Morgunblaðið - 17.02.2001, Blaðsíða 19

VIÐSKIPTI
MORGUNBLAÐIÐ LAUGARDAGUR 17. FEBRÚAR 2001 19
NÝVERIÐ var haldinn fundur á
vegum KPMG á Íslandi um hollensk
eignarhaldsfélög og þá möguleika
sem íslensk fyrirtæki geta nýtt sér í
því sambandi. Í erindi sínu rakti
Bernhard Bogason lögfræðingur
hvers vegna hagstætt sé fyrir fyr-
irtæki að stofna hollensk eignar-
haldsfélög. Almenn regla í Hollandi
gerir ráð fyrir að skattar til er-
lendra aðila séu 25%. Samkvæmt
tvísköttunarsamningi við Holland er
arður frá Hollandi til íslenskra aðila
skattlagður um 15%. Í samningnum
er sérregla sem fellir niður skatt-
lagninguna ef íslenska félagið á
meira en 10% í hollenska félaginu.
Auk þess er enginn skattur lagður á
vexti eða greiðslur vegna hugverka
og sérleyfa. Þessi sérregla verður að
teljast afar hagstæð, ekki síst í ljósi
þess mikla fjölda tvísköttunarsamn-
inga sem Holland hefur gert. Hol-
lensk stjórnvöld hafa gert um 70 tví-
sköttunarsamninga sem ná til um 90
landa. Til samanburðar má geta
þess að Ísland hefur einungis gert
tvísköttunarsamning við innan við
20 lönd. Hollensku eignarhalds-
félögin séu því mjög álitlegur kostur
fyrir fyrirtæki sem reka starfsemi
og eiga dótturfélög víðs vegar um
heim.
Nýjasta útflutningsvara Hollands
Harrie van Duin skattalögfræð-
ingur hjá KPMG í Rotterdam
kynnti hollensku eignarhaldsfélögin
á ráðstefnunni og nefndi nokkur
dæmi um hagkvæmni þess að stofna
eignarhaldsfélag í Hollandi fyrir ís-
lenska aðila.
Fyrst tók hann dæmi af fyrirtæki
með alþjóðlega starfsemi í þremur
löndum sem ekki hafa tvísköttunar-
samning við Ísland. Hvert dóttur-
fyrirtæki greiðir 100 milljónir, sam-
tals 300 milljónir, í arð til móður-
fyrirtækis sem er skattlagður um
samtals 65 milljónir á milli landa.
Arðurinn, kominn til móðurfyrir-
tækisins, hefur því minnkað úr 295
milljónum í 235.
Ef móðurfyrirtækið hefði hins
vegar stofnað eignarhaldsfélag í
Hollandi sem tæki við arðgreiðsl-
unum frá dótturfyrirtækjunum
næmi skattlagningin einungis um
fimm milljónum króna. Í þessu til-
felli lækkar skattgreiðslan frá Japan
úr tuttugu milljónum í fimm millj-
ónir vegna tvísköttunarsamningsins
milli Hollands og Japan.
Að stofna fjárhagslegt eignar-
haldsfélag sem hefur lána- og fjár-
málastarfsemi með höndum getur
líka verið hagstætt. Van Duin tók
dæmi af íslensku fyrirtæki sem veit-
ir dótturfyrirtæki á Írlandi lán.
Vaxtagreiðslur að upphæð einni
milljón króna milli Írlands og Ís-
lands væru skattlagðar um 22%.
Nettógreiðslan til móðurfyrirtækis-
ins væri því 780 þúsund. Ef hins
vegar peningarnir væru lánaðir í
gegnum hollenskt eignarhaldsfélag
yrðu greiðslurnar milli Írlands og
Hollands annars vegar og Hollands
og Íslands hins vegar skattfrjálsar.
Venjulega er vaxtamunurinn milli
Hollands og Írlands hækkaður um
fjórðung úr prósenti til að mæta
kostnaði í Hollandi og sýna fram á
að hollenska félagið hafi löggilta
starfsemi með höndum. Þrátt fyrir
þennan vaxtamun myndu um 990
þúsund af einni milljón flytjast til
móðurfyrirtækisins á Íslandi. Í
þessu tilfelli hefði íslenska félagið
sparað sér skattgreiðslu upp á 210
þúsund. Þessi dæmi eru auðvitað
