Morgunblaðið - 17.02.2001, Page 60

FRÉTTIR
60 LAUGARDAGUR 17. FEBRÚAR 2001 MORGUNBLAÐIÐ
ELSTA starfandi glerverksmiðja
landsins, Samverk á Hellu, var
stofnuð árið 1969 af heimamönn-
um á Hellu. Þar fer fram fjöl-
breytt framleiðsla á gleri auk hins
hefðbundna tvöfalda rúðuglers.
Síðustu fjögur til fimm ár hefður
staðið yfir markviss uppbygging
með stækkun húsnæðis og kaup-
um á fullkomnum tækja- og véla-
búnaði, fjölgun starfsmanna og
endurskipulagningu starfseminn-
ar.
Ragnar Pálsson iðnaðartækni-
fræðingur er framkvæmdastjóri
Samverks en að hans sögn hefur
stöðug framþróun verið í gangi
undanfarin ár til að mæta harðri
samkeppni sem er á þessum
markaði auk þess sem aðstæður
nú til dags krefjast sífellt meiri
afkasta og styttri afgreiðslutíma.
„Við stækkuðum húsnæðið um
630 fermetra með nýbyggingu og
kaupum á nærliggjandi húsi, en
þetta er 50% aukning gólfrýmis
okkar, en þar höfum við vélvætt
með nýjustu tækjum og betri
starfsaðstöðu, sem aftur stuðlar
að auknum afköstum og gæðum.
Þetta hefur kallað á fjölgun
starfsmanna en hjá okkur starfa
um 20 manns en voru 12 áður.
Starfsfólkið er metnaðarfullt og
áhugasamt fyrir hönd fyrirtæk-
isins og nokkrir vinna hér enn,
sem hófu störf í upphafi.
Ég tel staðsetningu verksmiðj-
unnar góða og jafnvel auðveldara
nú en áður að reka framleiðslufyr-
irtæki úti á landi. Samgöngur eru
góðar, starfsfólkið stöðugt og hug-
arfarið í dag jákvæðara gagnvart
því að eiga viðskipti við fyrirtæki
á landsbyggðinni, en stærsti
markaður okkar er auðvitað á höf-
uðborgarsvæðinu auk þess sem
við erum mjög sterkir hér á Suð-
urlandi. Við seljum reyndar um
allt land og rekum okkar eigin
flutningastarfsemi,“ sagði Ragnar
Pálsson.
Hert gler komið til Íslands
Samverk framleiðir margs kon-
ar gler, sólvarnargler, hljóðein-
angrunargler, skrautgler, slípað
og sandblásið gler, hleðslugler,
spegla og síðast en ekki síst er
nýjasta framleiðsla þess, hert
gler.
„Við erum að auka þjónustuna
við markaðinn með þessari fram-
leiðslu, en hert gler er notað víða
þar sem þörf er á mjög sterku
gleri eins og t.d. í glerhurðir,
stigahandrið og
framhliðar verslun-
arrýma, en það er
um fimm sinnum
sterkara en venju-
legt gler. Þetta er
ákveðin sérhæfing í
þessum geira sem er
að verða að raun-
veruleika hjá okkur,
en hert gler hefur
hingað til ekki verið
framleitt á Íslandi.
Biðtími viðskiptavin-
arins eftir vörunni
styttist úr sex vikum
miðað við innflutning
í eina til tvær vikur
og það skiptir ekki
litlu máli í þeim
hraða sem einkennir
alla uppbyggingu og
þenslu á byggingamarkaðinum í
dag.
Vélasamstæðan sem framleiðir
herta glerið er hersluofn sem hit-
ar glerskífuna upp í 650 gráða
hita og rými sem kælir skífuna
með öflugum blæstri. Þannig
kemur mismunandi kólnunarstig á
rauðglóandi glerskífuna, undir- og
yfirborð glersins kólnar fyrr en
kjarni þess, sem orsakar mismun-
andi spennu í ytra lagi glersins og
kjarna þess. Þessi spennumunur í
glerskífunni gerir glerið mjög
sterkt og framkallar það sem
nefnt er hersla. Í fullri vinnslu
vélarinnar er rafmagnsnotkunin
um 1.000 kílówött,“ sagði Ragnar
Pálsson framkvæmdastjóri Sam-
verks, sem stýrir af bjartsýni
tæknivæddu, framsæknu fram-
leiðslufyrirtæki á landsbyggðinni.
Glerverksmiðjan Samverk á Hellu
Morgunblaðið/Aðalheiður Högnadóttir
Hert gler verður til. F.v. Bjarni Jóhannsson, Sveinbjörn Jónsson, Ragnar Pálsson og Sigurður R. Jónsson.
Tugmilljónaupp-
bygging í gangi
Morgunblaðið/Aðalheiður Högnadóttir
Samverk hefur stækkað gólfrými sitt um 50% með nýbyggingunni sem er hægra megin á myndinni.
Morgunblaðið/Aðalheiður Högnadóttir
Leifur B. Björnsson og Hróbjartur Helgason
vinna við tölvustýrðan glerskurð og nýtingu.
Hellu. Morgunblaðið.
NÁMSKEIÐ í vetraríþróttum fatl-
aðra verður haldið í mars á Akur-
eyri. Námskeiðið verður í umsjón
vetraríþróttanefndar ÍF í samvinnu
við Vetraríþróttamiðstöð Íslands á
Akureyri. Dagana 2.–4. mars verður
hreyfihömluðum og þroskaheftum
kennt og dagana 9.–11. mars er röðin
komin að blindum og sjónskertum.
Námskeiðið er ætlað fötluðu fólki,
skíðaþjálfurum, leiðbeinendum og
öðrum þeim sem áhuga hafa.
