Morgunblaðið - 17.02.2001, Page 49
MINNINGAR
MORGUNBLAÐIÐ LAUGARDAGUR 17. FEBRÚAR 2001 49
ÚTFARARSTOFA ÍSLANDS
Sími 581 3300
Allan sólarhringinn — www.utforin.is
Suðurhlíð 35, Fossvogi
Sverrir
Olsen
útfararstjóri
Sverrir
Einarsson
útfararstjóri
Sjáum einnig um
útfararþjónustu á
allri landsbyggðinni.
Áratuga reynsla.
Það er svo óteljandi
margt sem mig langar
til að segja hérna svo
ég veit varla hvað ég
á að skrifa. Það er
ótrúlega skrýtið að
hafa þig ekki lengur hérna hjá
okkur, það er komið svo stórt
skarð í líf okkar allra sem enginn
getur fyllt. Það er skrýtið að upp-
lifa það að missa kærastann sinn
þegar maður er bara 19 ára en ég
held að þessi lífsreynsla geri mig
bara sterkari og hæfari til að tak-
ast á við lífið. Ég reyni að vera
dugleg og sterk því það er það sem
þú myndir vilja. Ég ætla að lifa
hvern dag eins og hann sé sá síð-
asti, því maður veit aldrei hvenær
maður gæti farið. Allir draumar
okkar hrundu daginn sem þú fórst
og ég þarf að byrja allt upp á nýtt.
Allt breyttist og umturnaðist. En
ég hlakka til að halda áfram að lifa
þó að mikilvægasta manneskjan í
lífi mínu sé farin frá mér þá er
samt svo margt annað gott í lífinu.
Það að kynnast þér var alveg ein-
stakt og þessir 19 mánuðir sem við
áttum saman voru það mesta og
besta. Þú breyttir mér í svo miklu
betri manneskju en ég var og fyrir
það verð ég þér ævinlega þakklát.
Þú varst ekki bara kærastinn minn
heldur varstu líka langbesti vinur
minn og við vorum svo samtiga í
öllu að það var alveg einstakt. Ég
sakna þín svo ólýsanlega mikið,
sakna þess svo að fá ekki að sofa
og vakna við þína hlið, sakna þess
að sjá fallegu augun þín og fallega
brosið þitt, fá ekki að kyssa þig og
knúsa. En mest af öllu þá sakna ég
ÞÍN!!! En það er alveg sama
hversu mikið við grátum þá kemur
þú ekki aftur. Það eru líka svo ótal
margar spurningar sem við erum
að velta fyrir okkur en við vitum
það að við fáum aldrei nein svör
svo að ég reyni að hugsa ekkert
um það.
En ég veit að þú verður alltaf
hjá mér og þú verður með mér í
einu og öllu sem ég mun taka mér
fyrir hendur. Ég sakna þín alveg
ótrúlega mikið og einveran er svo-
lítið sár. En ég á alveg yndislegar
minningar og þær munu lifa jafn-
lengi og ég.
Og minningarnar eru eitthvað
sem aldrei neinn getur tekið fá
mér.
Ég er sátt. Ég elska þig og ég
sakna þín svo mikið að ég finn
stundum til. En lífið heldur áfram
og ég ætla að halda áfram með því.
Ég hlakka svo til að hitta þig aftur,
elsku ástarengillinn minn. Þú verð-
ur alltaf í hjarta mínu. Ég er sátt.
Þín
Karen.
Elsku Svenni, þú hvarfst frá
okkur svo skjótt og óvænt að við
viljum senda þér okkar hinstu
kveðju. Síðustu tvær vikurnar hafa
verið þær strembnustu í lífi okkar,
að þurfa að horfa á eftir vini eins
og þér virðist svo óraunverulegt,
svo fjarstæðukennt. Sama hvar við
komum saman vinirnir þá varstu
alltaf brosandi og hlæjandi. Þessi
yndislegi hlátur þinn smitaði alltaf
út frá sér og fyrr en varði voru all-
ir farnir að brosa með þér. Þegar
við horfum aftur og rifjum upp öll
yndislegu augnablikin sem við upp-
lifðum saman er ekki annað hægt
en að gera það með bros á vör, all-
ar myndirnar sem koma upp í hug-
SVEINN
BIRKIR
SVEINSSON
✝ Sveinn BirkirSveinsson fæddist
á Ytra-Kálfsskinni á
Árskógsströnd 23.
apríl 1980. Hann lést
26. janúar síðastliðinn
og fór útför hans fram
frá Stærra-Árskógs-
kirkju 10. febrúar.
ann styrkja okkur á
þessum erfiða tíma.