einungis til glöggvunar og fyrirtæk-
in eru auðvitað í mismunandi að-
stöðu en hollensku eignarhalds-
félögin eru álitlegur kostur fyrir
mörg fyrirtæki.
Í samtali við van Duin kom fram
að hollensk stjórnvöld hafa unnið
markvisst að því að gera tvískött-
unarsaminga og skapa hagstætt
skattalegt umhverfi fyrir innlend og
erlend fyrirtæki. Að baki þeirri
stefnu liggur sú röksemd að í al-
þjóðlegu umhverfi sé það skylda
stjórnvalda að ganga úr skugga um
að rekstrarskilyrði fyrirtækja séu
með því besta sem þekkist í alþjóð-
legu samhengi. Svo dæmi sé tekið
þá hafi það veruleg áhrif á sam-
keppnisstöðu hollensks fyrirtækis ef
tvísköttunarsamningar væru ekki í
gildi. Hollenskt fyrirtæki sem væri
með starfsemi á Spáni væri í verri
samkeppnisstöðu gagnvart spænsk-
um keppinautum ef það væri skatt-
lagt bæði á Spáni og í Hollandi. Við-
bótarskattlagning af hálfu
hollenskra stjórnvalda myndi skaða
samkeppnisstöðu hollenska fyrir-
tækisins. Holland væri lítið land og
nauðsynlegt væri fyrir þau að geta
tekið virkan þátt í samkeppni á er-
lendum mörkuðum á sama grund-
velli og innlend fyrirtæki.
Aðspurður um skattastefnu ein-
stakra þjóða innan ESB sagði van
Duin að ýmsar þjóðir innan ESB
hefðu verið að berjast fyrir því að
koma í veg fyrir skattasamkeppni
milli landa. Van Duin sagði að það
væri þrýstingur á lönd með lága
skattprósentu að hækka hana til
jafns við önnur lönd. Á hinn bóginn
hefðu þjóðir eins og Þýskaland, sem
áður höfðu verið með háan skatt á
fyrirtæki, lækkað hann. Ákveðin
skattasamkeppni væri til því til
góða. Ennfremur væri enn töluverð-
ur munur á milli reglna sem gætu
haft veruleg áhrif á skattlagningu.
Reglur um afskriftir og meðferð á
skattalegu tapi væru skýrt dæmi um
hvernig sama fyrirtækið gæti verið
skattlagt á mismunandi hátt eftir
því hvert heimaland þess væri.
Ísland fjölgar tví-
sköttunarsamningum
Að sögn Ernu Hjaltested, lög-
fræðings hjá tekju- og lagaskrif-
stofu fjármálaráðuneytisins, stend-
ur til að byrja samningaviðræður við
Íra í byrjun apríl og endurskoðun á
samningi við Bandaríkin í lok maí.
Vonast er til að viðræður við Ítalíu
geti hafist á þessu ári. Hins vegar
taki þessi vinna oft nokkurn tíma
vegna ýmissa þátta svo sem þýðing-
arvinnu, bíða þarf eftir samþykktum
þjóðþinga og einnig birtingu í C-
deild stjórnartíðinda. Vandamálið sé
einnig að hinir samningsaðilarnir
séu oft ekki búnir að samþykkja
samningana af sinni hálfu. Nú síðast
í janúar gekk í gildi samningur við
Tékkland. Ísland hefur nú fullgildan
tvísköttunarsamning við 17 lönd.
Fjórir samningar hafa ekki enn öðl-
ast gildi og fyrir liggja árituð drög
að tvísköttunarsamningum við þrjú
lönd.
Hollensk
eignarhalds-
félög álitleg-
ur kostur
Harrie van Duin, skattalögfræðingur hjá
KPMG í Rotterdam, kynnti hollensk eign-
arhaldsfélög á skattaráðstefnu KPMG á
Grand Hóteli síðastliðinn föstudag.
Tómas Orri Ragnarsson sat ráðstefnuna
og spjallaði við van Duin.
Morgunblaðið/Jim Smart
Lísa Karen Yoder lögfræðingur, Harrie van Duin lögfræðingur og Bernhard Bogason lögfræðingur á ráðstefnu
KPMG á Íslandi um hollensk eignarhaldsfélög.
:$

