lundarskóla kl. 13.30 á morgun.
Almenn samkoma á Sjónarhæð,
Hafnarstræti 63 kl. 17. Fundur
fyrir krakka 6–12 ára á Sjónarhæð
kl. 17.30.
Messur
Grímsey - Betur fór en á horfðist í
gærmorgun þegar báturinn Kósý
EA 27 slitnaði frá bryggju og rak
upp í fjörugrjót.
Báturinn sem er Sómi 860, í eigu
Hannesar Sveinbergssonar frá Dal-
vík, var kominn upp í grjótgarð í
innri höfninni laust fyrir kl. 8 í gær-
morgun. Sigurður Bjarnason var á
leið til vinnu og sá hvernig komið var
og lét snarlega vita. Þegar eigand-
inn kom niður að höfn voru Sigurður
og félagi hans búnir að koma taug í
bátinn og ná honum að bryggju.
Báturinn var skoðaður þegar al-
bjart var orðið og reyndist
óskemmdur. Hannes var hræddur
um að drifið hefði laskast en við nán-
ari athugun virtist það vera í lagi.
Afspyrnuhvasst hefur verið í
Grímsey síðan í fyrrinótt eða „vein-
andi drift“ eins og gamlir Grímsey-
ingar hafa gjarnan orðað það og
brotsjóir gengið yfir hafnargarðinn.
Bát rak upp í fjörugrjót
Veðrinu lýst sem „veinandi drift“
AGLOW, kristileg samtök
kvenna heldur fund í Félags-
miðstöðinni í Víðilundi næst-
komandi mánudagskvöld, 19.
febrúar og hefst hann kl. 20.
Séra Solveig Lára Guð-
mundsdóttir flytur ræðu
kvöldsins. Þá verður á dagskrá
söngur, lofgjörð og fyrirbæna-
þjónusta. Þátttökugjald er 450
krónur.
Aglow-
fundur
UMHVERFISRÁÐ Akureyrarbæj-
ar veitti eigendum íbúðarhússins
Helgamagrastræti 10 á Akureyri
frest til 17. apríl næstkomandi til að
skila inn fullkomnum aðalteikningum
að húsinu sem standast þær kröfur
sem gerðar eru í byggingareglugerð.
Meðal þess sem eigendur þurfa að
gera er að sýna fram á að burðarvirki
þess hluta hússins sem ekki hefur
verið samþykkt áður sé í lagi.
Eigendur hússins hafa sent inn
raunteikningar af húsinu, en við yf-
irferð þeirra kom í ljós að ýmis atriði
standast ekki byggingareglugerð að
sögn Vilborgar Gunnarsdóttur for-
manns Umhverfisráðs.
Forsaga málsins er sú að bygginga-
nefnd samþykkti í apríl á síðasta ári
að eigiendur hússins við Helgamagra-
stræti 10 skyldu rífa húseignir á lóð
sinni en fyrir þeim skorti bygginga-
leyfi. Samtals var þar um að ræða 100
fermetra. Húseigendur kærðu þessa
ákvörðun til úrskurðarnefndar skipu-
lags- og byggingamála en nefndin
skilaði áliti sínu í septembermánuði í
fyrra. Nefndin felldi samþykkt bygg-
inganefndar úr gildi. Lagði nefndin
fyrir bygginganefnd að taka umsókn
eigenda um byggingaleyfi til með-
ferðar að nýju og ljúka afgreiðslu
hennar. Á fundi umhverfisráðs í vik-
unni var svo samþykkt að gefa eig-
endum frest fram yfir miðjan apríl til
að skila inn aðalteikningum af húsinu.
Deilurnar um íbúðarhúsið við Helgamagrastræti 10
Frestur til að skila aðal-
teikningum fram í apríl