Morgunblaðið - 17.02.2001, Page 18
VIÐSKIPTI
18 LAUGARDAGUR 17. FEBRÚAR 2001 MORGUNBLAÐIÐ
Hvernig þú getur orðið færari í að skynja
þau boð sem þú færð frá öðrum?
Viðurkennt námí NLP fræðum hefst í Reykjavík 30. mars.
1. hluti af þremur.
Á íslensku með íslenskum/dönskum kennslugögnum.
Kennarar eru Hrefna B. Bjarnadóttir og Jack Makani frá
Makani & NLP-huset í Danmörku.
Fyrirlestur (kynning) um námið verður 22. febrúar kl.19.00
í Gerðubergi 3-5. Upplýsingar í síma 482 3515.
Fyrirhugað er einnig að halda tveggja daga námskeið 24.-25. feb.
Hægt er að skrá sig í einkatíma í síma 869 3737.
Hrefna verður hér á landi 20.-25. febrúar.
ÞORSTEINN M. Jónsson, for-
stjóri Vífilfells, mun eiga 55% í
Vífilfelli eftir að fyrirhugaður sam-
runi fyrirtækisins við Sól-Víking er
um garð genginn. Aðrir hluthafar
verða Kaupþing hf. með 25% hlut
og Sigfús R. Sigfússon með 20%
hlut. Stefnt er að því að sameina
þessi tvö fyrirtæki undir merkjum
Vífilfells eftir að samkeppnisyfir-
völd hafa lagt blessun sína yfir
samrunann.
Kaupþing og tengdir aðilar hafa
þegar keypt öll hlutabréfin í Sól-
Víking, að því er fram kemur í
fréttatilkynningu frá Vífilfelli, og
gerir fyrirtækið ráð fyrir að sam-
keppnisyfirvöld taki afstöðu til fyr-
irhugaðs samruna innan fárra
vikna.
Eins og greint hefur verið frá
festu Þorsteinn, Kaupþing og Sig-
fús nýlega kaup á Vífilfelli, en selj-
andi er Coca-Cola Nordic Beverag-
es, sem er að 51% í eigu Carlsberg
í Danmörku og 49% í eigu Coca-
Cola Company í Bandaríkjum.
Stefnt að skráningu
á hlutabréfamarkað
Stefnt er að því að skrá hið sam-
einaða félag á hlutabréfamarkað
áður en langt um líður, en að sögn
forstjóra Vífilfells munu aðstæður
ráða hvenær af því verður. Þor-
steinn segir að nýir eigendur geri
sér grein fyrir að ef fyrirtækið eigi
að eiga erindi á hlutabréfamarkað
þurfi vaxtarmöguleikar þess að
vera meiri en innlendi markaður-
inn geti boðið upp á. Í því sam-
bandi nefndi hann að með í kaup-
unum fylgi 15% eignarhlutur í
Þórsbrunni og það fyrirtæki eigi
sér bjarta framtíð. Að auki nefndi
hann að Thule- og Víking-bjórinn
ætti erindi á erlendan markað, en
slíkt heyri undir framtíðaráætlan-
ir.
Formaður nýrrar stjórnar Víf-
ilfells verður Sigfús R. Sigfússon
og Þorsteinn M. Jónsson verður
áfram forstjóri.
Sameiginleg velta fyrirtækjanna
tveggja var á síðasta ári um fjórir
milljarðar króna þegar vörugjald,
skilagjald og áfengisgjald eru und-
an skilin, en þegar þessi gjöld eru
talin með er veltan um fimm millj-
arðar króna. Hjá fyrirtækjunum
unnu á síðasta ári 250-260 manns.
Að sögn Þorsteins skarast starf-
semi fyrirtækjanna lítið, Vífilfell sé
lítið í ávaxtasafa og Sól-Víking
framleiði lítið af gosdrykkjum.
Miklir möguleikar séu því til hag-
ræðingar, til að mynda við dreif-
ingu vörunnar.