; ' 0 !  

; '  6

; ' <  


%

%

%

!!7
=!
9  $

60 ! > >>
<  
:$

; ' 0 !  

; '  6

; ' <  






%

!!7

3&!!

 8 ! 9  $

60 ! > >>
=!
9  $

>
<  
) ?  '!

 @= ! 

"
) ?  '!

 @= ! A& ' 3&!!  

 @3&!! 




:$

3&!!

 8 ! 9  $

= ! >
) ?
 @>
=!
9  $

>
>
BC
„ÞAÐ hefur mikið verið að gerast í
rekstri Össurar á nýliðnu ári og þess
vegna hefur verið vandað sérstak-
lega til ársreikningsins og skýringar
hafðar mjög ítarlegar,“ segir Jón
Sigurðsson, forstjóri Össurar hf.
„Við birtum áætlun um reksturinn
um mánaðamótin október-nóvember
og í þeirri áætlun var gert ráð fyrir
að velta félagsins á árinu yrði 3.570
milljónir en veltan varð 3.615 millj-
ónir. Við gáfum það út að hagnaður
fyrir afskriftir (EBIDTA) ætti að
vera 780 milljónir en niðurstaðan
varð 702 milljónir.“
Innköllun vara
og gengisbreytingar
„Þetta er í raun eina talan sem vík-
ur nokkuð frá áætlunum og skýring-
arnar á því eru að vegna breytts sölu-
fyrirkomulags í Bandaríkjunum var
ákveðið að taka vörur til baka af ein-
um af okkar fjórum dreifiaðilum
vegna þess að við vorum hrædd um
að þessi aðili myndi selja þær á und-
irverði á markaðnum. Þegar vörurn-
ar voru teknar til baka þurfti eðlilega
að bakfæra þær í bókhaldi og það á
kostnaðarverði þannig að nauðsyn-
legt var einnig að bakfæra þann
hagnað sem hafði áður verið bókaður
vegna sölu þeirra. Þessi upphæð var
um 55 milljónir króna og við ákváð-
um að láta alla þessa upphæð koma
inn í þennan reikning. Þessar vörur
eru auðvitað til og munu verða seldar
eða eru seldar. Önnur ástæða er að
þessi ársreikningur er gerður upp á
meðalgengi en þegar við gerum mán-
aðarlega þá gerum við það á gengi
mánaðar hverju sinni. Þar sem tekju-
dreifing Össurar er mjög ójöfn eru
sölutekjurnar í engu samræmi við
fjölda mánaðanna og því hafði þetta
neikvæð áhrif upp á 15 til 20 millj-
ónir. Hagnaðurinn fyrir óreglulegar
afskriftir, þ.e. hagnaðurinn eins og
hann myndi líta út ef ekki kæmi til
þessi risaafskrift, var 409 milljónir en
í áætlunum var gert ráð fyrir 400
milljónum.“
Mælum enn með kaupum
Edda Rós Karlsdóttir, deildar-
stjóri greiningar og rannsókna hjá
Búnaðarbankanum – verðbréfum,
segir að Össur hafi gefið út rekstr-
aráætlun í byrjun desember og um
leið slegið tóninn fyrir uppgjörið. „Ís-
lenska krónan styrktist hins vegar
gagnvart Bandaríkjadal um 2,2% í
desember og við áttum því von á að
uppgjörið yrði nokkuð undir áætlun-
um félagsins. Niðurstaðan varð þó
lakari en væntingar stóðu til. Skýr-
ingin felst í aukinni birgðastöðu, sem
er tilkomin vegna innköllunar vara
frá einum söluaðila í Bandaríkjunum
í tengslum við breytingar á dreifing-
arkerfi félagins. Því gerum við ráð
fyrir að um tímabundið ástand sé að
ræða og að félaginu takist að lækka
birgðir á nýjan leik. Þetta mun því
ekki hafa áhrif á verðmat okkar á
Össuri og við mælum enn með kaup-
um í félaginu.“
Edda Rós segir að Össur sé að
ganga í gegnum mjög spennandi
tíma og það hafi orðið grundvallar-
breyting á starfseminni. „Með kaup-
um á Flex-Foot og Century XXII er
félagið að auka breidd framleiðslunn-
ar og hefur fært áhersluna yfir á
heildarlausnir. Flex-Foot er með
sölukerfi í Bandaríkjunum sem tekur
við dreifingu á framleiðslu Össurar
þar. Þessu fylgja væntanlega tölu-
verð samlegðaráhrif. Með kaupum á
sænsku dreifingarfyrirtækjunum er
fyrirtækið að styrkja markaðsað-
gang sinn á Norðurlöndum.“
Lækkun á skrifstofu- og
stjórnunarkostnaði
„Framlegð er að aukast á milli ára
þrátt fyrir að kostnaðarverð seldra
vara hafi hækkað. Það er því greini-
legt að samlegðaráhrif eru þegar far-
in að skila sér. Í ársreikningi kemur
enda fram að skrifstofu- og stjórn-
unarkostnaður lækkar úr 28% í 22%
af veltu. Þrátt fyrir mikinn vöxt virð-
ist Össur hafa náð að halda góðum
fókus og enn sem komið er erum við
ekki að merkja vaxtarverki. Áætlanir
félagsins fyrir árið 2001 gera ráð fyr-
ir allt að 80% veltuaukningu á milli
ára. Auk gengisáhættu er helsta
áhættan nú fólgin í því hvernig félag-
inu gengur að koma vörum sínum á
framfæri eftir nýjum leiðum bæði í
Evrópu og Bandaríkjunum. Aukin
markaðshlutdeild er auðvitað for-
senda áframhaldandi vaxtar og því
skiptir miklu máli að vel takist til.“
Markaðurinn tók uppgjörinu vel í
gær og gengi hlutabréfa félagins
hækkaði úr 56 í 56,5, eða um tæpt
prósentustig.
Samlegðaráhrif farin
að skila sér hjá Össuri