Við söknum þess að
hlæja með þér, en
huggum okkur við að
þegar við hittumst aft-
ur munum við hafa
margt til að hlæja að
með þér. Við varðveit-
um þessar minningar
þangað til og notum
þær til þess að fagna
þér og lífi þínu. Þú
snertir okkur það
djúpt á þessum árum
sem við vorum allir
saman að minning þín
verður eilíf á meðal okkar vina
þinna. Við vitum líka fyrir víst að
þú fylgir vinahópnum ennþá og
fylgist með okkur til að tryggja að
allir séu glaðir og ánægðir. Þú vild-
ir alltaf hafa fólk glatt í kringum
þig og varst fljótur að stökkva til
og rífa fólk upp af afturendanum
og blanda því í fjörið ef þér fannst
einhver vera útundan. Meira að
segja þegar þú varst úti á sjó
varstu sífellt að hringja í okkur til
að vera viss um að allir væru
hressir og kátir og til að fá fréttir
að heiman. Skarðið sem þú skilur
eftir í vinahópnum verður aldrei
fyllt af neinum öðrum, þetta verður
alltaf þinn staður. Þú hefur þinn
stað í okkar daglega lífi áfram og
að eilífu, því þannig vinir erum við,
vinir að eilífu.
Elsku vinur, hér skilur leiðir í
bili við þökkum fyrir að hafa átt
þig að, við þökkum fyrir öll brosin,
alla hlýjuna, allan hláturinn, alla
gleðina og áralanga trausta vináttu
sem skilur meira eftir sig en orð fá
lýst. Guð varðveiti þig þar til við
hittumst aftur.
Elsku Bogga, Svenni og nær-
staddir, guð blessi ykkur og gefi
ykkur styrk.
Bjarmi og Össur.
Elsku Svenni minn, ég trúi ekki
að þú sért dáinn.Þú svona ham-
ingjusamur, ástfanginn ungur
drengur í blóma lífsins. Þú varst
alltaf svo hress og kátur og ánægð-
ur með lífið. Það eru ótal margar
spurningar sem koma upp í hug-
ann, spurningar sem ég fæ aldrei
svör við. En svona er víst gangur
lífsins, enginn dans á rósum. Ég
man svo vel eftir því þegar við vor-
um að djamma á gamlárskvöld. Þú
talaðir svo mikið um framtíðina,
hvað þig langaði mikið til þess að
fara að trúlofa þig og fara í skóla.
Við töluðum líka um það hvað allir
í vinahópnum væru farnir sinn í
hverja áttina. En aldrei hvarflaði
að mér að þú færir svona langt
svona fljótt. Það hefur myndast
svo djúpt skarð í vinahópinn sem
enginn getur fyllt upp í. Enginn
getur komið í þinn stað því þú
varst svo einstakur. Þú gast alltaf
komið mér til þess að hlæja þegar
ég var döpur eða þegar mér leið
illa. Þú varst svo hugulsamur og
tilfinningaríkur, ef þú vissir að
eitthvað bjátaði á hjá vinum eða
ættingjum varstu vanur að hringja
til þess að hressa mann við. Mér er
svo minnisstætt þegar þú hringdir
í mig fyrir jólin, við áttum svo
langt og gott spjall og fyrir það
verð ég ævinlega þakklát. Þú þakk-
aðir mér fyrir allt sem ég var búin
að gera fyrir frænku þína og baðst
mig um að passa hana fyrir þig
meðan þú værir úti á sjó. Og það
skal ég sko sannarlega gera fyrir
þig. Mér finnst eins og ég sé með
stórt sár inni í mér sem með tím-
anum grær en á alltaf eftir að
skilja eftir sig stórt ör. Mér finnst
svo erfitt að vita til þess að ég fái
aldrei aftur að sjá fallega brosið
þitt eða heyra glaðværan hláturinn
þinn. Ég hlýja mér um hjartarætur
með öllum gömlu góðu minning-
unum og fallegu myndunum. Það
er eitthvað sem enginn getur tekið
frá mér. Ég veit að afi þinn hefur
tekið vel á móti þér og að þú ert
kominn á fallegan stað þar sem þér
líður vel. Takk fyrir allt sem þú
gafst mér og sýndir mér, meðal
annars að ekki er hægt að fá allt
sem maður vill. Með þessum orð-
um kveð ég þig, kæri vinur, með
söknuð í hjarta og trúi því að ég
eigi eftir að hitta þig handan við
hliðið.
Elsku Bogga, Svenni, Linda,
Kristján, Karen og aðrir aðstand-
endur, megi guð vera með ykkur í
þessari miklu sorg. Minningin mun
lifa sem ljós í okkar lífi.
Hver minning dýrmæt perla að liðnum
lífsins degi,
hin ljúfu og góðu kynni af alhug þakka
þér.
Þinn kærleikur í verki var gjöf, sem
gleymist eigi,
og gæfa var það öllum, er fengu að
kynnast þér.
(Ingibj. Sig.)
Þín vinkona,
Andrea Víðis.
