Morgunblaðið - 03.04.2001, Blaðsíða 18
AKUREYRI
18 ÞRIÐJUDAGUR 3. APRÍL 2001 MORGUNBLAÐIÐ
Professionails
naglaskólinn
• Alþjóðlegur naglaskóli sem út-
skrifar naglafræðinga með dipl-
óma sem gildir í 20 löndum.
• Nýir nemendur teknir inn á
hverjum laugardegi.
• Sveigjanlegur kennslutími.
• Einstaklingskennsla.
Upplýsingar í síma 588 8300
Sigríður Filippía stundaði nám í
Förðunarskóla No Name í tísku-
og ljósmyndaförðun og leikhús-
förðun og naglaskóla Profession-
ails árið 2000. Hún starfar nú
hjá Íslensku óperunni við förð-
un og á Hár Sögu á Hótel Sögu
við naglaásetningar.
Umsögn: Hnitmiðað, skemmtilegt fagnám sem
skilar mér góðum atvinnumöguleikum.
FörðunarskóliNO NAME
* Útskrifar förðunarfræðinga.
* Tísku- og ljósmyndförðun 6-12 vikur.
* Kvikmynda- og leikhúsförðun13
vikur.
* Kennarar okkar eru allir þrautreyndir
snyrti- og förðunarmeistarar.
* Metnaðarfull kennsla sem skilar hæfu
starfsfólki út í atvinnulífið.
* Nám fyrir konur á öllum aldri.
* Sumarskóli byrjar 21. maí.
Haustskóli 10. sept.
Upplýsingar í síma 588 6525.
Klapparstíg 40
Sími 552 7977.
Handmálaðir
grískir íkonar
Falleg
fermingargjöf
Mývatnssveit - Hluthafafundur var
haldinn í Kísiliðjunni hf. á Hótel
Reynihlíð síðasta föstudag. Á fund-
inum sagði stjórn félagsins af sér í
framhaldi af sölu fyrirtækisins til
Allied EFA.Undirritað var staðfest-
ingarskjal milli stærstu núverandi
eigenda, ríkissjóðs Íslands og World
Minerals annarsvegar og Allied
EFA, nýrra eigenda hinsvegar.
Gerðar voru 7 breytingar á sam-
þykktum félagsins og því kosin ný
þriggja manna stjórn, sem í sitja:
Gylfi Arnbjörnsson, Jón Fenger og
Hákon Björnsson og í varastjórn
Jón Sigurðsson og Jurgen Kroner
og voru allir sjálfkjörnir.
Í skýrslu Hreiðars Karlssonar,
fráfarandi formanns, kom fram að
síðasta ár hafi verið fjórða besta
framleiðsluár og næstbesta söluár
frá upphafi. Hann taldi að hér væri
verið að stíga mikið heillaspor í sögu
verksmiðjunnar og vonaði að það
yrði fyrirtækinu og starfsmönnum
þess til blessunar.
Gunnar Örn Gunnarsson fram-
kvæmdastjóri kynnti reikninga og
gat hann þess að heimsmarkaðsverð
á kísilgúr hefur farið lækkandi á
undanförnum 6 árum. Mikil hækkun
varð á orkukostnaði á árinu, einkum
vegna olíuverðhækkana. Veik staða
evrunnar hefur einnig komið fyrir-
tækinu illa þar sem kísilgúrinn fer
mest á Evrópumarkað. Heildartap
ársins varð 47,2 milljónir króna.
Eiginfjárstaða er mjög sterk eða
90,7%. Veltufjárhlutfall 5,1. Reikn-
ingunum var vísað til aðalfundar án
umræðu.
Sigurjón Benediktsson, stjórnar-
maður flutti hugvekju með tölfræði
og benti á að Kísiliðjan væri í dag
öflugt, sterkt og gott fyrirtæki sem á
sl. 10 árum hafi greitt 1.280 milljónir
fyrir þjónustu Eimskipa, 1.000 millj-
ónir til sölufélags Celite, og 138
milljónir til Húsavíkurbæjar auk
minni upphæða til annarra.
Þorgeir Örlygsson þakkaði fyrir
hönd iðnaðarráðuneytis, stjórn, eig-
endum og starfsfólki ánægjulegt
samstarf og bauð fundarmönnum og
öllum starfsmönnum Kísiliðjunnar
ásamt mökum þeirra til móttöku í
Gamla bænum, Hótel Reynihlíð að
loknum fundi.
Gylfi Arnbjörnsson lýsti mikilli
bjartsýni á framtíð fyrirtækisins.
Leifur Hallgrímsson oddviti þakkaði
fyrri eigendum gott samstarf og
bauð nýja hjartanlega velkomna. Ör-
lygur Hnefill Jónsson óskaði þess að
starfsemi félagsins verði það öflug
að eftir verði tekið. Sigurjón Bene-
diktsson afhenti Gylfa Arnbjörns-
syni íslenska fánaveifu til áréttingar
því að nú væri Kísiliðjan komin al-
farið í íslenska eigu, að hann taldi.
