Morgunblaðið - 17.02.2001, Side 76
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 17. FEBRÚAR 2001 VERÐ Í LAUSASÖLU 165 KR. MEÐ VSK.
ÓPERAN La Bohème eftir Giacomo
Puccini var frumsýnd í Íslensku óp-
erunni í gær. Hljómsveitarstjóri er
Tugan Sokhiev, en leikstjórn er í
höndum Jamie Hayes. Söngvarar,
hönnuðir og aðrir sem að sýning-
unni standa eru úr röðum íslenskra
listamanna og Íslenska óperan hef-
ur fengið til liðs við sig unga söngv-
ara sem flestir starfa erlendis.
Myndin var tekin örfáum mín-
útum fyrir frumsýningu þegar bún-
ingsherbergi Óperunnar iðaði af
lífi og lokahönd var lögð á undir-
búning stóru stundarinnar. Unga
snótin Sunnefa Gunnarsdóttir, sem
syngur með barnakórnum, fann þó
ekkert fyrir sviðsskrekk og beið
sallaróleg eftir fyrstu innkomu.
Einn leikara sýningarinnar,
Skarphéðinn Þór Hjartarson, varð
svo fyrir því óhappi rétt fyrir hlé að
detta í stiga á leið út af sviðinu og
meiða sig á fæti. Þrír læknar úr
áhorfendahópnum gerðu að
meiðslum Skarphéðins sem síðan
var sendur með sjúkrabíl á sjúkra-
hús til frekari aðhlynningar.
Frumsýn-
ingarkvöld í
Óperunni
Morgunblaðið/Kristinn
BUENA VISTA Social Club
hljómsveitin er væntanleg
hingað til lands og heldur tón-
leika í Laugardalshöll 30. apr-
íl næstkomandi. Í hljómsveit-
inni verða fjölmargir hljóð-
færaleikarar, þar á meðal
píanóleikarinn Rubén Gonzál-
ez og söngvararnir Ibrahim
Ferrer og Omara Portuondo.
Alls kemur átján manna
hljómsveit hingað til lands
vegna tónleikanna, en þessi
hópur hefur verið á ferð um
Evrópu í kjölfar kvikmyndar-
innar Buena Vista Social Club
og samnefndrar hljómplötu
sem selst hefur í stóru upplagi
hér á landi og um heim allan.
Þeir Ibrahim Ferrer og
Rubén González urðu heims-
frægir í kjölfar sýningar kvik-
myndarinnar og útgáfu plöt-
unnar, en González er átt-
ræður og Ferrer 73 ára.
Hljómsveitin kemur hingað til
lands á vegum Iceland Air-
waves-tónlistarhátíðarinnar.
Buena
Vista á leið
til Íslands
STURLA Böðvarsson samgöngu-
ráðherra segist mjög svartsýnn á
að deilan við flugumferðarstjóra
leysist áður en verkfall hefst á
þriðjudag. Ráðherra boðaði stjórn
Félags íslenskra flugumferðar-
stjóra á sinn fund í gærmorgun,
þar sem hann beindi þeim tilmæl-
um til félagsins að fresta verkfall-
inu og eru flugumferðarstjórar að
íhuga málið. Varðandi möguleikann
á lagasetningu til að koma í veg
fyrir verkfall segir Sturla að
stjórnvöld hafi ekki gefið neitt færi
á því að leysa samningsaðila undan
ábyrgð með lagasetningu og ekki
yrði um slíkt að ræða í þessu til-
felli.
Sturla sagðist í samtali við Morg-
unblaðið meta bréfið sem hann
fékk frá Alþjóðaflugmálastofnun-
inni þannig að gerðar væru stífar
kröfur til Íslendinga um að upp-
fylla samninginn. „Samkvæmt
bréfinu kemur það skýrt fram, að
getum við ekki efnt samninginn
verði aðrir kallaðir til þess. Það er
alveg ljóst að Alþjóðaflugmála-
stofnunin mun þegar í stað setja af
stað vinnu við að leysa þetta mál.