Fyrirhugað að sameina Sól-Víking og Vífilfell
Forstjóri Vífilfells meirihluta-
eigandi sameinaðs félags
Morgunblaðið/Jim Smart
Sigfús R. Sigfússon, forstjóri Heklu, Þorsteinn M. Jónsson, forstjóri Vífilfells, og Sigurður Einarsson, forstjóri Kaupþings.
VERSLUNIN Griffill opnar á morgun markað
með skrifstofuvörur í Skeifunni 11d. Verslunin
verður endurbætt og stækkuð vegna breyting-
anna.
Lögð verður áhersla á lágt verð á öllum teg-
undum vara sem tengjast skrifstofurekstri. Mark-
miðið er að vera með lægsta mögulega verð á
gæðaskrifstofuvöru.
Að sögn Jóhanns Inga Kristjánssonar fram-
kvæmdastjóra Griffils er opnun þessarar versl-
unar í takt við þróun erlendis með verslun skrif-
stofu- og rekstrarvara. Einingar hefðu verið að
stækka og vöruúrval að aukast. Í stað þess að við-
skiptavinir þurfi að fara í margar verslanir til að
kaupa skrifstofuvörur, tölvur og húsgögn hefðu
sprottið upp verslanir eins og Staples og Office
depot þar sem væri hægt að nálgast allt sem við-
kæmi rekstri skrifstofunnar. Ef viðskiptavinur
væri að opna skrifstofu gæti hann í raun keypt allt
á einum stað.
Griffill mun bæta við vöruflokkum og auka
vöruúrval sitt verulega með nýrri verslun. Boðið
verður upp á aukið úrval tölva, prentara, ljósrit-
unarvélar og húsgagna auk annarra rekstrarvara
fyrir tölvur. Rekstur tölva, ljósritunarvéla og
prentara væri orðinn stór hluti af skrifstofukostn-
aði fyrirtækja og Griffill ætlar sér stærri hlutdeild
á þeim markaði. Náðst hefðu hagstæðir samning-
ar við birgja sem tryggðu að vörur eins og blek og
dufthylki í algengustu gerðir prentara yrðu allt að
50% ódýrari í Griffli, samkvæmt upplýsingum frá
Griffli.
Jóhann Ingi segir að stjórnendur Griffils séu
búnir að kynna sér vel rekstur slíkra verslanna er-
lendis og telji að hérlendis sé grundvöllur fyrir
rekstri þess háttar verslunar. Á undanförnum ár-
um mætti sjá þessa þróun í verslun með raf- og
heimilistækjum og matvöru. Mæta þyrfti kröfum
viðskiptavina um aukið vöruúrval og lægra verð.
Í tilefni opnunarinnar verður Griffill með tilboð
á ýmsum vörum, svo sem prenturum, skrifborðs-
stólum og tölvum.
Griffli breytt í afsláttar-
verslun með skrifstofuvörur
STJÓRN SÍF hf. hefur samþykkt að
veita starfsmönnum sínum kauprétt á
hlutabréfum í fyrirtækinu og hefur
áætlun þess efnis nú verið samþykkt
af ríkisskattstjóra. Kaupréttaráætl-
unin gildir í rúm tvö ár með hugs-
anlegri framlengingu og geta starfs-
menn fyrst nýtt kaupréttinn í apríl
2002 og síðan ári síðar í apríl 2003,
enda séu þeir í starfi hjá félaginu þeg-
ar árlegur kaupréttur verður virkur,
þ.e.a.s. í aprílmánuði ár hvert. Sam-
kvæmt kaupréttaráætlun stjórnar
SÍF hf. munu allir starfsmenn í föstu
starfi hjá fyrirtækinu á Íslandi, sem
og lykilstarfsmenn erlendis eiga rétt
á að kaupa árlega hlutabréf í félaginu.