Kennslan fer fram í formi fyrirlestra
og verklegrar kennslu í Hlíðarfjalli
en dagskrá verður frá kl. 14. föstu-
dag til 16 á sunnudag. Þátttakendur
sjá sjálfir um gistingu og fæði. Nám-
skeiðsgjald er. 3.000 kr. Takmark-
aður þátttökufjöldi á hvert námskeið
Þátttaka tilkynnist til Íþróttasam-
bands fatlaðra netfang if@isisport.is
fyrir mánudaginn 19. febrúar.
Námskeið í
vetraríþróttum
fatlaðra
Frá síðasta námskeiði sem var
haldið á Akureyri í mars 2000.
SÍMINN annast framkvæmd síma-
kosningarinnar vegna Söngvakeppni
Sjónvarpsins, næstkomandi laugar-
dagskvöld. Fyrirtækið hefur gert
verulegar aukaráðstafanir í símkerf-
inu til þess að tryggja að kosningin
geti gengið sem best fyrir sig. Al-
menningur hefur átta mínútur til
þess að greiða atkvæði. Það er gert
með því að hringja í númer á bilinu
900 1001 - 900 1008.
Hvert símtal kostar 50 krónur og
hefur Síminn ákveðið að af þeirri
upphæð renni 20 krónur til styrktar
Umhyggju, félags foreldra lang-
veikra barna.
Hægt er að kjósa í símakosningu
úr öllum símum sem tengdir eru al-
menna símakerfinu, utan þeirra
númera sem eru lokuð fyrir hring-
ingum í símatorg.
Vegna hins skamma tíma, sem
kosningin stendur, er hugsanlegt að
ekki nái allir sambandi í fyrstu til-
raun. Þá er mikilvægt að leggja á,
bíða í fáeinar sekúndur og reyna síð-
an á nýjan leik, í stað þess að ýta
þegar í stað á endurvalshnappinn.
Söngvakeppni evr-
ópskra sjónvarpsstöðva
20 kr. af
hverju sím-
tali til lang-
veikra barna
KRISTÍN Ragna Pálsdóttir,
íþróttafræðingur í Baðhúsinu, held-
ur fyrirlestur sunnudaginn 18.
febrúar kl. 14 þar sem hún ræðir al-
mennt um líkamsrækt.
Kristín mun velta fyrir sér spurn-
ingum eins og hvernig getur líkams-
rækt verið fyrirbyggjandi, hvernig
getur hún skapað betri heilsu og
aukið þol og styrk og veitt okkur
andlega vellíðan?
Fyrirlestrar verða haldnir í hverj-
um mánuði í Baðhúsinu um hvernig
hægt sé að samræma jafnvægi lík-
ama, hugar og sálar og viðhalda
hreysti, segir í fréttatilkynningu.
Fyrirlestur um
líkamsrækt í
Baðhúsinu
SAMTÖK íslenskra vínþjóna standa
fyrir sínum fyrsta fundi og blind-
smökkun á árinu þriðjudaginn 20.
febrúar á Veitingastaðnum Sommel-
ier.
Samtökin hafa nýverið gengið í
gegnum gagngera endurskipulagn-
ingu og ný stjórn verið kosin. Mark-
mið samtakanna sem fyrr er að
stuðla að bættri vínmennngu á Ís-
landi og auka fræðslu og þekkingu
innan fagsins. Samtökin eru opin öll-
um áhugamönnum um vín og er
félagsgjald 10.000 kr. á ári en að auki
er fundargjald 1.000 kr. á hverjum
fundi, enda er fer fram vínsmökkun
á fundunum.
Samtök ís-
lenskra vín-
þjóna með
félagsfund
DÚETTINN Hot’n Sweet sem skip-
aður er þeim Birgi Jóhanni Birgis-
syni og Sigurði Dagbjartssyni leikur
á skemmtistaðnum Players í Kópa-
vogi laugardagskvöld.
Gestasöngvari með þeim er söng-
konan Helga Möller.
Helga Möller
á Players
BRIMBORG mun kynna nýjan og
glæsilegan Ford Mondeo í næstu
viku í húsakynnum sínum við Bílds-
höfða 6. Kynningin mun standa alla
vikuna frá 19.–24. febrúar.
Í fréttatilkynningu segir: „Þýska
tímaritið Auto Motor und Sport
gerði samanburð í desember 2000
hefti sínu á Audi A4, Ford Mondeo
og Mercedes Benz C-class og nið-
urstaðan var sú að Mondeo lenti í
öðru sæti aðeins 10 stigum á eftir
Audi og 16 stigum á undan Benz.
Niðurstaða blaðsins var sú að Mond-
eo væri kominn í flokk lúxusbíla en
þó ekki verðlagður sem slíkur.
Við hönnun Mondeo var megin-
áhersla lögð á öryggi farþega, spar-
neytnar og kraftmiklar vélar, útlits-
hönnun og rými, aksturseiginleika
og gæði. Ford Mondeo verður í boði
á frábæru verði og einstaklega vel
búinn.
Á heimasíðu Brimborgar verða
allar upplýsingar um Ford Mondeo
tilbúnar 19. febrúar en slóðin er
www. brimborg.is og þar má panta
bæklinga og hafa samband við ráð-
gjafa Brimborgar.“
Brimborg
kynnir nýjan
Ford Mondeo
♦ ♦ ♦
♦ ♦ ♦
NÆLON & jarðarber standa fyrir
saumanámskeiði fyrir byrjendur og
lengra komna í febrúar og mars.
Leiðbeinendur verða fatahönnuðir
og klæðskerameistarar.
Námskeið
í saumaskap
♦ ♦ ♦