Þeir munu ekki láta það viðgangast
að það verði truflun á fluginu.“
Loftur Jóhannsson, formaður
Félags íslenskra flugumferðar-
stjóra, segist ekki túlka bréfið
þannig að yfirvofandi verkfall hafi
afgerandi áhrif á framtíð flugum-
ferðarþjónustunnar. Það væri túlk-
un stjórnvalda en ekkert í bréfinu
benti til þess og forseti ICAO væri
í raun að áminna stjórnvöld um
ábyrgð þeirra og skyldur á íslenska
flugstjórnarsvæðinu. Verkfallsað-
gerðir væru í samræmi við alþjóða-
samninga og lög og auðvitað gætu
verkföll orðið og hefðu átt sér stað
annars staðar en á Íslandi. Félagið
sendi frá sér yfirlýsingu í gær þar
sem skorað er á stjórnvöld að beita
sér fyrir því að samninganefnd rík-
isins verði þegar falið að ganga til
samninga á grundvelli tillagna rétt-
arstöðunefndar og í samræmi við
ábendingar Alþjóðaflugmálastofn-
unarinnar.
Að sögn Lofts stranda viðræður
á því að samninganefnd ríkisins
hefur talið sig óbundna af tillögum
nefndarinnar, sem samgönguráð-
herra setti á laggirnar um áramót-
in 1995/96 og skilaði skýrslu í júní
1997. Flugumferðarstjórar leggja
mikla áherslu á að samið verði sam-
kvæmt tillögum nefndarinnar þar
sem m.a. er kveðið á um að fjölga
þurfi flugumferðarstjórum, draga
úr yfirvinnu og auka dagvinnulaun.
Flugumferðarstjórar vilja að ríkið gangi til samninga
Ráðherra svartsýnn
á að deilan leysist
Miklir/38
RÁÐGJAFARNEFND um opinber-
ar eftirlitsreglur hefur lagt til við
ríkisstjórnina að allt matvælaeftirlit
verði sett undir eina stofnun og eitt
ráðuneyti. Í dag heyrir matvælaeft-
irlit undir þrjú ráðuneyti. Yfirdýra-
læknir og Aðfangaeftirlitið heyra
undir landbúnaðarráðuneytið, Fiski-
stofa undir sjávarútvegsráðuneytið
og Hollustuvernd ríkisins undir um-
hverfisráðuneytið. Heilbrigðiseftirlit
er síðan á ábyrgð hvers sveitar-
félags. Þetta kom fram í erindi Ingi-
mars Sigurðssonar, skrifstofustjóra
í umhverfisráðuneytinu, sem hann
flutti á námstefnu um kúariðu í Evr-
ópu og áhrif hennar á Íslandi, sem
fræðslunet Suðurlands stóð fyrir.
Sjöfn Sigurgísladóttir, forstöðu-
maður matvælaeftirlits Hollustu-
verndar ríkisins, sagði á námstefn-
unni að innra eftirlit matvælafyr-
irtækja væri ekki í lagi í um 70%
tilfella. Hún taldi ljóst að þörf væri á
stórátaki.
Allt matvælaeftirlit sam-
einað undir einni stofnun
Innra eftirlit/11
ÁRVEKNI afgreiðslustúlku í versl-
un á höfuðborgarsvæðinu leiddi í
gær til handtöku tveggja manna,
sem grunaðir eru um að hafa farið á
milli verslana undanfarna daga og
svikið út vörur fyrir u.þ.b. eina millj-
ón króna með stolnu greiðslukorti.
Lögreglan í Reykjavík handtók
mennina í gær í kjölfar þess að af-
greiðslustúlkan efaðist um að hand-
hafi greiðslukortsins væri eigandinn.
Fram að því hafði annar mann-
anna framvísað greiðslukortinu, sem
á var mynd af eiganda þess. Ef hann
var spurður um skilríki kortinu til
staðfestingar framvísaði hann öku-
skírteini enn annars manns og fékk
þannig afgreiðslu. Með þessu tókst
að svíkja út úr verslunum geislaspil-
ara, fatnað, byggingarvörur, hljóm-
tæki, matvörur, tölvur, myndbands-
upptökuvél o.fl. Á tímabilinu höfðu
mennirnir samband við viðskipta-
banka eiganda kortsins og fengu
hækkaða úttektarheimildina svo
þeir gætu haldið áfram.
Það var ekki fyrr en mennirnir
ætlaðu að kaupa sér pylsu með
stolna kortinu að afgreiðslustúlkan
efaðist um réttmæti viðskiptahátt-
anna. Að sögn lögreglunnar virðist
athygli afgreiðslufólks verslananna í
þessum tilvikum því ekki hafa verið í
réttu hlutfalli við verðmætin, sem
verið var að reyna að svíkja út.
Pylsa varð
stórþjófum
að falli