Heildarumfang kaupréttaráætlunar
SÍF hf. er að nafnvirði kr. 25 milljónir
og kaupverðið er kr. 2,82 á hlut. Um
er að ræða sjálfstæðan rétt til þátt-
töku í kaupum sem nánar er útfærður
í sérstöku samkomulagi við hvern
starfsmann. Starfsmanni er heimilt
að nýta kauprétt sinn að hluta, en þó
aldrei fyrir lægri fjárhæð en 10% af
heimilum kauprétti hverju sinni.
Starfsmenn SÍF fá kaup-
rétt á hlutabréfum
● UNDANFARIÐ hafa orðið manna-
breytingar hjá Raphael & Sons,
breska bankanum, sem FBA
keypti fyrir ári og sem nú er rekinn
af Íslandsbanka–FBA. Tómas Sig-
urðsson framkvæmdastjóri bank-
ans hætti störfum nú í janúar og
sem stendur gegnir Svanbjörn
Thoroddsen framkvæmdastjóra-
stöðu í hálfu starfi en starfar einn-
ig í Íslandsbanka–FBA á Íslandi.
Að sögn Svanbjörns er það til-
viljun að mannabreytingarnar hafa
orðið einmitt nú. Tómas hætti til
að taka við starfi lögfræðings hjá
Íslenskri erfðagreiningu. Sigurður
Nordal, sem starfaði sem við-
skiptastjóri í breska bankanum,
fer til starfa í bankanum heima,
þar sem það hentar betur.
Óttar Guðjónsson hefur látið af
störfum í eignastýringu hjá Raph-
ael & Sons.
Guðmundur Þórðarson tekur við
starfi hans, en hann hefur starfað
hjá FBA í um ár. Halldór Þorleifs
Stefánsson, sem einnig hefur
starfað hjá Íslandsbanka-FBA, mun
nú einnig starfa við eignastýringu í
breska bankanum.
Eins og er starfa fjórir Íslend-
ingar við breska bankann að Svan-
birni meðtöldum. Regína Bjarna-
dóttir hefur starfað hjá bankanum
í nokkra mánuði og vinnur við bak-
vinnslu. Samtals starfa átta
manns hjá breska bankanum.
Svanbjörn segir að reksturinn
gangi mjög vel eins og vonir hafi
staðið til.
Mannabreyt-
ingar hjá Raph-
ael & Sons
London. Morgunblaðið.
● HAGNAÐUR Vaxtarsjóðsins hf. á
árinu 2000 nam 20,3 milljónum
króna. Heildartap ársins, þegar til-
lit hefur verið tekið til lækkunar á
óinnleystum geymsluhagnaði, nam
hins vegar 33,9 milljónum. Heild-
areignir sjóðsins í árslok námu
513 milljónum og var hlutafé
félagsins 364 milljónir. Í árslok
átti sjóðurinn hlutabréf í 17 inn-
lendum hlutafélögum. Þeirra
stærstir voru eignarhlutar sjóðsins
í Opnum kerfum hf., Íslandsbanka
hf. og Tryggingamiðstöðinni hf.
Hluthafar Vaxtarsjóðsins hf. voru
1.568 í árslok 2000 en voru
1.534 árið áður. Ekki er gerð til-
laga um greiðslu arðs á aðalfundi
félagsins sem haldinn verður 15.
mars næstkomandi.
Félagið var stofnað í árslok
1996 og segir í tilkynningu frá
félaginu að tilgangur þess sé að
fjárfesta í hlutafé skráðra og
óskráðra fyrirtækja, sem talin séu
eiga verulega vaxtar- og/eða hagn-
aðarmöguleika innanlands eða ut-
an eða eru álitin vanmetin á hluta-
bréfamörkuðum.
Í stjórn Vaxtarsjóðsins hf. eru
Baldur Guðlaugsson, formaður,
Jón Halldórsson, Stanley Pálsson,
Kristján Óskarsson og Rafn F.
Johnson. Varamenn eru Bragi
Hannesson og Haraldur Sum-
arliðason.
Verðbréfamarkaður Íslands-
banka hf. sér um daglegan rekstur
Vaxtarsjóðsins hf.
Vaxtarsjóð-
urinn hf. á
hlutabréf í
17 félögum