MORGUNBLAÐIÐ tekur afmælis- og minningargreinar til birtingar
endurgjaldslaust. Greinunum er veitt viðtaka á ritstjórn blaðsins í
Kringlunni 1, Reykjavík, og á skrifstofu blaðsins í Kaupvangsstræti 1,
Akureyri. Þá er enn fremur unnt að senda greinarnar í símbréfi (569
1115) og í tölvupósti (minning@mbl.is). Nauðsynlegt er, að símanúmer
höfundar/sendanda fylgi.
Um hvern látinn einstakling birtist formáli, ein uppistöðugrein af
hæfilegri lengd, en aðrar greinar um sama einstakling takmarkast við
eina örk, A-4, miðað við meðallínubil og hæfilega línulengd, - eða 2.200
slög (um 25 dálksentimetra í blaðinu). Tilvitnanir í sálma eða ljóð tak-
markast við eitt til þrjú erindi. Greinarhöfundar eru beðnir að hafa
skírnarnöfn sín en ekki stuttnefni undir greinunum.
Við birtingu afmælisgreina gildir sú regla, að aðeins eru birtar grein-
ar um fólk sem er 70 ára og eldra. Hins vegar eru birtar afmælisfréttir
ásamt mynd í Dagbók um fólk sem er 50 ára eða eldra.
Mikil áhersla er lögð á, að handrit séu vel frá gengin, vélrituð eða
tölvusett. Sé handrit tölvusett er æskilegt, að disklingur fylgi útprent-
uninni. Það eykur öryggi í textameðferð og kemur í veg fyrir tvíverknað.
Auðveldust er móttaka svokallaðra ASCII-skráa sem í daglegu tali eru
nefndar DOS-textaskrár. Þá eru ritvinnslukerfin Word og Wordperfect
einnig auðveld í úrvinnslu.
Birting afmælis- og
minningargreina
HEIMDALLUR, félag ungra sjálf-
stæðismanna í Reykjavík, fagnaði
tveggja ára afmæli vefseturs síns,
frelsi.is, og 74 ára afmæli félagsins
á fimmtudag og opnaði af því til-
efni formlega Söguvef Heimdallar.
Björn Bjarnason mennta-
málaráðherra opnaði söguvef-
inn ásamt Björgvin Guðmunds-
syni, formanni Heimdallar, í hófi,
sem fór fram á veitingastaðnum
Rex.
Morgunblaðið/Jón Svavarsson
Björgvin Guðmundsson og Björn Bjarnason menntamálaráðherra opn-
uðu söguvef Heimdallar á frelsi.is.
Saga Heimdallar á frelsi.is
REYKJAVÍKURBORG efnir til op-
ins kynningarfundar í Tjarnarsal
Ráðhúss, næstkomandi sunnudag,
18. febrúar, kl. 14. Tilefni fundarins
er atkvæðagreiðsla 17. mars nk. um
flugvöllinn og framtíðarskipulag
Vatnsmýrar. Á fundinum verður
málið rætt frá ýmsum hliðum, bæði
af talsmönnum ákveðinna sjónar-
miða og með þátttöku borgarfull-
trúa, sérfræðinga og almennings.
Sjónvarpað verður frá fundinum um
land allt auk þess sem fréttastofa
Sjónvarpsins verður með innlegg á
fundinum. Fundurinn er opinn öll-
um meðan húsrúm leyfir.
Áður en fundurinn hefst verður
fjallað um þá kosti sem tengjast at-
kvæðagreiðslu um framtíð flugvall-
arins og Vatnsmýrarinnar. Umsjón-
armaður er Elín Hirst, fréttamaður
á Sjónvarpinu.
Fundurinn í Ráðhúsinu hefst á
inngangi borgarstjóra, Ingibjargar
Sólrúnar Gísladóttur, en að því
búnu eru sex stuttar framsögur um
málið. Frummælendur verða: Bolli
Kristinsson kaupmaður, Friðrik
Pálsson framkvæmdastjóri, Stein-
unn Jóhannesdóttir rithöfundur,
Þorgeir Pálsson flugmálastjóri,
Trausti Valsson skipulagsfræðingur
og Kristján Þór Júlíuson bæjar-
stjóri.
Að loknum erindum sitja fram-
sögumenn fyrir svörum. Þá verða
almennar umræður með þátttöku
fundarmanna í sal auk þess sem
fréttastofa Sjónvarpsins verður með
innskot og talar við fólk á lands-
byggðinni og leitar álits hjá sér-
fræðingum.
Í fundarlok draga samgönguráð-
herra, Sturla Böðvarsson, og borg-
arstjóri, Ingibjörg Sólrún Gísladótt-
ir, saman helstu niðurstöður fund-
arins og skiptast á skoðunum.
Fundarstjórar verða Stefán Jón
Hafstein og Brynhildur Þórarins-
dóttir.
Opinn kynningarfundur í Ráðhúsi Reykjavíkur
Á að gera ráð
fyrir flugvelli
í Vatnsmýrinni?
FRÉTTIR
Flísar
og
parketBorgartúni 33, Reykjavík • Laufásgötu 9, Akureyri