Gunnar Örn Gunnarsson þakkaði
gott samstarf við fyrri stjórn. Hann
telur að breytt eignarhald á verk-
smiðjunni bjóði uppá sóknarfæri í
rekstri hennar. Fundarstjórinn Jón
Sveinsson sleit síðan fundinum, sem
hlýtur að teljast merkur atburður í
atvinnusögu Mývatnssveitar. Bjart-
sýni og miklar vonir eru með heima-
mönnum um að atvinnulíf þróist far-
sællega í höndum nýrra eigenda
Kísiliðjunnar.
Stjórnar-
skipti í Kís-
iliðjunni hf.
Morgunblaðið/BFH
Hér voru engin rafræn hlutabréf á borðum og því töluverð vinna að
undirrita pappíra að þessu tilefni. Á myndinni eru Þorgeir Örlygsson,
Bruno van Herpen, Hákon Björnsson, Gylfi Arnbjörnsson, Gunnar Jóns-
son og fundarstjórinn Jón Sveinsson.
Fráfarandi stjórn Kísiliðjunnar hf., Örlygur Hnefill Jónsson, Sigurjón
Benediktsson, Gunnar Örn Gunnarsson framkvæmdastjóri, Bruno van
Herpen og Hreiðar Karlsson. Framkvæmdastjórinn mun starfa áfram
með nýjum eigendum.
SANNKÖLLUÐ skíðaveisla verð-
ur í Hlíðarfjalli næstu daga, en
þar verður haldið Skíðamót Ís-
lands og alþjóðleg mót, svonefnd
FIS-mót sem og „Icelandair Cup“
í alpagreinum og göngu. Móts-
haldið er afar viðamikið og í engu
er sparað að gera það sem veg-
legast. Því sem næst allir bestu
skíðamenn landsins og fjölmargir
útlendingar mæta til leiks, sumir
heimsþekktir.
Alþjóðlega mótaröðin hefst í
dag, þriðjudag, með keppni í stór-
svigi kvenna og karla, 15 ára og
eldri, og þá verður keppt í stór-
svigi á miðvikudag. Skíðamót Ís-
lands hefst svo á fimmtudag og
verður þá keppt í göngu, en
göngubrautin í Hlíðarfjalli hefur
fengið alþjóðlega viðurkenningu.
Sprettganga í göngugötu
Formleg setning mótsins verð-
ur sídegis á fimmtudag og af því
tilefni verður efnt til sprettgöngu
í göngugötunni á Akureyri, en þar
er um nýmæli að ræða sem ef-
laust margir hafa gaman af að
fylgjast með. Mótið stendur fram
á sunnudag.
Um þrjátíu erlendir þátttak-
endur hafa boðað koma sínu á al-
þjóðlegu mótin í alpagreinum og
göngu í Hlíðarfjalli, en m.a. má
þar nefna Heddu Berntsen frá
Noregi, Kristine Heggelund einn-
ig frá Noregi, Kai Are Fossland,
Stein Kristian Strand og Aane
Saeter sem keppa í alpagreinum.
Meðal göngumanna má nefna
Odd-Björn Hjelmeset frá Noregi,
landa hans Andres Aukland og
Svíann Morgan Göransson og loks
má nefna að sænsk-íslenska stúlk-
an Emma Furuvik er einnig á
meðal þátttakenda og mun keppa
í göngu.
Skíðaveisla í Hlíðarfjalli
STARFSFÓLK Amtsbókasafnsins og gest-
ir þess sjá nú fram á betri tíma, en um
helgina var auglýst útboð á viðbyggingu
við safnið. Þessa hefur nú verið beðið
með stigvaxandi óþreyju allt frá því að
tilkynnt var á hátíðarfundi bæjarstjórnar
á 125 ára afmælisdegi Akureyrarbæjar
árið 1987 að bæjarbúar fengju viðbygg-
ingu þessa í afmælisgjöf. Á þeim 14 árum
sem senn verða liðin hafa áform um við-
bygginguna góðu vikið fyrir öðrum verk-
um sem brýnni þóttu á hverjum tíma.
Í tilefni þess að vart verður aftur snúið,
nú þegar búið er að auglýsa útboðið gerði
starfsfólk safnsins sér glaðan dag og
splæsti í tertu. Hólmkell Hreinsson, for-
stöðumaður safnsins, skar fyrstu sneiðina
og skenkti hana að sjálfsögðu Gísla Jóns-
syni sem um margra ára skeið hefur haft
vinnuaðstöðu á safninu. Tilboðin verða
opnuð í byrjun næsta mánaðar og eftir að
verktaki hefur verið valinn verður hafist
handa við að reisa bygginguna, en áætl-
anir gera ráð fyrir að henni verið að fullu
lokið um áramót 2003–4.
Viðbygging við Amtsbókasafnið boðin út
Terta í til-
efni dagsins
Morgunblaðið/Margrét Þóra
Hólmkell sker fyrstu sneið kökunnar á disk Gísla Jónssonar.